Luke 2:9 - De Beebaa Dabu

⁹ Gai tangada de langi o Tagi Maolunga ga hakide ange gi gilaadeu, gai de mahamaha o Tagi Maolunga gu hagamaalama gilaadeu, gai gilaadeu gu maatagu mmao.

Luke 2:9 Referans Kwoze

Isaiah 60:1

⌊Jerusalem,⌋ hidi age, haia gi maalama goe, gu dae mai doo maalama, gai de mahamaha o Tagi Maolunga ga hagamaalama goe.

2 Corinthians 3:18

Gai gidaadeu alodahi gu aau gee laa de mee e haolia laa odaadeu mada, gu gidee de mahamaha o Tagi Maolunga, bei de hai e gidee ai laa de ada i lo te galaasa dilodilo, gai e sui ma e hagadagodo ange gi ono dagodo e hagadaga ange de mahamaha, gai de mee nei se mee mai i daho Tagi Maolunga, se Hagasaalunga laa.

Revelation 18:1

Dua mee laa gai au ne gidee ange hogi dahi dangada de langi e hano iho i de langi, gai dono sauaa e laumalie mmao, gai henua i lalo alodahi gu maalama i dono mahamaha.

Acts 27:23

Anaboo gai tangada de langi o de Maadua, go dogu Maadua, go de ia oogu e daumaha ange nei aagena, ne humai ga duu i ogu gaogao,

1 Kings 8:11

gai de gau haimeedabu gu dee maua i de tuu i kilaa e hai ai alaadeu hegau i de hagausinga laa; go hiidinga de mahamaha o Tagi Maolunga gu hhao ma gu honu de hale o Tagi Maolunga.

Acts 5:19

Gai tangada de langi o Tagi Maolunga ga hhuge denga haitoga o de hale pono i de boo laa ga dagi gilaadeu ga kave gi duaahaho, ga hai ange,

John 12:41

Isaiah ne tala de mee nei i hiidinga ia ne gidee de mahamaha o Iesu gai ia ga tala ono dagodo.

Luke 24:4

De masavaa alaadeu e maanadu manavasaa ai i de mee gu hai laa, gai tilo, e dogolua dangada de langi gu tuu i olaadeu gaogao ma olaau malo malamalama mmao.

Exodus 16:7

Gai taiao daiao goodou e gidee naa de mahamaha o Tagi Maolunga, i hiidinga ia gu langona doodou nnanu i de ia. Gai e dee go gimaau donu oodou e nnanu ange naa aagena.”

Revelation 20:11

Gai au ne gidee dahi nohoanga hodooligi maolunga tea ma de ia e noho i ono elunga. Gai henua i lalo ma de langi ne moolau donu de ngaalue gee mai i mada luoono mada, gai teai selaau mommee ne gidee.

Hebrews 12:21

Gai ne kona donu de hagamaatagu i de tilo mee laa, gai Moses ne hagadaba, “Au ne bolebole mmao i dogu madagu.”

1 Timothy 3:16

Gai gu iloo abodonu, bolo de hai daumaha dabu nogo dee iloo laa, e maolunga mmao. Ia ne humai ga hai gi se dangada, gai de Hagasaalunga ⌊Dabu⌋ ne tala hagadonu ono dagodo, de gau de langi ne gidee ia, gai gu tala ono dagodo i magavaa o denga Gentile, ne hagadonusia e dangada i henua i lalo alodahi, gai ia ne gaavage i de mahamaha.

2 Corinthians 4:6

Gai de Maadua ne hagadaba, “De maalama gi hanage gi hagamaalama ina lo te gohu,” go de Maadua hogi e hagamaalama ina omaadeu lodo, ga gaamai ai de maalama gi iloo ai e gimaadeu dagodo de mahamaha o de Maadua e gidee laa i luu mada o Klisdo.

Acts 12:7

Gai tilo, dahi dangada de langi o Tagi Maolunga ne humai ga duu i kilaa, gai gu maalama de aabi i lo te hale pono laa, gai ia ga hagaili de gaogao o Peter ga hhango ange ia, ga hai ange, “Hagamoolau hidi age!” Gai denga daula baalanga e noonooa ai laa luoono lima gu maatala ga too.

Luke 1:28

Gai tangada de langi laa ne humai gi Mary, ga hai ange, “De baba gi dagodo i oo daha. Tagi Maolunga e madali goe, ma de abodonu adu gi de goe!”

Matthew 1:20

Aagai dana masavaa ne maanadu ai de hai de mee nei, gai tangada de langi o Tagi Maolunga ne hakide ange gi de ia i de midi, ga hai ange, “Joseph, de mogobuna o David, aude madagu i de hai bodu ange gi Mary, go hiidinga tama i ono lodo naa ne hagadili i daho de Hagasaalunga Dabu.

Ezekiel 3:23

Gai au ga hidi age ga hano gi de geelonga; gai tilo, de mahamaha o Tagi Maolunga gu duu i kilaa, bei de mahamaha aagu ne gidee laa i gaogao ssaalingaa vai go Kebar, gai au ga ino gi honga de gelegele.

Isaiah 40:5

Gai de mahamaha o Tagi Maolunga e hagasula mai naa, gai dangada alodahi e gidee naa, go hiidinga Tagi Maolunga gu lava i de tala muna nei.”

Isaiah 35:2

gai ono hua manu e aala naa; gai e oo naa ga malangilangi ma de lodo danuaa. Gai e mahamaha naa bei Lebanon, ma de maolunga o Carmel ma Sharon. Gai dangada e gidee naa de mahamaha o Tagi Maolunga, ma de maolunga o taadeu Maadua.

Exodus 16:10

Gai de masavaa o Aaron e basa ange ai gi de huaadangada alodahi o Israel, gai gilaadeu ne huuhuli ga kalo gi de vao, gu gidee adu de mahamaha o Tagi Maolunga e hanage i lo te hagausinga.

Luke 2:8

Gai e hanu hogi dangada hagaloosi ssiibi i de henua laa e nnoho i de mommee malaelae ma e hagaloosi ai alaadeu ssiibi i de boo laa.