Luke 19:21 - De Beebaa Dabu

²¹ Au ne madagu i de goe, go hiidinga koe se dangada vaivai dagodo; koe e kave mee e dee niiau, gai e hagihagi mee e dee go koe ne dooa.’

Luke 19:21 Referans Kwoze

Jude 1:15

e hagamodu muna o dangada alodahi, ma de hagabuu ange sala gi de gau baubau alodahi i hiidinga alaadeu hegau baubau alodahi gu hai, aama muna alodahi a de gau baubau ma de haisala ne hai baasi ange ai gi de ia.”

1 John 4:18

De aloha e deai donu se madagu iai, aagai de aloha e honu abodonu e hagadeai se madagu. Go hiidinga de madagu e humai madali de hagaduasala, gai tangada e madagu laa tigi honu abodonu dono aloha.

James 2:10

Go hiidinga tangada e daohia de hainga alodahi, aagai e haisala i dahi damaa mee i lo te hainga, gai ia gu haisala donu i de hainga alodahi.

2 Timothy 1:7

go hiidinga de Maadua tee gaamai gi gidaadeu de hagasaalunga o de madagu, aagai go de hagasaalunga iai ssauaa ma de aloha, aama de maanetonu.

Romans 8:15

Goodou tee kave de hagasaalunga e haia laa goodou ga ni dangada hai hegau, gai goodou ga aahe ange ai ga maatagu, aagai goodou ne kave de Hagasaalunga e haia goodou ga ni dama daohi. Gai go ono hiidinga odaadeu e maua i de hagataba, “Abba! Tamana!”

Romans 8:7

Go hiidinga maanadu a de angaanga e hagadaumee ange donu gi de Maadua, ma tee hagallongo ange gi hainga a de Maadua, gai e dee maua donu i de hai mee nei.

1 Samuel 12:20

Gai Samuel ga hai ange gi dangada, “Goodou aude maatagu. Goodou gu hai donu de hegau baubau nei, gai goodou aude daahuli gee mai i de daudali ange i Tagi Maolunga, aagai daumaha ange gi Tagi Maolunga i oodou lodo alodahi.

Luke 19:20

Gai tangada ange laa ne humai, ga hai ange, ‘Tangada aamua, deenei dau mina, au ne saabini i de hangiseebe ga doange ai.

Luke 19:22

Gai tangada aamua ne hai ange gi de ia, ‘Koe se dangada hai hegau baubau! Au e hagamodu oo dagodo gi bei au muna! E aha, koe ne iloo bolo au se dangada vaivai dagodo, au e kave mee e dee niiagu ma de hagihagi mee aagu tee doo?