Luke 19:9 - De Beebaa Dabu

⁹ Iesu ne hai ange gi de ia, “De hagamouli gu dae mai gi de hale nei anailaa nei, go hiidinga taane nei se mogobuna donu hogi niio Abraham.

Luke 19:9 Referans Kwoze

Galatians 3:7

Deenei ai, goodou gi tonu ange bolo gilaadeu e kai go dama donu a Abraham.

Luke 13:16

Gai de hine nei se dama donu nii Abraham gai ne noodia e Satan i e madaangahulu ma valu ngadau; gai e dee kii ange laa de heohi de hai gi ilaage de hine nei mai i dono magi i de laangi o Sabbath?”

Romans 4:16

Deenei ai, de hagatoo donu nei e maua donu huu i de gai, gai gi se mee ai e maua i de abodonu ma de hagatoo donu ange gi hagadiilinga alodahi o Abraham — e dee ange donu huu gi gilaadeu e daudali i de hainga, aagai ange hogi gi gilaadeu e kai bei dagodo o Abraham. Ia go tamana odaadeu alodahi.

1 Peter 2:10

I mua gai goodou e dee se huaahenua, aagai iainei goodou go de huaahenua o de Maadua; i mua gai goodou tee kave tegi o de Maadua, aagai iainei goodou gu kave hogi dono degi.

Galatians 3:29

Gai noo goodou ni dangada niio Klisdo, aagai goodou ni hagadiilinga niio Abraham, gai gu ni dangada e gaavee de boolonga gu lava laa i de hagatoo donu ai.

Galatians 3:14

gai gi maua ai hogi e denga Gentile i de kave de manuuia o Abraham i daho Klisdo Iesu, gai gi maua ai e gidaadeu i de kave de Hagasaalunga gu hagatoo donu laa i de gai.

Luke 3:8

Goodou hagaagona mai i oodou hegau bolo goodou gu daahuli abodonu oodou lodo. Gai goodou aude hagataba, ‘Gimaadeu ni dama nii Abraham.’ Au e hai adu gi goodou, de Maadua e maua i de hai hadu nei e hai ai dama a Abraham!

Luke 2:30

Go hiidinga luoogu mada gu gidee dau hagaola,

Luke 13:30

Gai tilo, hanu gilaadeu e hagaodia mai e hai naa go gilaadeu i mua, gai hanu gilaadeu i mua e hai naa go gilaadeu e hagaodia.”

Luke 16:24

Gai taane lava laa ga hai ange gi de ia, ‘Tamana go Abraham, lodo aloha mai gi de au, ma gi haia Lazarus gi humai gi hagasulu ina ange dono madannia gi lodo vai gi hagamaluulu ina ai dogu alelo. Au gu kona mmao dogu duasala i lo te ahi nei!’

Luke 16:30

Gai taane laa ne hai ange, ‘Tamana go Abraham, e deai! Noo dahi dangada e mouli age ga hano gi olaadeu daha, gai gilaadeu e daahuli naa donu olaadeu lodo.’