Luke 18:3 - De Beebaa Dabu

³ Gai e dahi hahine i de aduhale laa gu magau dono bodu, gai ia e aheahe mai ma e dangidangi ange gi taane laa, ga hai ange, ‘Hagamodu ina ogu muna i de heohi e hai baasi ange ai gi dogu hagadaumee.’

Luke 18:3 Referans Kwoze

Isaiah 1:17

gai agoagona de hai tanuaa! Hagaduu ngae saalaa de hagamodu heohi, balea ange gilaadeu e duasala. Balea ange denga gauligi gu deai olaadeu damana, buibuia denga haahine gu maakau olaadeu bodu.

Deuteronomy 27:19

“E malaia tangada e dee hai hegau i de heohi ange gi tangada henua gee, ma de gauligi gu deai sono damana, aama de hine gu magau dono bodu.” Gai dangada alodahi gi hai ange, “Amen!”

Jeremiah 5:28

gai gu pedi ma de malali olaadeu gili. E deai donu se tuu mai o alaadeu hegau baubau; gilaadeu e dee hagamodu muna o denga gauligi gu deai olaadeu damana i de heohi gai gilaadeu e dee tala hagadonu heohi o de gau hagaau aloha.

De Beebaa go Job 29:13

Gilaadeu gu hai ngadaa laa e hagamanuuia ngau, gai au ne hai ga malangilangi lodo o de hine gu magau dono bodu.

De Beebaa go Job 22:9

Koe tee bale ange denga haahine gu maakau olaadeu bodu, gai ne vaivai hai denga gauligi gu deai olaadeu damana.

Matthew 5:25

Hagamoolau hagaheloongoi ina ooluu magavaa ma doo hagadaumee, i de masavaa ooluu e seesee ai e hulo gi de mommee hagamodu muna, ana vakaa ga gaavange e ia goe gi de ia hagamodu muna, gai de ia hagamodu muna ga gaavange goe gi tangada hagaloosi, gai koe gu tili ange gi lo te hale pono.

Luke 18:2

Ia ne hai ange, “E dahi dangada hagamodu muna e noho i dahi aduhale. Ia e dee madagu i de Maadua aabe e hagadubu dahi dangada.

Luke 18:4

Gai ia tee bale ange de hine laa i dahi masavaa daulooloa, aagai muli mai huu gai ia ga hagadaba, ‘Au e dee madagu i de Maadua aabe e hagadubu dahi dangada daudahi,

Luke 18:5

aagai au e bale ange donu de hine nei gi dee aheahe mai ai ia gi hakoso.’ ”