Luke 2:49 - De Beebaa Dabu

⁴⁹ Iesu ne hai ange gi gilaau, “Gu aha gu ssala ai gooluu au? Gooluu e dee iloo bolo e heohi donu dogu noho i de hale o dogu Damana?”

Luke 2:49 Referans Kwoze

John 6:38

Go hiidinga au tee hano iho i de langi e hai donu huu ogu mee e lodo ai, gai au ne hano iho e hai lodo o de ia ne haia nei au gi humai.

John 8:29

De ia ne hai laa au gi humai e noho madali au. Ia e dee tili donu au, go hiidinga au e hai mee oona e malangilangi ai i masavaa alodahi.”

Malachi 3:1

“Tilo, au e hai gi hano dogu dangada hagailoo, gai ia ga hagadabena ai de haiava i ogu mada i mua. Gai de Ia Aamua oodou e tali naa e daa hagalele naa donu de humai gi dono temple; gai tangada hagailoo o de hagatoo donu hagaheloongoi oodou e malangilangi ai naa e humai naa donu,” go Tagi o denga hagabuulinga hebagi e hagadaba.

John 4:34

Iesu ne hai ange gi gilaadeu, “Agu gai go de hai lodo o de ia ne haia nei au gi humai, aama de hagalava ana hegau.

Psalm 40:8

Dogu Maadua, au e lodo e daudali i dau hagatau; au hainga gu daakodo i ogu lodo.”

Luke 2:48

Aagai ga gidee huu e luoono maadua ia, gai gilaau gu llele mouli, gai dono dinana ga ssili ange gi de ia, “Dagu Dama, gu aha gu hai hegau mai ai naa goe bee naa gi gimaau? Gimaau ma doo damana ne ssala saele goe ma de manavasaa mmao.”

John 5:17

Aagai Iesu ne hai ange gi gilaadeu, “Dogu damana e hai hegau ga dae mai ai gi iainei, gai au e hai hegau hogi.”

Matthew 21:12

Gai Iesu ne ulu gi lo te buibui o de temple ga alualu ai de gau hagao mee alodahi i lo te buibui o de temple, ma de hagaabongi denga deebele o dangada e seenisi ina sseene, ma seaa o dangada e hagao ina manu kono.

John 9:4

De masavaa e ao ai de mee, gai gidaadeu e hagaduu ngae e hagalava hegau a de ia ne haia ngau gi humai. Gu baa mai de boo, go de masavaa e dee hai hegau ai dangada.

John 5:36

Gai e dahi mee e daalaa hagadonu ogu dagodo e kii ange i de tala hagadonu a John. Go hegau a dogu Damana ne gaamai au gi haia gi lava — go agu hegau donu e hai nei — mee nei e tala hagadonu bolo go Tamana ne haia nei au gi humai.