Luke 2:11 - De Beebaa Dabu

¹¹ Anailaa nei gai gu haanau i de aduhale o David doodou Dangada Hagaola, go Klisdo Tagi Maolunga.

Luke 2:11 Referans Kwoze

Isaiah 9:6

Gai dahi dama gu haanau mai gi gidaadeu, dahi dama daane e gaamai gi gidaadeu; gai ssauaa e dagi ai e gaavange naa gi de ia. Gai ia e hagaingoo ange naa go de Ia Hagasaele Hagalele Mouli, de Maadua Mmahi, Tamana dee Ngado Mai, aama Tagi o de Baba.

Matthew 1:21

Ia e haanau naa dahi dama daane, gai koe ga hagaingoo ange ia go Iesu, go hiidinga ia e hagaola naa ono dangada mai i olaadeu haisala.”

Acts 2:36

Deenei ai, de gau Israel alodahi gi tonu ange gi de mee nei: de Maadua gu hai Iesu go Tagi Maolunga ma de Klisdo, deenei donu Iesu oodou ne daudau laa i de laagau lui.”

Matthew 16:16

Gai Simon Peter ga hai ange gi de ia, “Go koe donu de Klisdo, Tama Daane a de Maadua e mouli laa!”

Luke 1:43

Gai gu aha gu maua ai nei e au de manuuia laumalie nei, go de humai o tinana o dogu Dagi Maolunga gi ogu daha?

1 John 5:1

Be goai e hagadonusia bolo Iesu go de Klisdo ne haanau donu i daho de Maadua, gai be goai e aloha i tamana e aloha hogi i tama ne hagadili laa i ono daha.

Philippians 2:11

gai dangada alodahi e tala hagadonu naa bolo Iesu Klisdo go Tagi Maolunga, ga hagamahamaha ai de Maadua Tamana.

John 4:42

Gai dangada ga hai ange gi de hine laa, “E dee go hiidinga donu huu o au muna amaadeu gu hagadonusia ai, gai go hiidinga gimaadeu gu langona donu ana muna, gai gimaadeu gu iloo donu bolo taane nei go Tangada Hagaola o henua i lalo.”

Luke 2:4

Gai Joseph ne humai hogi i de aduhale go Nazareth i Galilee e hano gi Judea, gi de aduhale o David, e hagaingoo ange laa go Bethlehem, go hiidinga ia se dangada de aamuli o David,

Matthew 1:16

Jacob ne hagadili Joseph, de bodu o Mary tinana o Iesu, e hagaingoo ange laa hogi go de Klisdo.

1 Corinthians 15:47

Tahi dangada ne hai i gelegele o henua i lalo; gai togolua dangada ne humai i de langi.

Acts 10:36

Goodou gu iloo ana muna gu gaavange gi de gau Israel, e agoago ai laa de longo danuaa o de baba mai i daho Iesu Klisdo, go Tagi Maolunga o mee alodahi;

John 20:31

Aagai mee nei ne sisi gi hagadonusia ai e goodou, bolo Iesu go de Klisdo donu, go Tama Daane a de Maadua, gai gi maua ai e goodou de mouli i doodou hagadonusia ia.

1 John 4:14

Gai gimaadeu ne gidee ma de tala hagadonu, bolo Tamana ne gaamai dana Dama Daane e hai ai de Ia Hagaola o henua i lalo.

John 1:45

Philip ne gidee hogi e ia Nathanael, ga hai ange, “Gimaadeu gu gidee de ia a Moses e basa ai laa i lodo hainga, gai denga pelaabisi ne sisi hogi ono dagodo — Iesu tangada Nazareth, tama a Joseph.”

Acts 17:3

ga hagadonu ange ma de hai gi iloo e gilaadeu bolo ne heohi donu de hagaduasala o Klisdo ma dono mouli age, ga hai ange, “Taane go Iesu aagu e tala adu nei ono dagodo gi goodou, go de Klisdo donu.”

Acts 5:31

Gai de Maadua gu hagaamua ia i dono baasi madau, ma de hai ia go Tagi ma de Ia Hagaola, gai ia ga hagadaahuli ai lodo o de gau Israel, aama de degi ange ai gi olaadeu haisala.

John 6:69

Gimaadeu gu hagadonusia ma de iloo bolo go koe donu de Ia Dabu a de Maadua.”

John 1:41

Ia ne hano i mua ga ssala dono daina daane go Simon, ga hai ange gi de ia, “Gimaau gu gidee de Messiah” (e bei, go de Klisdo).

Matthew 16:20

Aagai Iesu ga hai ange gi ana dangada agoago gilaadeu gi dee daalaa ange gi dangada bolo go ia de Klisdo donu.

Genesis 49:10

De laagau hodooligi e dee aau gee naa donu i daho Judah, aabe e aau gee togo o tagi mai i magavaa luoono vae, ga dae ai gi de humai o de ia niiona togo laa; gai denga huaahenua e hagallongo ange gi de ia.

Genesis 3:15

Au e hai naa gi hai kino gooluu ma de hine, ma au dama ma dono aamuli, gai de aamuli o de hine naa e hagalagohia naa doo biho, gai koe e kadi naa muli dono vae.”

Colossians 2:6

Deenei ai, goodou daudali i lodo o Klisdo Iesu Tagi Maolunga, bei de hai oodou ne kave ai ia i taamada,

Philippians 3:8

Gai e dee deenei donu huu, gai au e hagabinga bolo mee alodahi ni ngadi mee donu, i hiidinga de hagamogomogo ange mmao dagu iloo Klisdo Iesu dogu Dagi Maolunga, gai go ono hiidinga aagu ne hagangadi mee ai mee alodahi. Au e hagabinga bolo mee nei e bei donu denga gainga, gi maua abodonu ai e au Klisdo,

John 11:27

Gai Martha ne hai ange gi de ia, “Uaa, Tagi Maolunga, au e hagadonusia bolo go koe donu de Klisdo, Tama Daane a de Maadua, gu tala laa bolo e humai gi henua i lalo.”

John 7:41

Gai hanu ne hagataba, “Deenei donu de Klisdo.” Gai hanu ne ssili, “E maua gi humai de Klisdo i Galilee?

Luke 2:26

Gai de Hagasaalunga Dabu ne hagaago ange gi de ia bolo ia e dee magau ga dae ai gi dana gidee de Klisdo mai i daho Tagi Maolunga gu lava laa i de hagatoo donu.

Luke 1:69

ia gu gaamai gi gidaadeu dahi Ia Hagaola mmahi, mai i de aamuli o dono dangada hai hegau go David,

Psalm 2:2

Denga hodooligi o henua i lalo gu hagadabena, gai denga dagi gu hagabuni e hai baasi ange ai gi Tagi Maolunga ma de Ia aana gu hagadabu i de lolo, ⌊ma de hagataba,⌋

John 4:25

De hine laa ne hai ange gi de ia, “Au e iloo bolo de Messiah (go de ia e hagabinga ange laa go Klisdo) e humai naa. Gai dono masavaa naa huu e humai ai, gai ia ga hagadonu mai mee alodahi gi gidaadeu.”

Acts 13:23

Gai de Maadua e hai naa gi humai de Ia Hagaola go Iesu gi Israel, mai i daho ono hagadiilinga, bei dana hai gu hagatoo donu ai laa.