Luke 7:38 - De Beebaa Dabu

³⁸ gai ia ne humai ga duu i ono dua i gaogao luoono vae ga dangi ai, gai ia ga daamada de hhui luoono vae i ono loimada, ga hagammasa i ono ngaangaaulu, aama de osooso luoono vae ga hagamanongi i de vai laa.

Luke 7:38 Referans Kwoze

Isaiah 61:3

ma de gaavange gi gilaadeu e hinangalosaa i Zion de hau mahamaha e sui ai lehu, ma de lolo o de malangilangi, e sui ai de hinangalosaa olaadeu lodo, ma de hakahu gilaadeu i de tuhi, e sui ai teai selaadeu tali. Gai gilaadeu e hagaingoo ange naa go denga oak o de heohi, a Tagi Maolunga ne doo laa e hagaago mai ai dono mahamaha.

Ecclesiastes 9:8

Gahu i malo tea, gai hagasulu ina doo biho i lolo i masavaa alodahi.

Psalm 51:17

Gai denga sigidaumaha o de Maadua e lodo ai go de daemaha de lodo i baubau; de Maadua, koe e dee hagangadi mee de lodo e daemaha i baubau aama de dahuli de lodo.

Genesis 18:4

Au e dangidangi adu, goodou gi daalia ange gi gaamai hanu momo vai e hhui ai oodou vae, ma de damaa hagammabu iho i lalo de manu somo nei;

Jeremiah 31:9

Gilaadeu e loomai naa ma de tangi; gai gilaadeu e dalodalo mai naa i de masavaa aagu e hagaahe mai ai gilaadeu. Gai au e dagi mai naa gilaadeu i gaogao denga saalingaa vai, ma de haiava ssoe gi dee baakuu ai gilaadeu, i hiidinga go au tamana o Israel, gai Ephraim go dagu dama daane madua.

Psalm 38:18

Au e tala adu dagodo o ogu baubau; au gu dee baba i ogu haisala.

Ezra 10:1

Gai de masavaa o Ezra ne dalodalo ai ga tala olaadeu haisala, ma de dangi ga ino gi honga de gelegele, i mada i mua o de hale o de Maadua, gai ne soa daane ma haahine aama gauligi o Israel gu hagabuni mai gi kilaa; gai gilaadeu alodahi gu tangi mmao.

James 4:9

Goodou llodo baubau ma de tangi aama de tangi see. Goodou gi dee kada aagai gi llodo baubau, gai haia gi dee malangilangi goodou gai gi daemaha.

Luke 6:21

E manuuia goodou e hiikai iainei; goodou e hai naa ga boobosu! E manuuia goodou e tangi iainei; goodou e kada naa!

Matthew 5:4

E manuuia gilaadeu e daemaha olaadeu lodo; gilaadeu e hagamaamaane naa olaadeu lodo!

Zechariah 12:10

“Gai au e gaavange naa gi de huaabodu o David de hagasaalunga o de lodo aloha ma talodalo. Gilaadeu e daumada naa donu au, de ia alaadeu ne velo laa ga hagalagohia, gai gilaadeu ga tangi ai naa i ono hiidinga, bei de dangi o tangada i dana dama dagidahi, ma de kona de hinangalosaa i de ia bei de dangi o tangada i de magau o dana dama madua.

Joel 2:12

E hagadaba Tagi Maolunga, “Goodou aahe mai gi de au iainei, i oodou lodo alodahi, goodou hagahiikai, ma de tangi, aama de daemaha oodou lodo.”

Isaiah 57:9

Goodou ne hulo gi daho Molek ma denga lolo olive ma de hai gi lagolago oodou vai hagamaanongi. Goodou ne hai gi hulo oodou dangada sui gi tae gi denga mommee mmao, ma de hai gi loiho hanu gi tae gi de mommee o de gau maakau.

Song of Songs 1:3

Doo vai hagamanongi e manongi danuaa; doo ingoo e bei de lolo manongi gu llingi laa, deelaa ai, denga damaa hine e aaloha i de goe.

Luke 22:62

Gai Peter ga sao ga hano gu kona mmao dono dangi.

Luke 7:37

Gai tilo, dahi hahine haisalasala i de aduhale laa, gu iloo e ia bolo Iesu gu noho ma e gaimee i de hale o de Pharisee laa. Gai ia ga gaamai dahi manu alabaster iai vai hagamanongi,

Luke 7:39

Gai de masavaa huu a de Pharisee laa ne gidee ai mee gu hai laa, gai ia ga maanadu i ono lodo ga hagadaba, “Noo se pelaabisi abodonu taane nei, gai ia e iloo donu dagodo o de hine e boogia ange nei ia. Ia se hine haisala!”

John 11:2

Deenei Mary ne hagasulu ina laa Iesu i dahi vai manongi ma de hagammasa luoono vae i ono ngaangaaulu, gai Lazarus se daina daane niiona.