Luke 2:17 - De Beebaa Dabu

¹⁷ Gai ga gidee huu e gilaadeu ia, gai gilaadeu ga tala mee a tangada de langi gu tala ange laa gi gilaadeu, i dagodo o tamaa gauligi laa.

Luke 2:17 Referans Kwoze

Luke 8:39

“Ahe gi doo hale daalaa ange dagodo mee a de Maadua gu hai adu gi de goe.” Gai ia ga hano ga tala dagodo o mee alodahi a Iesu gu hai ange gi de ia, i de aduhale laa alodahi.

Psalm 66:16

Goodou alodahi e maatagu i de Maadua, loomai hagalaangona, gai au ga tala adu dagodo ana mee ne hai mai gi de au.

Luke 2:38

De hine laa ne humai hogi i de masavaa laa ga hagadegi de Maadua, aama de tala ange dagodo o Tamaa gauligi laa gi dangada alodahi e daalia de hagaola o Jerusalem.

Malachi 3:16

Gai dangada e maatagu laa i Tagi Maolunga ne pasa i olaadeu magavaa, gai Tagi Maolunga ne anga ange ga hagallongo alaadeu muna. Gai gu sisi dahi beebaa hagamaanadu i mada luoono mada, i dagodo o dangada e maatagu i Tagi Maolunga ma de hagadubu dono ingoo.

Luke 2:16

Gai gilaadeu ne hagamoolau ga hulo gi kilaa, gai gilaadeu gu gidee Mary ma Joseph, aama de gaagaa e hagadagodo laa i de mommee gaimee o denga manu.

Luke 2:18

Gai dangada alodahi ne langona mee laa gu llele mouli i mee a de gau hagaloosi ssiibi ne tala ange gi gilaadeu.