Luke 22:57 - De Beebaa Dabu

⁵⁷ Aagai Peter ga hagadee iloo muna laa, ga hai ange, “De hine nei, au e dee iloo donu ia!”

Luke 22:57 Referans Kwoze

1 John 1:9

Gai noo gidaadeu e tala odaadeu haisala, gai de Maadua e hai hegau i de muna abodonu ma de heohi, ia e degi mai donu gi odaadeu haisala, ga hagagilimalali gidaadeu mai i denga dee heohi alodahi.

Acts 3:19

Deenei ai, goodou daahuli oodou lodo gi sooloa ai oodou haisala, gai gi humai ai de masavaa o de ilaage i daho Tagi Maolunga,

John 18:27

Gai Peter ne hagadee iloo ange hogi mee laa. De masavaa laa donu huu gai gu goo de gaagoo daane.

John 18:25

De masavaa laa gai Simon Peter e duu ma e hagamahanahana i gaogao de ahi. Gai dangada i kilaa ne ssili ange gi de ia, “Koe e dee se dangada agoago hogi nii taane laa?” Gai ia ga hagadee iloo mee laa ga hai ange, “E deai.”

Luke 12:9

Aagai be goai e hagadee iloo ina au i madamada o dangada, gai au e hagadee iloo naa hogi ia i madamada o de gau de langi o de Maadua.

Matthew 26:70

Aagai Peter ne hagadee iloo muna laa i madamada o dangada alodahi i kilaa, ga hai ange, “Au e dee iloo donu au muna e tala mai naa.”

Matthew 10:33

Aagai be goai e hagadee iloo ina au i madamada o dangada, gai au e hagadee iloo naa hogi ia i mada luu mada o dogu Damana i de langi.

Luke 22:56

Gai dahi gauligi hahine hai hegau ne gidee e ia Peter, i dono noho i de maalama o de ahi i kilaa. Gai ia ne haaina ia ga hagadaba, “Taane nei se daane hogi madali Iesu!”

Luke 22:58

Muli mai ange gai dahi dangada ne gidee hogi ia, ga hai ange, “Koe se dangada donu hogi madali gilaadeu!” Aagai Peter ga hai ange, “Taane nei, e deai!”