Luke 8:35 - De Beebaa Dabu

³⁵ Aagai dangada ne loomai e tilo mee gu hai laa, gai ga tae mai huu gilaadeu gi daho Iesu, gai gilaadeu gu gidee taane ne ssao mai laa denga hagasaalunga baubau i ono daha gu noho i gaogao luu vae o Iesu, ia gu gahu gai gu dee libolibo ange, gai gilaadeu gu maatagu.

Luke 8:35 Referans Kwoze

Luke 10:39

Gai Martha e dahi ono daina hahine, dono ingoo go Mary. Mary ne humai ga noho i gaogao luu vae o Tagi Maolunga ga hagallongo ai ana agoago.

1 John 3:8

Tangada e haisala se dama donu nii de ia hagabaubau, go hiidinga de ia hagabaubau gu haisala mai huu i taamada age. Aagai Tama Daane a de Maadua ne humai e oha hegau a de ia hagabaubau.

Acts 22:3

“Au se dangada Ssuu ne haanau i Tarsus o Cilicia. Au ne agoago i daho Gamaliel i de aduhale nei, gai ne agoagona danuaa i dahulinga hai ngadaa o hainga a odaadeu dubuna madagidagi. Au ne lodo mmahi i de hai hegau a de Maadua, bei oodou dagodo anailaa nei.

Psalm 51:10

De Maadua, hagagilimalali ina ogu lodo, gai hagahoou ina de hagasaalunga heohi i ogu lodo.

Luke 8:27

Gai de masavaa o Iesu ne hanage ai gi uda, gai ia gu hedae ange gi dahi daane iai denga hagasaalunga baubau mai i de aduhale. Gai gu daulooloa dono dee gahu aama tee noho i lodo hale, aagai e noho i magavaa denga daanunga.

Luke 15:17

Aagai ga gidee iho huu e ia ono dagodo, gai ia ga hagadaba, ‘De gau hai hegau soa o dogu damana e lagolago mmao alaadeu gai, gai au e magau i de hiigai i kinei!

Luke 2:46

Gai dua huu e dolu laangi, gai gilaau gu gidee ia i lo te buibui o de temple, ia e noho i daho de gau agoago o de hainga, ma e hagallongo ai alaadeu agoago, aama de ssili ange ana muna gi gilaadeu.

Mark 5:15

Gai ga tae mai huu gilaadeu gi daho Iesu, gai gilaadeu gu gidee taane nogo iai laa denga hagasaalunga baubau soa, gu gahu ma e noho ai i kilaa ia gu dee senga; gai gilaadeu gu maatagu.

Isaiah 53:12

Deenei ai, au e vvae ange naa gi de ia dahi duuhanga madali de gau maolunga, gai ia e vaevae naa denga goloa o de hebagi madali denga daane mmahi; go hiidinga ia ne dugu ange dono mouli gi de magau; ia gu dau madali de gau haisala. Ia ne hagauda haisala o dangada soa, aama de dalodalo i hiidinga o de gau haisala.

Matthew 4:24

Gai ono longo gu dele i Syria alodahi, gai dangada ga gaamai gi ono daha dangada iai denga hagadaagangaa magi alodahi, ma gilaadeu e duasala i de mmae, ma gilaadeu iai denga hagasaalunga baubau, ma gilaadeu e llele age, ma gilaadeu e baagia, gai ia ga hagaieiangi gilaadeu.

Luke 8:34

Gai ga gidee huu e dangada e diiloo ange laa denga biigi mee gu hai laa, gai gilaadeu ga saavini gi de aduhale ma mommee e paa ange gi kilaa ga tala ai mee gu hai laa.