Luke 7:12 - De Beebaa Dabu

¹² Gai ga dae huu Iesu gi de haitoga o de aduhale laa, gai ia gu gidee dangada soa e saabai dahi daane magau e kave e danu, gai se dama dagidahi nii dahi hahine gu magau dono bodu. Gai e soa hogi dangada mai i de aduhale ne loomai madali de hine laa.

Luke 7:12 Referans Kwoze

Luke 8:42

go hiidinga e dahi donu huu ana damaa hine, ia gu madaangahulu ma lua ono ngadau, gai ia gu dai magau. De masavaa o Iesu e seesee ai e hano, gai dangada soa gu hagakabi luoono baasi.

James 1:27

Gai deenei de hai daumaha gilimalali ma de heohi i mada luu mada o Tamana go de Maadua: go de bale ange denga gauligi gu deai olaadeu maadua ma haahine gu maakau olaadeu bodu gu duasala laa, ma tee dugua ange henua i lalo gi haia gi hakino gee tangada.

Acts 9:41

Gai Peter ga poo dono lima ga hagahidi age ia gi duu gi lunga. Gai ia ga hagahi dangada o de Maadua, ma denga haahine gu maakau olaadeu bodu, ga gaavange de hine laa gi gilaadeu, ia gu mouli.

Acts 9:39

Gai Peter ga hidi age ga hano madali luu daane laa. Gai ga dae huu ia gi kilaa, gai gilaadeu ga kave ia gi de aabi i lunga. Gai denga haahine gu maakau olaadeu bodu ne tuu ma e tangi i ono gaogao, ma de hagaago ange gi de ia denga malo lloa ma malo ange laa, a Dorcas ne hai i de masavaa oona goi mouli ai.

John 11:19

Gai gu soa dangada Ssuu ne loomai gi daho Martha ma Mary e hagaaneane ange ai gilaau, i hiidinga de magau o delaau daina daane.

Luke 8:52

Gai dangada alodahi i kilaa e tangi ma de tangi see i hiidinga o tamaa hine laa. Aagai Iesu ga hai ange, “Goodou aude tangi, tamaa hine nei tigi magau donu, ia e seni donu huu!”

Zechariah 12:10

“Gai au e gaavange naa gi de huaabodu o David de hagasaalunga o de lodo aloha ma talodalo. Gilaadeu e daumada naa donu au, de ia alaadeu ne velo laa ga hagalagohia, gai gilaadeu ga tangi ai naa i ono hiidinga, bei de dangi o tangada i dana dama dagidahi, ma de kona de hinangalosaa i de ia bei de dangi o tangada i de magau o dana dama madua.

De Beebaa go Job 29:13

Gilaadeu gu hai ngadaa laa e hagamanuuia ngau, gai au ne hai ga malangilangi lodo o de hine gu magau dono bodu.

2 Kings 4:20

Gai tangada hai hegau laa ga saabai ia ga kave gi daho dono dinana, gai tama laa ne noho i honga luu vae o dono dinana ga dae ai gi de hualaangi, gai ia gu magau.

2 Kings 4:16

Gai Elisha ga hai ange, “De ngadau naa huu e humai nei i de masavaa mau, gai koe e saabai naa dahi dama daane i lodo luoo lima.” Gai de hine laa ga hai ange, “Dogu dangada aamua, go taane o de Maadua, aude daahangadia doo hahine hai hegau!”

1 Kings 17:23

Gai Elijah ga saabai ia ga gave iho i de aabi i lunga gi lo te hale, ga gaavange ia gi dono dinana. Gai Elijah ga hai ange, “Deenei dau dama, ia gu mouli.”

1 Kings 17:18

Gai de hine laa ga hai ange gi Elijah, “Taane o de Maadua, ni aha aagu gu hai adu laa gi de goe, gai koe ga humai ai naa e hagamaanadu mai ogu haisala e daa ai dagu dama gi magau?”

1 Kings 17:12

Gai de hine laa ga hai ange, “Au e hai adu i de mouli o Tagi Maolunga, doo Maadua, bolo e deai donu agu pelaoaa mmoa, gai ni momo pelaoaa mada donu huu e doe i lo te ssaa, ma hanu momo lolo i lo te ssaa. Gai au e hano nei ma e hagabudu hanu lahhie e dunu ai momo mee e doe laa, e gai gimaau ma dagu dama daane, muli mai gai gimaau ga maakau ai.”

1 Kings 17:9

“Hidi age hannoo gi Zarephath, dahi aduhale o Sidon, ga noho ai. Tilo, au gu tala ange gi dahi hahine gu magau dono bodu ia gi haangai ina adu goe.”

2 Samuel 14:7

Gai dogu hagadiilinga alodahi gu hai baasi mai gi de au, ma de hagataba, ‘Gaamai dau dama ne daia laa dono daina, gai gimaadeu ga daa ia gi magau, e sui ai de mouli o dono daina aana ne daa laa ga magau; gai gidaadeu ga hai gi deai se dama e gaavee de boolonga.’ Gilaadeu e diinei naa de maga ahi e doe i ogu daha, ma de hai gi deai se ingoo o dogu bodu aabe go dono aamuli i honga de henua.”

Genesis 22:12

Tangada de langi laa ne hai ange, “Aude poo ange gi tama daane naa, aabe gi haia ange dahi mee gi de ia. Iainei gai au gu iloo bolo koe e madagu i de Maadua, go hiidinga koe tee daohi donu dau dama dagidahi i de au.”

Genesis 22:2

Gai de Maadua ga hai ange, “Gaavee dau dama dagidahi go Isaac, go tama oou e aloha ai, ma gi hano gi de mommee go Moriah. Gai koe ga daa ia ga hai ai dahi sigidaumaha dudu, i honga de mounga aagu e hagaago adu gi de goe.”

Luke 7:11

De laangi i ono dua, gai Iesu ne hano gi de aduhale go Nain. Gai ana dangada agoago ma dangada soa ne hulo hogi madali ia.

Luke 7:13

Gai de masavaa huu a Tagi Maolunga ne gidee ai de hine laa, gai ia gu lodo aloha i de ia, gai ia ga hai ange gi de ia, “Aude dangi.”