Luke 7:27 - De Beebaa Dabu

²⁷ Deenei taane gu sisi laa ono dagodo ma e hai ange, ‘Tilo, au e hai gi hano dogu dangada hagailoo i oo mada i mua, gi hagadabena ina de haiava i oo mada i mua.’

Luke 7:27 Referans Kwoze

Malachi 3:1

“Tilo, au e hai gi hano dogu dangada hagailoo, gai ia ga hagadabena ai de haiava i ogu mada i mua. Gai de Ia Aamua oodou e tali naa e daa hagalele naa donu de humai gi dono temple; gai tangada hagailoo o de hagatoo donu hagaheloongoi oodou e malangilangi ai naa e humai naa donu,” go Tagi o denga hagabuulinga hebagi e hagadaba.

Luke 1:76

Gai koe, dagu gaagaa, e hagabinga naa bolo se pelaabisi niio de Ia Maolunga Mmao laa; gai koe e hano naa i mada i mua o Tagi Maolunga e hagadabena ai ono haiava;

Mark 1:2

Gu sisi i de beebaa a de pelaabisi go Isaiah, e hai ange: “Tilo, au e hai gi hano dogu dangada hagailoo i oo mada i mua, gi hagadabena ina ai doo haiava.”

John 1:23

Gai ia ne hai ange, “Au go de leo o dahi e oo laa i de vao ma e hagadaba, ‘Hagasoea de haiava o Tagi Maolunga,’ bei de hai a de pelaabisi go Isaiah gu tala ai laa.”

Matthew 11:10

Deenei taane gu sisi laa ono dagodo e hai ange, ‘Tilo, au e hai gi hano dogu dangada hagailoo i oo mada i mua, gi hagadabena ai de haiava i oo mada i mua.’

Isaiah 40:3

De leo o dahi e oo ma e hagadaba: “Hagadabena ina de haiava o Tagi Maolunga i lodo henua; hagasoea de haiava laumalie o taadeu Maadua i de vao.

Luke 7:26

Gai se aha ai oodou e hulo laa e tilo? Se pelaabisi? Uaa, au e hai adu gi goodou, ia e maolunga ange donu i de pelaabisi.

Luke 7:28

Au e hai adu gi goodou, e deai ange donu se dangada ne haanau i daho denga haahine e maolunga ange i John. Aagai de ia e maolalo i de nohoanga hodooligi o de Maadua e maolunga ange i de ia.”