Luke 2:51 - De Beebaa Dabu

⁵¹ Gai Iesu ga hano madali gilaau gi Nazareth ga hagallongo ange gi gilaau. Aagai dono dinana ne daohi ma de hagasaele mee laa alodahi i ono lodo.

Luke 2:51 Referans Kwoze

Luke 2:19

Aagai Mary ne daohi ma de hagasaele mee nei alodahi i ono lodo.

Daniel 7:28

Deenei de hagaodi o mee nei. Gai au, Daniel, gu kona mmao tee baba ogu lodo i dagu maanadu mee nei, luoogu mada gu mada tea, aagai au ne daohi donu huu mee nei i ogu lodo.”

Genesis 37:11

Gai ono daina daane gu magiaa ange gi de ia, gai dono damana ne daohi mee nei i ono lodo.

Mark 6:3

E dee deenei de labagau, go tama daane a Mary, taina daane o James, ma Joses, ma Judas, aama Simon? Gai ono daina haahine e dee nnoho nei hogi madali gidaadeu?” Gai gilaadeu tee hagadonusia ia.

1 Peter 2:21

Gai deenei donu doodou mee ne hagahi ange aagena, go hiidinga Klisdo ne hagaduasala hogi i oodou hiidinga, gai ia gu gaavadu ai gi goodou dahi hagaago danuaa, gai goodou ga daudali ange ai i de ia.

Matthew 3:15

Aagai Iesu ne basa ange ga hai ange, “Hagasula ina de mee nei, e heohi taau hagasula de heohi alodahi.” Aagai a John gu buni ange.

Ephesians 5:21

Goodou hagadau hagadubu i oodou magavaa i doodou maatagu i Klisdo.

Luke 2:39

Gai ga lava huu i de hai mee alodahi gu sisi i de hainga a Tagi Maolunga, aagai gilaadeu gu aahe hogi gi delaadeu aduhale go Nazareth i Galilee.

Psalm 119:11

Au e doange au muna i ogu lodo, gi dee haisala adu ai au gi de goe.

Matthew 12:46

De masavaa o Iesu e basa ange ai gi dangada, gai dono dinana ma ono daina daane ne loomai ga tuu i duaahaho, gilaadeu ne llodo e pasa ange gi de ia.

Mark 1:9

Laangi laa gai Iesu ne humai i Nazareth i Galilee ga babudaisi i daho John i lo te saalingaa vai go Jordan.

Luke 4:16

Ia ne hano hogi gi Nazareth, go de mommee oona ne madua ai. Gai ia ne hano gi synagogue i de laangi o Sabbath, bei ana hegau e hai i de laa tubua. Gai ia ne duu age e dau de Beebaa Dabu,

Luke 4:23

Ia ne hai ange gi gilaadeu, “Ni muna abodonu, goodou e hagamaanadu mai gi de au de mee hagasengasenga nei, ‘Tangada hai magi, hagaieiangi ina donu huu goe. Haia hogi sauaa amaadeu gu langona laa bolo koe gu hai i Capernaum, i doo aduhale donu.’ ”

Luke 18:37

Aagai dangada ne hai ange gi de ia, “Iesu, taane Nazareth gu seesee mai laa kinei.”