Luke 5:26 - De Beebaa Dabu

²⁶ Gai dangada alodahi gu llele mouli ga tuhi de Maadua aama de maatagu mmao, ga hagataba, “Gidaadeu gu gidee hanu mee hagalele mouli anailaa nei!”

Luke 5:26 Referans Kwoze

Matthew 9:8

Gai dangada alodahi ne gidee laa mee laa gu maatagu mmao, gai gilaadeu ga tuhi de Maadua ne gaavange laa ssauaa laumalie laa gi dangada.

Luke 7:16

Aagai dangada alodahi i kilaa gu maatagu mmao, gai gilaadeu ga tuhi de Maadua ga hagataba, “Dahi pelaabisi maolunga gu humai gi odaadeu daha, gai de Maadua gu humai gi daho ono dangada!”

Acts 4:21

Aagai dua huu delaadeu hagamaatagu gilaau gai gilaadeu ga dugu gilaau gi hulo, gilaadeu tee maua i de hagaduasala gilaau i hiidinga gilaadeu ne maatagu i dangada; go hiidinga dangada alodahi gu tuhi de Maadua i hiidinga de hegau gu hai laa.

Luke 8:37

Aagai dangada alodahi i de ungaamee go Gerasene ga dangidangi ange ia gi hano gee mai i olaadeu daha, go hiidinga gilaadeu gu maatagu mmao. Gai ia ga gage i de boose ga ahe.

Luke 5:8

Aagai de masavaa huu a Simon Peter ne gidee ai mee laa, gai ia ga humai ga duuduli i gaogao luu vae o Iesu, ga hai ange, “De Ia Aamua, hano gee mai i ogu daha, au se dangada haisala!”

Mark 2:12

Gai taane laa ga hidi age i de masavaa laa donu huu ga saabai dono moenga, ga sao ga hano i madamada o dangada alodahi. Gai dangada alodahi gu llele mouli, ga tuhi de Maadua ga hagataba, “Gidaadeu tigi gidee donu dahi hegau bee nei!”

Matthew 28:8

Gai gilaau ne hagamoolau ga hulo gee mai i taanunga, gilaau gu maatagu gai gu malangilangi mmao. Gai gilaau ne saavini ga hulo e tala ange gi ana dangada agoago.

Matthew 12:23

Gai dangada alodahi gu llele mouli, ga hagataba, “E dee deenei donu Tama a David?”

Hosea 3:5

Muli mai naa huu gai de gau Israel e aahe ange naa ga ssala Tagi Maolunga delaadeu Maadua ma delaadeu hodooligi go David. Gilaadeu e aahe mai naa gi Tagi Maolunga i de maatagu ga kave dono abodonu i denga laangi hagaodi.

Jeremiah 33:9

Gai de aduhale nei e hai naa ga se mee e haia ga malangilangi au, ma de tala tuhi aama de hagadubu au i daho denga huaahenua alodahi o henua i lalo, e langona mee danuaa alodahi aagu gu hai ange gi gilaadeu. Gai gilaadeu e maatagu naa ma de bolebole i hiidinga o mee danuaa alodahi ma dagu hai ga nnoho paba de aduhale.

Galatians 1:24

Gai gilaadeu ga tuhi de Maadua i ogu hiidinga.

Luke 1:65

Gai dangada alodahi e paa ange laa gi gilaadeu gu maatagu mmao. Gai de longo laa gu dele i de mommee iai denga duuduu i de henua o Judea.