Luke 8:3 - De Beebaa Dabu

³ ma Joanna de bodu o Cuza, go taane e diiloo ange mee o Herod, aama Susanna. E soa ange haahine ne balea ange gilaadeu i olaadeu goloa donu.

Luke 8:3 Referans Kwoze

1 Timothy 5:10

gai se hine gu iloo abodonu ana hegau danuaa — ia ne agoago danuaa ana dama, ma de abodonu ange gi dangada i dono hale, ma de hhui vae o dangada o de Maadua, ma de bale ange gilaadeu e hai ngadaa, aama de hagaduu ngae i denga hagadaagangaa hegau danuaa alodahi.

Philippians 4:22

Dangada alodahi o de Maadua e gaavadu hogi delaadeu hagaboo gi goodou, gai e kii ai hugadoo dangada i de hale o Caesar i de llodo e gaavadu delaadeu hagaboo.

2 Corinthians 8:9

Gai goodou gu iloo dagodo de abodonu o Iesu Klisdo taadeu Dagi Maolunga, ia e lava mmao, gai ia ne hai gi se dangada hagaau aloha i oodou hiidinga, gi maua ai e goodou i de hai gi ni dangada e lava i dono hagaau aloha.

Matthew 26:11

De gau hagaau aloha e nnoho i oodou daha i masavaa alodahi, aagai au e dee noho i oodou daha i masavaa alodahi.

Matthew 25:40

Gai de Hodooligi e hai ange naa gi gilaadeu, ‘Ni muna abodonu aagu e hai adu nei gi goodou, mee alodahi oodou ne hai ange gi dahi ogu daina maolalo nei, gai goodou ne hai mai donu gi de au!’

Matthew 2:11

Gai de masavaa olaadeu ne ulu i de hale laa, gai gilaadeu gu gidee de gaagaa ma dono dinana go Mary. Gai gilaadeu ga duuduli ga daumaha ange gi de ia. Gai gilaadeu ga hhuge alaadeu mee hagamogomogo ga gaavange gi de ia mee ngadi gaavange: go goolo, ma frankincense, aama myrrh.

Isaiah 23:18

Gai ana mee e mau ai ma dono hagaoanga e vvae ange naa gi Tagi Maolunga. Tyre e dee maua naa i de hagabudu e doange dono lava. Gai ana mee e maua e gaavange naa e gaimee ai ma de kahu ai gilaadeu e nnoho i mada luu mada o Tagi Maolunga.

1 Chronicles 29:14

Aagai se aha donu au, gai ni aha ogu dangada, gai gimaadeu ga maua ai i de ngadi gaavadu mee nei gi de goe? Mee alodahi ne loomai i oo daha, gai niiau donu mee amaadeu e gaavadu nei gi de goe.

Luke 24:10

Gai go Mary Magdalene, ma Joanna, ma Mary tinana o James, aama hanu haahine madali gilaadeu ne daalaa ange mee nei gi de gau tala.

Acts 13:1

De masavaa laa gai e hanu pelaabisi ma dangada agoago i de nohoanga dabu o Antioch: go Barnabas, ma Simeon e hagaingoo ange laa hogi go Niger, ma Lucius taane Cyrene, ma Manaen (se dangada ne madua age madali Herod, de tetrarch), aama Saul.

Matthew 14:1

Laangi laa Herod, de tetrarch o Galilee, ne langona e ia longo o Iesu,

Matthew 14:3

Go hiidinga Herod ne poo John ga tili ange gi lo te hale pono i hiidinga o Herodias, de bodu o dono daina daane go Philip,

Matthew 14:6

Gai de boo huu o Herod, gai tamaa hine a Herodias ga anu i madamada o dangada e gaimee laa i taonga, gai Herod gu malangilangi mmao,

Matthew 20:8

Gai ga ahiahi huu de mee, gai tangada niiana de veelengaa grape ga hai ange gi dono dangada hai hegau, ‘Hagahia de gau hai hegau ga hagao ange gilaadeu. Gai koe damadaa mai i gilaadeu ne loomai i de hagaodi ga hanage ai gi gilaadeu ne loomai i taamada.’

Matthew 27:55

E soa hogi haahine e tuu i de mommee mmao ma e tilo mai ai mee gu hai laa, gilaadeu ne daudali ange i Iesu ga loomai ai i Galilee e bale ange ia.

John 12:6

Ia tee tala muna laa i hiidinga ia e aloha i de gau hagaau aloha, gai go hiidinga ia se dangada gaiaa, go ia e doange de beagi sseene. Gai e dee modu donu dana gaiaa denga sseene i lo te beagi laa.