Luke 8:29 - De Beebaa Dabu

²⁹ Go hiidinga Iesu ne hai ange gi denga hagasaalunga baubau laa gi ssao mai i daho taane laa. Gu lagolago hanonga a de hagasaalunga baubau ne hai ai gi de mahi ia, gai e dee galemu donu gu noonoa luoono vae ma luoono lima i daula baalanga ma de hagaloosi ange, aagai ia ga duuduu denga daula baalanga e nnoa ai laa ia, gai de hagasaalunga baubau ga kave ia gi de vao.

Luke 8:29 Referans Kwoze

Luke 9:42

Gai de masavaa o tama daane laa e humai ai, gai de hagasaalunga baubau ga hagabaguu ia gi honga de gelegele ga hai ia gu lele age. Aagai Iesu ga hagasee de hagasaalunga baubau laa, ga hagaieiangi tama daane laa, ga hagaahe ange ia gi dono damana.

Luke 9:39

Gai tilo, dahi hagasaalunga baubau e hai gi de mahi ia, gai ia ga oo ma de hai ia gi lele age ga hagasali dono saavale, aama de hagammae ia, gai e hai ngadaa donu de hano gee mai i ono daha!

Mark 5:8

(Go hiidinga Iesu ne hai ange gi de hagasaalunga baubau laa, “Sao mai ma gi hano gee mai i daho taane nei!”)

Luke 8:28

Gai ga gidee huu e taane laa Iesu, gai ia ga oo ga hagabaguu gi lalo i ono mada i mua ga hai ange i de leo laumalie, “Iesu, Tama Daane a de Maadua Maolunga Mmao laa, se aha oou e lodo ai i ogu daha? Au e dangidangi adu koe gi dee hagammae ina ngau!”

Luke 8:30

Aagai Iesu ga ssili ange gi de ia, “Goai doo ingoo?” Gai ia ga hai ange, “Dogu ingoo go Legion,” go hiidinga e soa hagasaalunga baubau e nnoho i ono daha.