Luke 8:47 - De Beebaa Dabu

⁴⁷ Gai ga gidee huu e de hine laa bolo ia gu dee maua i de mmuni, gai ia ga humai ma de bolebole ga duuduli i mada luu mada o Iesu ga tala ange gi de ia i madamada o dangada alodahi, de hiidinga aana ne poo ange ai ia, aama dono ieiangi i de masavaa laa donu huu.

Luke 8:47 Referans Kwoze

Mark 5:33

Aagai de hine laa gu iloo e ia mee alodahi gu hai ange laa gi de ia, gai ia gu madagu mmao ma de bolebole. Gai ia ga humai ga duuduli i gaogao luu vae o Iesu ga tala ange gi de ia mee alodahi.

2 Corinthians 7:15

Gai ia gu kii ange donu dono aloha i goodou, i de masavaa aana e maanadu ai dagodo o doodou daudali i mee alodahi, ma doodou abodonu ange gi de ia i de maatagu ma de bolebole.

Hebrews 12:28

Deenei ai, go hiidinga gidaadeu e kave de nohoanga hodooligi e dee maua laa i de hagangalungalue, gidaadeu ga hagaahe ange de abodonu ma de daumaha ange gi de Maadua e hagamalangilangi ai ia, i de hagadubu ma de maatagu,

1 Corinthians 2:3

Gai au se dangada baageaa ma de madagu mmao aama de bolebole, i dogu masavaa nogo noho ai i oodou daha,

Psalm 2:11

Daumaha ange gi Tagi Maolunga i de maatagu, gai gi malangilangi ma de bolebole.

Acts 16:29

Gai taane laa ga hagahi gi gaamai dahi laama, gai ia ga ulu gi lodo gu bolebole ma de madagu ga duuduli ga ino gi lalo i mada i mua o Paul ma Silas,

1 Samuel 16:4

Gai Samuel ne hagassula muna a Tagi Maolunga. Ia ne hano ga dae gi Bethlehem, gai dagi o de aduhale gu maatagu mmao, i de masavaa olaadeu ne loomai ai ga hedae ange gi de ia. Gai gilaadeu ga ssili ange, “Koe ne humai naa i hiidinga o de nnoho paba?”

Habakkuk 3:16

Au ne langona mee nei, gai dogu angaanga gu bolebole, luoogu malaungudu gu bolebole hogi i dagu longo mee nei; ogu ivi gu daamada de pobo, gai luoogu vae gu pole. Aagai au e noho naa ga tali de masavaa o de hai ngadaa e humai ai gi honga o dangada gu hebagi mai gi gimaadeu.

Isaiah 66:2

E aha, e dee go dogu lima ne haia mee nei alodahi, deenei ai, gu hanu mee nei alodahi? go Tagi Maolunga e hagadaba. Deenei tangada aagu e hagadubu: go tangada e lodo maolalo ma de dahuli abodonu ono lodo, ma de bolebole i dono madagu i agu muna.

Psalm 38:9

Dogu Ia Aamua, ogu lodo alodahi e maahuge adu gi de goe, gai koe e iloo dogu manava i lunga.

Philippians 2:12

Deenei ai, ogu daina hagamogomogo, goodou e daudali i agu muna i masavaa alodahi, e dee go dogu masavaa donu huu e noho ai i oodou daha, gai e kii ange donu de heohi doodou hai de mee nei i dogu masavaa e dee maleva ai. Goodou duudagi ina de hagaago mai i oodou hegau bolo goodou gu hagamouli, i de maatagu ma de bolebole,

Matthew 28:8

Gai gilaau ne hagamoolau ga hulo gee mai i taanunga, gilaau gu maatagu gai gu malangilangi mmao. Gai gilaau ne saavini ga hulo e tala ange gi ana dangada agoago.

Hosea 13:1

De masavaa o Ephraim ne basa ai, gai dangada gu maatagu; gai ia ne hagaamua ina i Israel. Aagai ia ne haisala i dono daumaha ange gi Baal, gai ia gu magau.

Hosea 5:3

Au e iloo dagodo o Ephraim, gai dagodo o Israel e dee maua i de hagammuni i de au. Ephraim, koe gu hai hegau bei de hine hai be se manu, gai Israel gu dee gilimalali.

Psalm 66:16

Goodou alodahi e maatagu i de Maadua, loomai hagalaangona, gai au ga tala adu dagodo ana mee ne hai mai gi de au.

Luke 8:46

Aagai Iesu ga hai ange, “Dahi dangada gu poo mai donu au, au e langona iho de sao o ssauaa i ogu daha.”

Luke 8:48

Aagai Iesu ga hai ange gi de ia, “Dagu damaa hine, doo gai gu hagaieiangi goe, hannoo i de baba.”