Luke 19:47 - De Beebaa Dabu

⁴⁷ Laangi alodahi gai Iesu ne agoago i de temple. Gai de gau haimeedabu maolunga, ma de gau sisi, aama dagi o dangada ne ssala delaadeu hai e daa ai ia gi magau.

Luke 19:47 Referans Kwoze

Mark 11:18

Gai ga langona huu e de gau haimeedabu maolunga ma de gau sisi muna laa, gai gilaadeu ga ssala delaadeu hai e daa ai Iesu gi magau; go hiidinga gilaadeu e maatagu i de ia, i hiidinga dangada soa gu llele mouli i ana agoago.

Matthew 26:55

De masavaa laa gai Iesu ne ssili ange gi de hagabuulingaa daane laa, “Goodou ne loomai naa ma denga gadilaasa ma laagau e poo ai au, bei dagodo o dahi dangada gaiaa? Laangi alodahi gai au ne noho i lo te temple ma e agoago ai, gai goodou tee poo au.

John 18:20

Iesu ne hai ange gi de ia, “Au ne agoago i madamada o dangada alodahi. Au ne agoago i laangi alodahi i lodo synagogue ma lo te temple, go de mommee o de gau Ssuu alodahi e hagabuni ai. Au tee tala hagammuni donu dahi mee.

John 10:39

Gai gilaadeu ne hagatale ange hogi de poo ia, gai ia ga hagaui i olaadeu lima, ga hano gee i kilaa.

John 7:44

Gai hanu dangada ne llodo e poo ia, gai teai donu se dangada ne poo ange gi de ia.

John 7:19

E aha, e dee go Moses ne gaavadu gi goodou de hainga? Gai e deai donu se goodou e daudali ai. Gai gu aha goodou gu ssala ai au e daa au gi magau?”

Mark 14:1

De masavaa ne lua ai laangi i mua o Taonga Hagasili ma Taonga o Pelaoaa Dee Hagahua. Gai de gau haimeedabu maolunga ma de gau sisi ne ssala delaadeu hai e poo hagammuni ai Iesu e daa gi magau.

Mark 12:12

Gai dagi o de gau Ssuu ne hagatale de poo Iesu, go hiidinga gilaadeu gu iloo bolo ia ne tala de mee hagasengasenga laa e hai baasi ange ai gi gilaadeu; gai gilaadeu e maatagu i dangada, gai gilaadeu ga hulo gee mai i ono daha.

Matthew 21:23

De masavaa o Iesu ne ulu ai ga agoago i lo te temple, gai de gau haimeedabu maolunga ma denga dagi ne loomai, ga ssili ange, “Niioai ssauaa aau e hai ai naa mee nei? Gai goai ne gaavadu gi de goe ssauaa naa?”

Mark 14:49

Laangi alodahi gai au ne noho madali goodou i lo te temple ma e agoago ai, gai goodou tee poo au. Aagai mee nei e hai e hagassula ai muna a de Beebaa Dabu.”

Luke 19:48

Gai tee maua, go hiidinga dangada alodahi ne llodo mmao e hagallongo ana agoago.

Luke 20:19

De gau sisi ma de gau haimeedabu maolunga ne ssala de hai e poo ai Iesu i de masavaa laa, go hiidinga gilaadeu e iloo bolo ia ne tala de mee hagasengasenga laa e hagaago ange ai olaadeu dagodo; aagai gilaadeu e maatagu i dangada.