Luke 3:36 - De Beebaa Dabu

³⁶ Shelah go tama daane a Cainan, Cainan go tama daane a Arphaxad, Arphaxad go tama daane a Shem, Shem go tama daane a Noah, Noah go tama daane a Lamek,

Luke 3:36 Referans Kwoze

2 Peter 2:5

gai noo ia tee hagaola henua i lalo madagidagi, i de masavaa aana ne gaamai ai tolona gi honga o dangada tee haia lodo o de Maadua, aagai ne hagaola donu huu Noah, de ia ne agoagona dagodo o de heohi, madali e dogohidu ange dangada;

1 Peter 3:20

go gilaadeu tee daudali laa i muna a de Maadua madagidagi, i de masavaa a de Maadua ne golomagi ai ono lodo ga tali ange gilaadeu i laangi o Noah, i de masavaa a Noah ne hagaduu ai de vaga hale. Gai ne sogoisi donu huu dangada i lo te vaga laa, se dogovalu alodahi gilaadeu ne ola mai i lodo vai laa.

Hebrews 11:7

De gai o Noah, i de masavaa a Maadua ne hagakana ange ai ia, i dagodo o mee tigi gidee, ne hai ga maua e ia i de hagaduu dahi vaga hale ga hagamouli ai dono huaabodu, i hiidinga dono madagu. Dono gai ne hagabaubau henua i lalo, gai ia gu hagabinga hogi bolo se daane heohi i dono gai.

Luke 17:27

Dangada ne gaimee ma de unu, gai gilaadeu ne hai bodu aama de gaavange gi hai bodu, ga dae ai gi de laangi o Noah ne ulu ai i de vaga hale, gai tolona ga humai ga daa gilaadeu alodahi gu maakau.

Ezekiel 14:14

gai ga nnoho naa donu denga daane dogodolu nei, go Noah, ma Daniel, aama Job i honga de henua, gai go gilaadeu donu huu alaadeu e maua i de hagaola i olaadeu heohi, go de Ia Aamua go Iahweh e hagadaba.

1 Chronicles 1:17

Dama daane a Shem: go Elam, ma Asshur, ma Arpaxad, ma Lud, ma Aram. Dama daane a Aram: go Uz, ma Hul, ma Gether, aama Meshek.

Genesis 9:18

Gai denga dama daane a Noah ne ssao mai laa i lo te vaga hale go Shem, ma Ham aama Japheth. Gai a Ham e dahi ana dama daane, dono ingoo go Canaan.

Genesis 9:1

Gai de Maadua ne hagamanuuia Noah ma ana dama daane, ga hai ange gi gilaadeu, “Goodou hagadili gi soa haoa ai henua i lalo.

Genesis 8:1

Gai de Maadua gu manadua e ia a Noah ma denga manu lodo henua, ma manu haangai alodahi e nnoho madali ia i lo te vaga hale. Gai de Maadua ga hai gu ssau mai de madangi mmahi gi honga de henua gi hagaahea ai tai.

Genesis 7:23

Gai mee alodahi e mouli i honga de henua gu odi i de maakau: go dangada, ma manu dolodolo, ma manu e tolo i honga de gelegele, aama manu llele i henua i lalo. Go Noah donu huu e doe, ma dangada madali ia i lo te vaga hale.

Genesis 7:13

Gai go de laangi laa donu hogi o Noah ma ana dama daane, go Shem, ma Ham, ma Japheth, ma de bodu o Noah, ma bodu o alaau dama daane dogodolu ne ulu ai gi lo te vaga hale,

Genesis 6:22

Gai Noah ne hai donu ga bei muna alodahi a de Maadua gu tala ange gi de ia.

Genesis 5:3

Gai ga 130 huu ngadau o Adam, gai ia ga hagadili dahi dama daane bei ono hagadulagi aama ono dagodo; gai ia ga hagaingoo ange ia go Seth.

1 Chronicles 1:1

Adam, Seth, Enosh,

Luke 3:35

Nahor go tama daane a Serug, Serug go tama daane a Reu, Reu go tama daane a Peleg, Peleg go tama daane a Eber, Eber go tama daane a Shelah,

Luke 3:37

Lamek go tama daane a Methuselah, Methuselah go tama daane a Enoch, Enoch go tama daane a Jared, Jared go tama daane a Mahalalel, Mahalalel go tama daane a Kenan,