Luke 18:32 - De Beebaa Dabu

³² Ia e gaavange naa gi denga Gentile gai gilaadeu ga doo ai mee, ma de vaivai hai ia ma de savasavale ange gi de ia.

Luke 18:32 Referans Kwoze

Luke 23:11

Gai Herod ma ono daane hebagi ne hagangadi mee Iesu ma de hagammae manava ia. Gai gilaadeu ga hakahu ia i hanu malo danuaa ga hagaahe ia gi daho Pilate.

Isaiah 53:3

Ia ne hagangadi mee ina ma de kino ai o dangada, se dangada e lagolago ono hagammae, ma de donu ange gi dagodo o de hagaduasala. Dangada e kino i de kalo ange e tilo ia; ia ne hagangadi mee ina, gai gidaadeu tee hagadubu ia.

Isaiah 50:6

Au ne dugu ange au gi gilaadeu e hagailiilia dogu dua, gai e huli ange luoogu galaahuu gi gilaadeu e vele ina dogu gumigumi; gai au tee haoli luoogu mada i de hagadogaa ma de saavale.

Acts 3:13

De Maadua o Abraham, ma Isaac aama Jacob, de Maadua o odaadeu dubuna madagidagi, gu hagamahamaha dono dangada hai hegau go Iesu, go de ia oodou ne gaavange ga daa gi magau ma de hagangadi mee i mada i mua o Pilate, e dee galemu donu dana hagatale de hagaola ia.

Mark 14:65

Gai hanu gilaadeu ne daamada de savasavale ange gi Iesu, ga nnoa luoono mada i de malo ga dugidugi ia i olaadeu lima, gai gilaadeu ga hai ange gi de ia, “Daalaa mai be goai ne duugia laa goe!” Gai de gau hagaloosi ne kave hogi ia ga hagailiili.

Matthew 26:67

Aagai gilaadeu ga savasavale ange gi luoono mada, ma de dugidugi ia i olaadeu lima. Gai hanu ne hagailiili ia,

Matthew 16:21

Dua de masavaa laa, gai Iesu ne daamada de tala ange gi ana dangada agoago bolo ia e hano naa gi Jerusalem e hagaduasala ai i daho denga dagi, ma de gau haimeedabu maolunga, aama de gau sisi, gai ia e daa naa gi magau, aagai de hagadolu laangi naa huu gai ia gu mouli age.

Micah 5:1

De aduhale o denga daane hebagi, hagabuni ina oo hagabuulinga hebagi, go hiidinga hanu gu dai hebagi mai naa gi taadeu aduhale. Gilaadeu e hagailiili naa de galaahuu o tagi o Israel i de laagau.

Isaiah 52:14

Dangada soa ne llele mouli i ono dagodo — dono angaanga e kona de lagolagohia, gu dee dagodo be se angaanga dangada, gai dono angaanga gu dee madea ange bolo se angaanga dangada —

Acts 2:23

Taane nei ne daa ga magau bei dagodo de hagatau ma de iloo mee o de Maadua mai i taamada age, gai goodou ne gaavange ia ga daudau i de laagau lui ma de daa ia ga magau i daho de gau baubau.

John 18:35

Pilate ne hai ange, “Au e dee se dangada Ssuu! Go doo huaahenua ma de gau haimeedabu maolunga ne gaamai nei goe gi de au. Gai ni aha donu aau gu hai?”

John 18:30

Gilaadeu ne hai ange gi de ia, “Noo taane nei tee hai de baubau, gai gimaadeu tee gaamai donu ia gi de goe.”

John 18:22

De masavaa o Iesu ne basa ange ai bee nei, gai dahi dangada hagaloosi e duu laa i kilaa ga hagaili ia, ga hai ange, “Gu aha gu basa ange ai naa goe bee naa gi tangada haimeedabu maolunga?”

Luke 23:35

Aagai dangada ne tuu ga haaina ia, gai dagi o de gau Ssuu ga doo mee i de ia, ga hagataba, “Ia ne hagaola dangada ange laa; ia gi hagaola ina ia, noo go ia de Klisdo a de Maadua, de ia aana gu hili!”

Luke 23:1

Gai de hagabuulingaa dangada laa alodahi ga hulo ga dagi ia ga kave gi Pilate.

Matthew 27:2

Gai gilaadeu ne nnoa ia ga dagi ga kave gi daho de goobenaa go Pontius Pilate.

John 18:28

Gai boo taiao donu huu gai gilaadeu ga dagi mai Iesu i de hale o Caiaphas ga kave gi de Praetorium, go de hale o de goobenaa. Gai de gau Ssuu tee ulu gi lo te mommee laa, kana dee gilimalali naa gilaadeu ga dee maua i de gaimee i Taonga Hagasili.

Mark 15:1

Taiao age gai de gau haimeedabu maolunga ma denga dagi ma de gau sisi, aama de hagabuulinga hagasaele ne nnoa Iesu ga dagi ga kave ga gaavange gi Pilate.

Matthew 20:19

gai e gaavange naa ia gi denga Gentile gi doo mee i de ia ma de hagailiili aama de daudau ia i de laagau lui. Gai de hagadolu laangi naa huu gai ia gu mouli age.”

Matthew 22:6

gai gilaadeu ange laa ne booboo ono dangada hai hegau ga vaivai hai, ma de daa gilaadeu ga maakau.

Luke 18:33

Gai gilaadeu e hagailiili naa hogi ia ga daa ga magau. Gai de hagadolu laangi huu gai ia gu mouli age.”

John 18:32

(De mee nei ne hai e hagassula ai muna a Iesu gu tala ai laa dagodo o dono hai e magau ai.)