Luke 4:22 - De Beebaa Dabu

²² Gai dangada alodahi ga tala tuhi ono longo, gai gilaadeu gu llele mouli i muna o de abodonu aana e tala. Gai gilaadeu ga ssili ga hagataba, “E dee go tama daane a Joseph deenei?”

Luke 4:22 Referans Kwoze

John 6:42

Gilaadeu ne hagataba, “E dee go Iesu tama daane a Joseph deenei, gai gidaadeu e iloo hogi be goai luoono maadua? Gai dee hee dana hai e hagadaba ai nei bolo ia ne hano iho laa i de langi?”

Psalm 45:2

Koe e mahamaha ange i denga daane; au muna e tala iai de abodonu, deelaa ai, de Maadua gu hagamanuuia goe ga hano ai.

Proverbs 16:21

Tangada heiangi e hagabinga bolo se dangada e donu ange, gai muna maamaane e hai ga hai ngaohie de agoago ange dangada.

Titus 2:8

gai au mee e agoago ai gi dee maua e dangada i de hagabaubau, gai gi dogaa ai tangada e hai baasi adu gi de goe, gu deai ana mee e maua i de hagabaubau ai gidaadeu.

Acts 6:10

Aagai gilaadeu tee maua i de hai baasi ange gi de heiangi aama de Hagasaalunga oona e basa ai laa.

John 7:46

Gai de gau hagaloosi ga hai ange, “Tigi ai donu se dangada ne agoago bei dagodo o taane laa.”

Luke 21:15

Go hiidinga au e gaavadu naa donu gi goodou muna ma de heiangi e pasa ange ai gi oodou hagadaumee, gai gilaadeu e dee maua naa donu i de hagahadu muna aabe go de pasa adu gi oodou muna.

Isaiah 50:4

De Ia Aamua go Iahweh gu gaamai gi de au de alelo o tangada gu agoagona, gi iloo ai e au muna e hagammahi ai gilaadeu e daalea. Ia e hhango mai au i daiao alodahi, ma de hhuge luoogu dalinga gi langona ai e au bei dagodo o tangada e agoagona.

Song of Songs 5:16

Dono ngudu e maimai mmao, gai au e vaasuu i ono dagodo alodahi. Denga damaa hine o Jerusalem, deenei dogu dau soa, gai deenei dogu soa.

Proverbs 25:11

Muna e tala laa i de masavaa heohi e bei denga aabele goolo e hagatau laa i honga gaini selevaa.

Proverbs 10:32

Tangada heohi e iloo be aahee muna e heohi ange gi dahi masavaa, aagai tangada baubau e tala donu denga muna hhadu.

Psalm 45:4

Savini i honga de hoosa i de mahamaha gai koe gi kii, i de muna abodonu, ma de daudonu, aama de mee heohi; gai koe gi hagaagona mai hegau hagalele mouli a doo lima madau e hai.

Luke 2:47

Dangada alodahi ne langona ana muna gu llele mouli i dono iloo mee aama ana muna e basa ange ai gi gilaadeu.

Ecclesiastes 10:12

Muna a tangada heiangi e hai gi malangilangi dangada i de ia, aagai muna a tangada lodo senga e hhoa donu huu dono lae.

Luke 2:48

Aagai ga gidee huu e luoono maadua ia, gai gilaau gu llele mouli, gai dono dinana ga ssili ange gi de ia, “Dagu Dama, gu aha gu hai hegau mai ai naa goe bee naa gi gimaau? Gimaau ma doo damana ne ssala saele goe ma de manavasaa mmao.”

Luke 4:21

Gai ia ga hai ange gi gilaadeu, “Anailaa nei gai gu hagassula muna a de Beebaa Dabu oodou gu langona nei.”

John 1:45

Philip ne gidee hogi e ia Nathanael, ga hai ange, “Gimaadeu gu gidee de ia a Moses e basa ai laa i lodo hainga, gai denga pelaabisi ne sisi hogi ono dagodo — Iesu tangada Nazareth, tama a Joseph.”