Luke 19:38 - De Beebaa Dabu

³⁸ ga hagataba, “E manuuia de hodooligi e humai i de ingoo o Tagi Maolunga! Gi dagodo de baba i de langi ma de mahamaha i de mommee maolunga mmao!”

Luke 19:38 Referans Kwoze

Luke 13:35

Deenei ai, doodou hale daumaha gu tili adu gi goodou. Ni muna abodonu aagu e tala adu nei gi goodou, goodou e dee gidee ange naa ngau ga dae ai gi doodou hagataba, ‘E manuuia tangada e humai i de ingoo o Tagi Maolunga!’ ”

Zechariah 9:9

Tamaa hine o Zion, koe gi malangilangi! Tamaa hine o Jerusalem, koe gi oo i doo malangilangi! Tilo, doo hodooligi e humai naa gi oo daha; ia e heohi gai de hagaola i ono daha, ia e daudonu gai e gage i honga dahi donkey, ma dahi manu gauligi, go tama a dahi donkey.

Matthew 21:9

Gai dangada e hulo laa i ono mada i mua ma gilaadeu e loadu i ono dua ne hevaalogi, ga hagataba, “Hosanna ange gi Tama a David! E manuuia Tangada e humai i de ingoo o Tagi Maolunga! Hosanna i de mommee maolunga mmao!”

1 Peter 1:12

Gai ne hagaago ange gi gilaadeu bolo gilaadeu e dee hai hegau ange donu huu gi gilaadeu gai adu hogi gi goodou, i de masavaa alaadeu ne tala adu ai laa mee gu tala adu naa hogi gi goodou iainei i daho olaadeu ne agoagona adu goodou i de longo danuaa, i ssauaa o de Hagasaalunga Dabu ne hai laa gi hano iho i de langi. Gai denga dangada de langi e llodo donu hogi gi tonu ange gilaadeu gi mee nei.

1 Timothy 1:17

De Hodooligi e mouli laa ga hano ai, ia e deai donu se magau, gai e dee maua gi gidee i ganomada o dangada, gai go ia de Maadua abodonu. Hagadubulia ma de hagamahamaha ina ia ga hano ai e dee ngado mai. Amen.

Ephesians 1:12

gai gidaadeu ne haia laa Klisdo go taadeu tali hagalodolodo i taamada ga tuhi ai dono mahamaha.

Matthew 25:34

Gai de Hodooligi e hai ange naa gi dangada i dono baasi madau, ‘Loomai, goodou gu lava i de hagamanuuia i daho dogu Damana. Goodou gaavee de nohoanga hodooligi gu hagadabena adu laa gi goodou, mai i taamada age de hai o henua i lalo.

Ephesians 1:6

gai gidaadeu ga tuhi ai de mahamaha o dono abodonu, ne ngadi gaamai laa gi gidaadeu i hiidinga o dana Dama Hagamogomogo.

Romans 5:1

Deenei ai, go hiidinga gidaadeu ne hagaheohi i de gai, gidaadeu gu nnoho paba madali de Maadua i hiidinga o taadeu Dagi Maolunga go Iesu Klisdo,

Colossians 1:20

gai de Maadua ne malangilangi i de hagadanuaa olaadeu magavaa ma mee alodahi e dee hilihili be go mee i henua i lalo aabe go mee i de langi, ga hai ai gi maua de nnoho paba i dodo o Klisdo i honga de laagau lui.

Ephesians 3:21

i lo te nohoanga dabu aama lodo o Klisdo Iesu i denga atangada alodahi, ga hano ai e dee ngado mai! Amen.

Ephesians 3:10

gai ia gu hagaago mai ai iainei i daho de nohoanga dabu, ange gi denga dagi, ma gilaadeu iai ssauaa i lo te langi denga hagadaagangaa heiangi o de Maadua.

Matthew 2:2

ga ssili ga hagataba, “I hee iai tama gu haanau laa, go de Hodooligi o de gau Ssuu? Gimaadeu ne gidee dono heduu i baasi dua, gai gimaadeu ga loomai ai nei e daumaha ange gi de ia.”

Matthew 25:40

Gai de Hodooligi e hai ange naa gi gilaadeu, ‘Ni muna abodonu aagu e hai adu nei gi goodou, mee alodahi oodou ne hai ange gi dahi ogu daina maolalo nei, gai goodou ne hai mai donu gi de au!’