Luke 2:12 - De Beebaa Dabu

¹² Gai deenei de hagailonga adu gi goodou: goodou e gidee naa dahi gaagaa e saabini i de malo saabini ma e hagadagodo i lo te mommee gaimee o denga manu.”

Luke 2:12 Referans Kwoze

Isaiah 7:14

Deenei ai, de Ia Aamua e gaavadu naa gi goodou dahi hagailonga. Tilo, dahi bua moe e hai dama naa ga haanau dahi dama daane, gai ia e hagaingoo ange naa ia go Immanuel.

Isaiah 7:11

“Dangidangi ange gi Tagi Maolunga doo Maadua gi gaavadu dahi hagailonga; e dee hilihili be koe e hai gi gelo bei de mommee o de gau maakau, aabe e hai gi maolunga bei de langi i lunga.”

Psalm 22:6

Aagai au se ilo e dee se dangada, dangada e kino ma de hagangadi mee au.

2 Kings 20:8

Gai Hezekiah ne hai ange gi Isaiah, “Dee hee de hagailonga e hagadonu ai bolo Tagi Maolunga e hagaieiangi au, gai au e maua i de hano gi de hale o Tagi Maolunga i dua e dolu laangi?”

2 Kings 19:29

Gai deenei de hagailonga e hagadonu ai mee nei: de ngadau nei ma de ngadau e humai nei, gai goodou e gaimee naa i grain e ssomo age laa donu huu i gilaadeu, aagai tolu ngadau naa huu gai goodou ga doo ma de hagihagi oodou grain, aama de doo oodou veelengaa grape ga gai olaadeu hua.

1 Samuel 2:34

Gai aanei mee e hai ange gi luaau dama daane go Hophni ma Phinehas: gilaau ngaadahi e maakau naa i de laangi daudahi; de mee nei se hagailonga adu gi de goe.

Exodus 3:12

Gai de Maadua ga hai ange, “Au e noho naa donu madali goe. Gai deenei de hagailonga e hagadonu ai bolo go au donu ne haia goe gi hano: de masavaa naa huu aau e hagassao mai ai de gau Israel i Egypt, gai goodou e loomai naa ga daumaha mai gi de au i honga de mounga nei.”

Luke 2:7

Gai ia ga haanau dana dama daane madua, ga saabini i de malo saabini ga hagadagodo i de mommee gaimee o denga manu, go hiidinga gu deai selaadeu mommee i de hale gaainga.

Luke 2:13

De masavaa laa donu huu, gai gu hagabuni mai de gau de langi soa mmao gi daho tangada de langi laa. Gai gilaadeu ga tuhi de Maadua, ga hagataba,