Luke 6:11 - De Beebaa Dabu

¹¹ Aagai de gau sisi ma denga Pharisee gu llili mmao, gai gilaadeu ga daamada de hagasaele delaadeu hai e hai ai Iesu.

Luke 6:11 Referans Kwoze

Acts 5:33

De masavaa a de hagabuulinga hagasaele ne langona ai muna laa, gai gilaadeu gu llili donu ma de llodo e daa gilaadeu gi maakau.

Ecclesiastes 9:3

Deenei de mee baubau e hai i mee alodahi e hai i lalo de laa: de hagaodi o dangada alodahi e dagodo daudahi donu huu. E dahi ange mee, lodo o dangada e hoohonu i de baubau, gai de llodo ssenga e dagodo i olaadeu lodo i de masavaa olaadeu e mouli ai, gai muli mai gilaadeu e hulo gi daho de gau maakau.

Acts 26:11

Au ne hagadaga hogi i denga synagogue alodahi ga hagaduasala gilaadeu, ma de hai gilaadeu gi hagangadi mee ina Iesu. Au ne vaivai hai gilaadeu i aduhale o denga henua gee, i hiidinga dogu kino i gilaadeu.

Acts 7:54

De masavaa huu alaadeu ne langona ai muna nei, gai gilaadeu gu kona donu de llili, ga kadi ange olaadeu gauvae gi de ia.

Acts 4:19

Aagai Peter ma John ga hai ange gi gilaadeu, “Dee hee de mee e heohi i mada luu mada o de Maadua, go demaau hagallongo adu gi goodou, aabe go demaau hagallongo ange gi de Maadua?

Acts 4:15

Aagai dua delaadeu hai gilaau gi ssao gi hulo gee mai i daho de hagabuulinga hagasaele, gai gilaadeu ga pasa i olaadeu magavaa,

John 11:47

Gai de gau haimeedabu maolunga ma denga Pharisee ne hagabuni mai de hagabuulinga hagasaele ga ssili ange, “Ni aha adaadeu ga hai? Taane nei gu lagolago ana hagailonga ne hai.

John 7:1

Dua mee nei gai Iesu ne hagadaga saele i Galilee; ia tee hagadaga saele i Judea, go hiidinga de gau Ssuu e ssala de hai e daa ai ia gi magau.

Luke 4:28

Gai de masavaa huu o dangada e nnoho laa i lo te synagogue ne langona ai ana muna, aagai gilaadeu gu kona donu de llili.

Matthew 21:45

De masavaa huu a de gau haimeedabu maolunga ma denga Pharisee ne langona ai denga mee hagasengasenga a Iesu, gai gilaadeu gu tonu ange bolo ia e basa i olaadeu dagodo.

Matthew 16:7

Gai gilaadeu ne pasa i olaadeu magavaa ga hagataba, “Go hiidinga gidaadeu ne ngalo i de gaamai hanu pelaoaa.”

Luke 6:10

Gai Iesu ga galogalo saele ga haaina gilaadeu alodahi, gai ia ga hai ange gi taane laa, “Haalo ina doo lima.” Gai taane laa ga haalo dono lima, aagai gu ieiangi dono lima.

Luke 6:12

Dahi laangi ange gai Iesu ne hano gi de mounga e dalodalo ai, gai ia ne dalodalo ange gi de Maadua i de boo laa alodahi.

2 Timothy 3:9

Aagai gilaadeu e dee hagadagadaga age naa donu, go hiidinga gilaadeu e bei dagodo o luu daane madagidagi laa, gai dangada alodahi e gidee danuaa naa donu dagodo o alaadeu hegau baubau.