Luke 23:25 - De Beebaa Dabu

²⁵ gai gi hagasao ina mai delaadeu dangada e llodo ai, go taane gu hhao laa gi lo te hale pono, i hiidinga dana hai gi hellumi aama dana daa dangada ga maakau, deenei taane alaadeu ne dangidangi ange ai; gai Pilate ga gaavange Iesu gi gilaadeu bei delaadeu hai e llodo ai.

Luke 23:25 Referans Kwoze

Acts 3:14

Aagai goodou ne hagangadi mee de Ia Dabu ma de Ia Heohi laa, gai ne dangidangi ange gi hagasao ina mai gi goodou dahi daane daa dangada.

Mark 15:15

Deelaa ai, Pilate ne hagasao mai Barabbas, i hiidinga ia ne lodo e hagamalangilangi de hagabuulingaa dangada soa laa. Gai ia ga hai gilaadeu gi hagailiilihia Iesu, ga gaavange ia e daudau i de laagau lui.

John 18:40

Gilaadeu ne hevaalogi hogi ga hai ange, “E dee go ia, gai go Barabbas!” Gai Barabbas se daane gaiaa.

Luke 23:5

Aagai gilaadeu ga usuusu ange ia, ga hai ange, “Ia e hai gi hagahellumi dangada i Judea alodahi i ana agoago. Ia ne daamada de hai mee nei i Galilee, gai ia gu humai hogi gi kinei.”

Luke 23:2

Gai gilaadeu ga hagabaubau ia ga hai ange, “Gimaadeu gu gidee bolo taane nei e hagabasa dangada i demaadeu huaahenua ma e hai gilaadeu gi dee hagao ina ange taagisese gi Caesar. Ia e hagadaba hogi bolo go ia de Klisdo, gai se hodooligi.”

Matthew 27:26

Gai Pilate ga hagasao mai Barabbas ga gaavange gi gilaadeu, gai ia ga hai gi hagailiilia Iesu, ma de gaavange ia e daudau i de laagau lui.

1 Samuel 12:13

Deenei ai, goodou kalo ange diiloo de hodooligi oodou ne hili, go de ia oodou ne dangidangi mai ai; tilo, Tagi Maolunga gu gaavadu dahi hodooligi gi dagina goodou.

Luke 23:24

Gai ia ga hagamodu bolo gi haia gi bei olaadeu lodo,

Luke 23:26

De masavaa alaadeu e dagi ai Iesu e kave, gai gilaadeu ne poo Simon taane Cyrene, ia se daane ne humai i dahi mommee i tua de aduhale, ga hai ia gi sabaia de laagau lui o Iesu gi daudali ange ai i de ia.

John 19:16

Gai Pilate ga gaavange Iesu gilaadeu gi gaavee gi daudau ina i de laagau lui. Deelaa ai, gilaadeu ne dagi Iesu ga kave,

Esther 3:11

Gai de hodooligi ga hai ange gi Haman, “Dugua donu huu au sseene, gai haia be ni aha aau e lodo e hai ange gi de gau Ssuu.”