Luke 6:48 - De Beebaa Dabu

⁴⁸ ia e bei dagodo o tangada e hagaduu laa dono hale, gai ia ga geli gi maolalo ga hagaduu tagelo o dono hale i honga de baba. Gai de masavaa huu ne hagahonu age ai de vai ga usu de hale laa, gai tee maua gi ngalungalue, go hiidinga gu hagaduu ma gu makaga.

Luke 6:48 Referans Kwoze

Psalm 62:2

Go ia donu huu dogu baba makaga ma dogu hagaola; go ia dogu mommee buibui makaga; au e dee ngalungalue donu.

Isaiah 28:16

Gai e hagadaba de Ia Aamua go Iahweh; “Tilo, au gu hagaduu dahi hadu e hai ai tagelo i Zion, se hadu gu lava i de hagadanuaa; gai go tuludulu o de logunga hagamogomogo, gai se dagelo makaga; gai be goai e hagadonusia e dee hai mee hagamoolau.

Jude 1:24

Ange gi de ia e maua laa i de daohia goodou gi dee baakuu, ma de gaamai goodou gi tuu i mada i mua o dono mahamaha, gu deai oodou baubau gai gu malangilangi mmao,

Isaiah 26:4

Goodou hagadonusia Tagi Maolunga ga hano ai, i hiidinga Iahweh, Tagi Maolunga, go de Baba makaga e dee ngado mai.

Ephesians 2:20

Goodou gu hagatuu ange gi honga tagelo a de gau tala ma denga pelaabisi, gai go Klisdo Iesu donu tuludulu o de logunga,

1 John 2:28

Agu dama, goodou gi duudagi ina de nnoho i ono lodo, gi llodo mmahi ai goodou ma tee dookaa, i ono mada i mua i dono masavaa e hagasula mai ai.

2 Timothy 2:19

Aagai tagelo a de Maadua ne hagaduu e duu donu huu ma e makaga, gai e maaga i muna nei: “Tagi Maolunga e iloo e ia ono dangada donu,” gai “Dangada alodahi e hagaingoo i de ingoo o Tagi Maolunga gi hulo gee i de baubau.”

Psalm 32:6

Deenei ai, dangada alodahi e heohi gi dalodalo adu gi de goe i de masavaa alaadeu e maua ai goe; ni muna abodonu, de masavaa naa huu e hagahonu age ai de vai mmahi, gai gilaadeu gu dee maua gi daea adu ia.

2 Samuel 22:32

Goai de Maadua, e dee go Iahweh donu huu? Gai goai de baba makaga, e dee go taadeu Maadua donu huu?

Proverbs 10:25

De gau baubau e gaavee gee naa i de masavaa e dau ai de madangi mmahi, aagai tangada heohi e duu ma e makaga ga hano ai.

2 Samuel 22:47

Tagi Maolunga e mouli laa! Hagadegi ina dogu baba makaga! Hagaamua ina dogu Maadua, de baba makaga, go dogu hagaola!

Isaiah 59:19

Gai dangada i baasi dai e maatagu naa i de ingoo o Tagi Maolunga, dangada e hagadubu naa dono mahamaha mai i de sobo age o de laa. Gai ia e humai naa bei denga vai nogo bonodia laa, gai de madangi o de manava a Tagi Maolunga e ili ga kave gee.

2 Peter 1:10

Deenei ai, denga daina, goodou hagaduu ngae haia gi too donu doodou hagahia aama doodou hilihilia. Noo goodou e hai mee nei, gai goodou e dee aahe dua donu.

Acts 14:22

ga hagammahi ange ai lodo o denga dangada agoago gilaadeu gi duudagina de daohi de gai, ga hai ange, “Gidaadeu e tuu ange naa donu gi denga hagaduasala lagolago, gi maua ai e gidaadeu i de ulu i de hodooligi o de Maadua.”

John 16:33

Au gu tala adu mee nei gi goodou, gi dagodo ai dogu baba i oodou lodo. Goodou e hagaduasala ina naa donu i henua i lalo, gai goodou gi llodo mmahi, au gu kii i henua i lalo!”

Nahum 1:8

aagai ia e hai naa tolona laumalie gi hagalilo ina Nineveh; gai ia e doolohi naa ono hagadaumee gi hulo gi lo te gohu.

Psalm 95:1

Loomai, gidaadeu ga daahili ange gi Tagi Maolunga i de malangilangi; gidaadeu ga hevaalogi e tuhi de Baba e hagaola ina gidaadeu.

2 Samuel 22:5

Denga beau o de magau gu duuli au, de mee mmilo e oohaa laa mee gu haoli au.

Deuteronomy 32:15

Aagai Jeshurun ne bedi, ga dagadagahi au; koe gu bedi i de gaimee ma de daemaha, ma de bungubungu. Koe gu tili de Maadua ne haia goe, ma de hagangadi mee de Baba, doo Ia Hagaola.

2 Samuel 23:3

De Maadua o Israel gu basa, de Baba o Israel ne hai mai gi de au, ‘Tangada e dagina dangada i de mee heohi, ma de dagi dangada i dono madagu i de Maadua,

2 Samuel 22:2

Ia ne hagadaba, “Tagi Maolunga go dogu baba makaga, ma dogu mommee buibui makaga ma dogu Ia Hagaola;

1 Samuel 2:2

E deai ange donu se dangada e dabu bei Tagi Maolunga, e deai ange donu e bei oo dagodo; e deai ange donu se baba e bei taadeu Maadua.

Deuteronomy 32:31

Delaadeu baba e dee bei taadeu Baba, odaadeu hagadaumee e hagasaele hogi bei gidaadeu.

Deuteronomy 32:18

Koe gu dee anga ange gi de Baba, go de ia ne hagadili ina goe; gai koe gu ngalo de Maadua ne haia goe.

Luke 6:47

Be goai e humai gi de au ma de hagallongo agu muna ga daudali ai, gai au e hagaago adu ono dagodo:

Luke 6:49

Gai tangada e langona agu muna gai e dee daudali ai, e bei dagodo o tangada e hagaduu laa dono hale i honga de gelegele, gai e deai sono dagelo makaga. Gai ga hagahonu age huu de vai ga usu de hale laa, gai gu moolau donu de baguu, gai gu maoha donu ga odi.”