Luke 20:36 - De Beebaa Dabu

³⁶ Gilaadeu nei e bei naa donu dagodo o de gau de langi, gilaadeu e dee maakau ange. Gai gilaadeu go dama donu a de Maadua, i hiidinga gilaadeu gu mouli age mai i de magau.

Luke 20:36 Referans Kwoze

Revelation 21:4

Ia e ssolo naa olaadeu loimada alodahi, gai gu deai ange naa donu se maakau, be go de hinangalosaa, be go de tangi, aabe go de mmae. Go hiidinga mee ne hai i taamada gu odi i de llilo ma gu deai.”

Philippians 3:21

Gai ia ga sui ai odaadeu angaanga maolalo nei gi bei dagodo o dono angaanga mahamaha laa, i ssauaa ne haia laa ga maua e ia i de dagi mee alodahi.

Matthew 22:30

E deai donu dangada e hai bodu aabe e gaavange gi hai bodu i de mouli age, gai gilaadeu e bei naa dagodo o denga dangada de langi i de langi laa.

Revelation 20:6

E manuuia ma de dabu gilaadeu e mouli age i tahi mouli age! Gu deai donu se sauaa o de lua magau i olaadeu elunga, aagai gilaadeu e hai naa gi ni dangada haimeedabu niio de Maadua ma Klisdo, gai gilaadeu ga dagi ai madali ia i e mano ngadau.

1 Corinthians 15:42

Gai e be ai hogi de mouli age o de gau maakau. De angaanga ne danu laa se mee e bobo; gai de angaanga e mouli age laa e dee maua donu gi bobo.

Revelation 22:9

Aagai ia ne hai mai gi de au, “Aude daumaha mai gi de au! Go hiidinga au se dangada hai hegau bei oo dagodo ma oo daina go denga pelaabisi, aama gilaadeu alodahi e daohia muna e sisi i de beebaa nei. Gai koe daumaha ange gi de Maadua.”

1 Corinthians 15:26

Gai de hagadaumee hagaodi aana e kave gee dono sauaa go de magau.

Mark 12:25

De masavaa naa huu olaadeu e mouli age ai, gai gilaadeu e dee hai bodu aabe gaavange gi hai bodu; gilaadeu gu bei dagodo o denga dangada de langi i de langi.

1 Corinthians 15:49

Gai e bei ai hogi, gidaadeu ne hagadulagi ange gi tangada henua i lalo, aagai gidaadeu e hagadulagi ange naa hogi gi tangada mai i de langi.

Zechariah 3:7

“E hagadaba Tagi o denga hagabuulinga hebagi: Noo koe e hagallongo mai gi de au ma de daohi agu muna, gai koe e dagi naa i dogu hale ma de tilo ange ono buibui, gai au ga gaavadu gi de goe ssauaa madali gilaadeu e tuu nei i kinei.

Hosea 13:14

Au e hagao mai naa gilaadeu i ssauaa o taanunga; au e hagaola mai naa gilaadeu i de magau. De magau, i hee iai au mee hagamaakau? Taanunga, i hee iai doo sauaa e daa ai gi maakau? Au e dee lodo aloha naa donu,

Isaiah 25:8

Ia e hai naa gi deai se magau ga hano ai. De Ia Aamua go Iahweh e ssolo naa loimada i ganomada alodahi; ia e kave gee naa de hagadogaa o ono dangada mai i henua i lalo alodahi. Go Tagi Maolunga e hagadaba.

Romans 8:16

Gai go de Hagasaalunga e daalaa hagadonu ina mai i lodo odaadeu hagasaalunga bolo gidaadeu ni dama donu nii de Maadua.