Luke 22:33 - De Beebaa Dabu

³³ Gai Peter ga hai ange gi de ia, “Tagi Maolunga, au gu baba ange donu e hano gi lo te hale pono ma de magau madali goe!”

Luke 22:33 Referans Kwoze

Mark 14:31

Aagai Peter ne hagammahi huu ga hai ange, “Ga magau naa donu au madali goe, gai au e dee hagadee iloo donu goe!” Gai denga dangada agoago ange laa ne hai ange hogi muna nei gi de ia.

Mark 14:29

Peter ne hai ange gi de ia, “Ga odi naa donu gilaadeu alodahi i de tili goe, gai au e dee tili donu goe!”

Matthew 20:22

Iesu ne hai ange gi luaana dama, “Gooluu e dee iloo donu ooluu mee e dangidangi ai. Gooluu e maua i de unu i de ubu oogu gu dai unu ai?” Gilaau ne hai ange gi de ia, “Gimaau e maua!”

Acts 21:13

Aagai a Paul ne hai mai gi gimaadeu, “Gu aha goodou gu tangi ai naa ga hagadaemaha ai ogu lodo? Au e dee baba ange donu gi dogu noodia, aagai au gu baba ange donu hogi e magau i Jerusalem i hiidinga o de ingoo o Tagi Maolunga go Iesu.”

Proverbs 28:26

Tangada e hagadonu laa donu huu ia se dangada lodo senga; aagai tangada e hai hegau i de heiangi e ola donu.

Jeremiah 17:9

Lodo o tangada e kii ange de laumalie de hagasenga iai i mee alodahi, gai e kona de hakino gee. Goai e maua gi donu ange aagena?

Jeremiah 10:23

Tagi Maolunga, au e iloo bolo de haiava o tangada e dee go ia e hilihilia, gai e dee go ia e dagina dono haiava e seesee ai.

Luke 22:34

Iesu ne hai ange gi de ia, “Peter, au e hai adu gi de goe, i mua de goo o de gaagoo daane ailaa nei, gai koe e hagadee iloo naa donu au i e dolu hanonga.”

John 13:38

Iesu ne hai ange gi de ia, “E aha, koe gu baba ange naa donu e magau i ogu hiidinga? Ni muna abodonu, ni muna abodonu aagu e hai adu nei gi de goe, i mua de goo o de gaagoo daane, gai koe e hagadee iloo naa donu au i e dolu hanonga!

Luke 22:57

Aagai Peter ga hagadee iloo muna laa, ga hai ange, “De hine nei, au e dee iloo donu ia!”