Luke 2:36 - De Beebaa Dabu

³⁶ Gai e dahi hogi hahine pelaabisi, dono ingoo go Anna, se damaa hine nii Phanuel, mai i de aamuli o Asher. Ia gu madumadua i de masavaa laa, gai ia ne hai bodu ange gi dahi daane i e hidu ngadau, mai i de masavaa oona se bua moe ai, gai dono bodu ga magau,

Luke 2:36 Referans Kwoze

Acts 21:9

Taane nei e dogohaa ana damaa hine tigi hai bodu, gai delaadeu duuhanga hegau go de pasa pelaabisi.

Exodus 15:20

Gai de pelaabisi go Miriam, taina hahine o Aaron, ne dagidagi dana tambourine i lo tono lima; gai denga haahine alodahi ga daudali ange i de ia ma alaadeu tambourine, gai gilaadeu ga hagadangidangi ma de aanu.

1 Corinthians 12:1

Denga daina, dagodo o denga duuhanga mai i daho de Hagasaalunga ⌊Dabu⌋, au e dee lodo goodou gi dee iloo dagodo o mee nei.

Acts 2:18

Ogu daane ma haahine hai hegau, gai au e gaavange naa gi gilaadeu dogu Hagasaalunga i laangi laa, gai gilaadeu ga pasa pelaabisi ai naa.

Psalm 92:14

Gilaadeu e duudagi naa donu huu de hhua i de masavaa olaadeu gu madumaatua ai, gilaadeu e duudagi naa donu huu de lau kohu ma de ssomo danuaa,

De Beebaa go Job 5:26

Koe e magau naa i doo madumadua, bei denga noodangaa grain e hagabudu laa i de masavaa o de hagihagi.

2 Kings 22:14

Gai tangada haimeedabu go Hilkiah, ma Ahikam, ma Acbor, ma Shaphan aama Asaiah, ne hulo gi pasa ange gi de pelaabisi go Huldah, de bodu o Shallum, tama daane a Tikvah, tama daane a Harhas, go taane e doange ina denga malo. Gai de hine laa e noho i de lua vaaenga i Jerusalem.

Judges 4:4

De masavaa laa gai go Deborah, de hine pelaabisi, de bodu o Lappidoth e dagina de gau Israel.

Genesis 30:13

gai Leah ga hagadaba, “Au gu malangilangi mmao! Denga haahine e hagahi mai naa de malangilangi gi de au.” Gai ia ne hagaingoo ange tama daane laa go Asher.

Revelation 7:6

se 12,000 mai i de aamuli o Asher, se 12,000 mai i de aamuli o Naphtali, se 12,000 mai i de aamuli o Manasseh,

Joshua 19:24

De lima mommee ne vvae ange gi denga hagadiilinga o de aamuli o Asher.

1 Samuel 1:2

Ia e dogolua ono bodu; de ingoo o dahi go Hannah, gai de ingoo o de hine ange laa go Peninnah. Peninnah e hanu ana dama, aagai Hannah e deai donu ana dama.

Ezekiel 13:17

Gai koe, tama a tangada, hai baasi ange gi denga haahine i daho oo dangada e pasa pelaabisi laa donu huu i alaadeu maanadu. Basa pelaabisi hai baasi ange gi gilaadeu,

Luke 2:35

e hagaago mai ai lodo o dangada soa. Gai de gadilaasa e velo naa hogi oo lodo.”

Luke 2:38

De hine laa ne humai hogi i de masavaa laa ga hagadegi de Maadua, aama de tala ange dagodo o Tamaa gauligi laa gi dangada alodahi e daalia de hagaola o Jerusalem.

1 Corinthians 11:5

gai de hine e dalodalo aabe e basa pelaabisi gai e dee haoli dono biho e dee hagadubu de biho, go dono bodu, gai e bei donu ia gu lava i de dahi gi malali dono biho.

1 Timothy 3:2

Tangada e dagi i de nohoanga dabu, gi deai ono mee e hagabaubau ina ai; gai gi dahi donu huu ono bodu, ia gi dee unu gi senga, ia gi maua i de golomagi ono lodo, gai gi se dangada e hagadubu i daho dangada, ma de abodonu ange gi dangada i dono hale, gai ia gi maua i de agoago;

1 Timothy 5:9

Gai de hine gu magau laa dono bodu e dee sisi dono ingoo ga dae ai gi de madaono ono ngadau aabe e kii ange, gai ia ne dahi donu huu ono bodu,