Luke 21:19 - De Beebaa Dabu

¹⁹ Noo goodou e hagaduu ngae i de golomagi lodo, gai goodou e maua donu de mouli.

Luke 21:19 Referans Kwoze

Hebrews 10:36

Gai e heohi donu de golomagi oodou lodo, gi maua ai e goodou i de hai lodo o de Maadua, gai goodou ga kave ai mee gu lava laa i de hagatoo donu.

Matthew 10:22

Gai dangada alodahi e kino naa i goodou i hiidinga o dogu ingoo. Gai be goai e lodo mmahi ga dae ai gi de hagaodi, gai ia e hagamouli.

James 1:3

go hiidinga goodou e iloo bolo de hagatale o oodou kai e hai ga kii ange doodou llodo mmahi.

Revelation 3:10

Koe ne daohi agu muna i doo hagaduu ngae ga golomagi oo lodo, deelaa ai, au e doange naa hogi goe i de masavaa o de hagaduasala e dae mai ai gi henua i lalo alodahi, e hagatale ai dangada e nnoho i henua i lalo.

Romans 5:3

Gai e dee deenei donu huu, aagai gidaadeu e tuhi hogi taadeu hagaduasala ina, i hiidinga gidaadeu e iloo bolo taadeu hagaduasala ina e hai ga lodo mmahi gidaadeu;

Romans 2:7

gilaadeu ne duudagi de hai mee danuaa gi maua ai e gilaadeu de tuhi, ma de hagadubu, aama de angaanga e dee magau laa, gai ia ga gaavange ai gi gilaadeu de mouli e dee ngado mai.

Revelation 13:10

Noo tangada e kave gi dahi henua gee, gai ia e gaavee naa donu gi dahi henua gee. Noo e daa ia gi daa gi magau i de gadilaasa, gai ia e daia naa donu gi magau i de gadilaasa. De mee nei se hagahi ange gi dangada o de Maadua, gilaadeu gi hagaduu ngae i de golomagi lodo ma de gai.

Psalm 37:7

Noho ma gi dee muu, golomagina oo lodo daalia ange ai Tagi Maolunga; aude manavasaa i de hagadaga age o dangada i alaadeu mee e hai, aabe go tangada e sula ana hagatau baubau.

Revelation 14:12

De mee nei se hagahi ange gi dangada o de Maadua gilaadeu gi golomagi ina olaadeu lodo, go gilaadeu e daohia muna a de Maadua ma de daohi delaadeu kai ange gi Iesu.

Hebrews 6:11

Gai gimaadeu e llodo goodou alodahi gi duudagi ina de hai hegau hagammahi ga dae ai gi de hagaodi, gi maua abodonu ai e goodou mee oodou e tali hagalodolodo ange laa aagena,

1 Thessalonians 1:3

Gimaadeu e manadua goodou i talodalo i mada luu mada o taadeu Maadua ma Tamana i oodou hegau e hai i de gai ma oodou hegau i de aloha, ma doodou llodo mmahi i de tali hagalodolodo i lodo o taadeu Dagi Maolunga go Iesu Klisdo.

Matthew 24:13

Aagai tangada naa huu e lodo mmahi ga dae ai gi de hagaodi, gai ia e hagamouli.

Revelation 1:9

Go au go John, doodou daina e dau madali goodou i de hagaduasala ma de nohoanga hodooligi, aama de hagaduu ngae i de golomagi lodo o Iesu. Au ne kave gi noho i de modu go Patmos, i hiidinga dagu agoago muna a de Maadua ma dagu tala hagadonu dagodo o Iesu.

Hebrews 6:15

Gai Abraham ne kave mee gu lava laa i de hagatoo donu, i hiidinga dana hagammahi ga golomagi ono lodo.

2 Thessalonians 3:5

Gai Tagi Maolunga gi dagina oodou lodo i de aloha o de Maadua aama de golomagi lodo o Klisdo.

Romans 8:25

Aagai noo gidaadeu e tali hagalodolodo ange gi mee adaadeu tigi gidee, gai gidaadeu e tali mee nei i de golomagi lodo.

Luke 8:15

Gai denga golee ne too ange laa gi honga de bela danuaa, go dangada e langona laa muna a de Maadua ga dugu i olaadeu lodo i de heohi ga daudali ai, gai gilaadeu gi lodo mmahi ga dae ai gi delaadeu hagadili hua.

Psalm 40:1

Au ne golomagi ogu lodo ga tali ai Tagi Maolunga; gai ia ne hagabaa mai ga hagallongo dagu dangi.

Romans 15:4

Gai mee alodahi ne sisi laa madagidagi ne sisi e agoago ai gidaadeu, gi tuu ai gidaadeu gi makaga, ma de lo taane i taadeu iloo de Beebaa Dabu, gai gi dahi ai adaadeu tali.

Habakkuk 3:16

Au ne langona mee nei, gai dogu angaanga gu bolebole, luoogu malaungudu gu bolebole hogi i dagu longo mee nei; ogu ivi gu daamada de pobo, gai luoogu vae gu pole. Aagai au e noho naa ga tali de masavaa o de hai ngadaa e humai ai gi honga o dangada gu hebagi mai gi gimaadeu.

Romans 5:4

gai de lodo mmahi e hai gi maatua abodonu gidaadeu, gai de maatua abodonu e hai gi dahi adaadeu tali hagalodolodo.

James 1:4

Gai dugua ange de lodo mmahi gi hagalava ina ana hegau, gi maatua ai goodou ma de heohi abodonu, gu deai se mee daudahi e deai i oodou daha.

2 Peter 1:6

gai de iloo mee gi madali de golomagi lodo, gai de golomagi lodo gi madali de lodo mmahi, gai de lodo mmahi gi madali de hai lodo o de Maadua;