Luke 18:13 - De Beebaa Dabu

¹³ Aagai taane e hagabudulia laa taagisese ne duu i dahi mommee mmao, gai ia tee galo age donu hogi gi de langi, gai ia ne hagailiili ono hadahada, ga hai ange, ‘De Maadua, degi mai gi de au, au se dangada e haisala!’

Luke 18:13 Referans Kwoze

Ezra 9:6

ga dalodalo, ga hai ange: “Dogu Maadua, au gu dogaa mmao i de dangage age luoogu mada e galo age gi de goe, go hiidinga omaadeu haisala gu maolunga ange i omaadeu biho, gai omaadeu sala gu tae age donu gi de langi.

1 Timothy 1:15

Muna nei ni muna abodonu gai e heohi taadeu daohi, bolo Klisdo Iesu ne humai gi henua i lalo e hagamouli ai de gau haisala, gai go au hugadoo e haisala i dangada alodahi.

Psalm 41:4

Au ne hagadaba, “Tagi Maolunga, abodonu mai gi de au; hagaieiangi ina ogu magi, go hiidinga au gu haisala adu gi de goe.”

Luke 23:48

Aagai dangada soa ne hagabuni mai laa e tilo mee gu hai laa, ga hagailiili olaadeu hadahada ga ahe gi olaadeu hale.

Hebrews 8:12

Au e degi ange naa gi olaadeu baubau, aagai au e dee ahe ange naa donu e manadua olaadeu haisala.”

Acts 2:37

De masavaa a dangada ne langona ai muna nei, gai gu velosia olaadeu lodo, gai gilaadeu ga hai ange gi Peter ma de gau tala ange laa, “Denga daina, ni aha ai amaadeu e hai?”

Hebrews 4:16

Deenei ai, gidaadeu gi lo taane i de loomai e hagapaa ange gi de nohoanga o de abodonu laa, gi maua ai e gidaadeu i de kave de abodonu ma tegi e bale mai ai gidaadeu i de masavaa odaadeu e duasala ai.

Romans 5:8

Aagai de Maadua ne hagaago mai dono aloha i gidaadeu i dana gaamai Klisdo gi magau i odaadeu hiidinga, i de masavaa odaadeu goi nnoho ai i lodo odaadeu haisala.

Luke 5:8

Aagai de masavaa huu a Simon Peter ne gidee ai mee laa, gai ia ga humai ga duuduli i gaogao luu vae o Iesu, ga hai ange, “De Ia Aamua, hano gee mai i ogu daha, au se dangada haisala!”

Isaiah 6:5

Gai au ne hagadaba, “Gu vakaa loo au! Au gu se dangada gu magau! Go hiidinga au se dangada baubau dogu ngudu, gai au e noho i magavaa o dangada e baubau olaadeu ngudu; go hiidinga luoogu mada gu gidee de Hodooligi, Tagi o denga hagabuulinga hebagi.”

Psalm 25:11

Tagi Maolunga, go hiidinga doo ingoo, degi mai gi ogu baubau, gai e lagolago mmao.

De Beebaa go Job 42:6

deenei ai, au gu kino i ogu dagodo, gai au gu dahuli ogu lodo ma gu noho i lodo lehu.”

2 Corinthians 7:11

Goodou kalo ange diiloo mee a taemaha bei dagodo de hagatau a de Maadua gu hai i oodou lodo: go llodo mmahi, ma doodou llodo e hagaheohi goodou, ma de llili, ma de maatagu, ma de llodo mmao e tilo au, ma doodou hai hegau hagammahi, aama de hai gi sula de hagamodu heohi. Gai goodou gu hagaago mai bolo goodou e dee haisala donu i de mee nei.

Psalm 25:7

Koe gi dee manadua ogu haisala ma ogu baubau i de masavaa oogu e dama daane ai. Tagi Maolunga, manadua mai au i doo lodo aloha, i hiidinga koe e danuaa!

Matthew 9:13

Goodou hulo haia gi iloo e goodou de hagadoonunga o muna a de Beebaa Dabu e hai ange laa, ‘Au e lodo i de degi, e dee go ssigidaumaha.’  Go hiidinga au tee humai e hagahi gilaadeu e heohi, aagai go gilaadeu e haisala.”

