Luke 21:16 - De Beebaa Dabu

¹⁶ Oodou maadua, ma oodou dama, ma oodou dangada, aama oodou soa e gaavange naa goodou gi de hainga; gai hanu goodou e daa naa ga maakau,

Luke 21:16 Referans Kwoze

Luke 12:53

Tamana gi hai baasi ange gi dana dama daane, gai tama daane ange gi dono damana; tinana gi hai baasi ange gi dana damaa hine, gai tamaa hine ange gi dono dinana; tinana o tama daane gi hai baasi ange gi dono saulaba, gai dono saulaba gi hai baasi ange gi de ia.”

Revelation 6:9

Gai de masavaa huu aana ne oha ai de lima mee hagamakaga laa, gai au ne gidee i lalo de mommee o ssigidaumaha denga hagasaalunga o dangada ne daia ga maakau, i hiidinga muna a de Maadua ma delaadeu agoago i muna laa.

Jeremiah 9:4

Tangada gi kana gi dagidiiloo dangada e paa ange gi de ia, aude hagadonusia dahi oo daina. Go hiidinga dangada alodahi ni dangada hadu muna, gai tangada e baa adu se dangada adi longo.

Revelation 12:11

Gai gilaadeu ne hagadee kii ia i dodo o Ssiibi Gauligi ma delaadeu tala hagadonu ono dagodo. Gai gilaadeu ne hagangadi mee donu olaadeu mouli, gilaadeu tee maatagu donu i delaadeu maakau.

Revelation 2:13

Au e iloo dagodo o doo mommee e noho ai, go de mommee iai de nohoanga o Satan. Aagai koe e duu ma e makaga i dogu ingoo, koe tee tili doo gai i laangi o taane go Antipas, go dogu daane tala hagadonu, ia se daane niiogu e hai hegau i de muna abodonu, gai ne daia ga magau i oodou daha, go de mommee o Satan e noho ai.

Acts 12:2

Ia ne daa ga magau James, taina daane o John, i de gadilaasa.

Acts 7:59

Gai de masavaa alaadeu e maga ai Stephen, gai ia ne dalodalo ga hai ange, “Tagi Maolunga go Iesu, gaavee dogu hagasaalunga.”

Mark 13:12

Dahi daane e gaavange naa dono daina e daa gi magau, gai tamana e gaavange naa dana dama. Denga dama e hai baasi ange naa gi olaadeu maadua, ga daa gilaadeu gu maakau.

Matthew 10:21

Dahi dangada e gaavange naa dono daina daane e daa gi magau, gai tamana e gaavange naa dana dama. Denga dama e hai baasi ange naa gi olaadeu maadua ga daa gilaadeu gu maakau.

Jeremiah 12:6

Oo daina, ma doo huaabodu tee hai hegau adu gi de goe i de mee abodonu; gilaadeu e kona donu de hai baasi adu gi de goe. Aude hagadonusia alaadeu muna, e dee galemu donu delaadeu pasa danuaa i de goe.

Luke 21:15

Go hiidinga au e gaavadu naa donu gi goodou muna ma de heiangi e pasa ange ai gi oodou hagadaumee, gai gilaadeu e dee maua naa donu i de hagahadu muna aabe go de pasa adu gi oodou muna.

Luke 21:17

gai dangada alodahi e kino naa i goodou i hiidinga o dogu ingoo.