Ezekiel 16:63

Gai koe e manadua naa ma de dogaa; koe e dee ahe ange naa donu e tala hanu muna, i hiidinga doo dogaa, i dagu masavaa e hagaheohi ai au mee alodahi gu hai, go de Ia Aamua go Iahweh e hagadaba.’ ”

Isaiah 1:18

Loomai, gidaadeu ga hagamodu de mee nei, go Tagi Maolunga e hagadaba. E dee galemu naa donu de mmea oodou haisala bei scarlet, gai e hai naa ga tea bei denga snow; e dee galemu naa donu de mmea oodou haisala bei crimson, gai e hai naa ga tea bei huluhulu o ssiibi.

Luke 17:12

Gai de masavaa o Iesu ne ulu ai i dahi aduhale, gai ia gu gidee e dinoangahulu daane lebelaa e tuu i dahi mommee mmao,

Daniel 9:5

Gimaadeu gu haisala ma de baubau amaadeu mee ne hai, gimaadeu gu hai baasi adu donu gi de goe, gimaadeu gu hulo gee i au hainga ma au hagamodu.

Psalm 130:7

Israel, goodou tali hagalodolodo ange gi Tagi Maolunga! Go hiidinga Tagi Maolunga e abodonu mmao, gai ia e honu dana hagaola.

Psalm 119:41

Tagi Maolunga, abodonu mai gi de au, gai hagaola ina ngau bei dagodo o au muna,

Psalm 106:6

Gimaadeu gu haisala, bei hegau a omaadeu dubuna madagidagi; gimaadeu gu hai mee dee heohi, ma de hai de baubau.

Psalm 40:12

I hiidinga hai ngadaa lagolago gu duuli au; ogu baubau gu aahe mai donu gi de au, au gu dee maua i de galo ange e tilo. Ogu baubau gu lagolago ange i ngaangaaulu o dogu biho; gai au gu deai sagu tali.

2 Chronicles 33:23

Aagai ia tee bei dagodo o dono damana go Manasseh, ia tee hagamaolalo ono lodo i mada luu mada o Tagi Maolunga; ia ne hai ga kii ange de lagolago ono haisala.

2 Chronicles 33:19

Gai dana dalodalo, ma dagodo de basa ange o de Maadua gi dana dalodalo, ma ono haisala alodahi ma dono dee hai hegau i de muna abodonu, ma mommee aana ne hagatuu ai mommee daumaha ga hagatuu ai denga duludulu laagau o Asherah ma denga diinonga, i mua dana hagamaolalo ono lodo — mee nei gu sisi i lodo beebaa a dangada e daalaa mee e loomai.

2 Samuel 12:13

Gai David ne hai ange gi Nathan, “Au gu haisala ange gi Tagi Maolunga.” Nathan ne hai ange, “Tagi Maolunga gu degi adu gi oo haisala; koe e dee magau naa donu.

Isaiah 66:2

E aha, e dee go dogu lima ne haia mee nei alodahi, deenei ai, gu hanu mee nei alodahi? go Tagi Maolunga e hagadaba. Deenei tangada aagu e hagadubu: go tangada e lodo maolalo ma de dahuli abodonu ono lodo, ma de bolebole i dono madagu i agu muna.

Matthew 6:5

“Gai de masavaa naa huu oodou e dalodalo ai, aagai goodou gi dee ago ange i gilaadeu e daahangadia dangada! Gilaadeu e llodo e tuu e dalodalo i denga synagogue ma dege o denga haiava, gi gidee ai e dangada alaadeu hegau. Ni muna abodonu aagu e hai adu nei gi goodou, gilaadeu gu lava donu i de kave olaadeu hagaoanga.

Matthew 10:3

Philip ma Bartholomew, Thomas ma Matthew taane hagabudu taagisese, ma James tama daane a Alphaeus ma Thaddaeus;

Mark 11:25

Gai de masavaa naa huu oodou e tuu ai ga dalodalo, gai goodou degi ange gi mee a dahi dangada gu haisala adu ai gi goodou, gai doodou Damana i de langi laa e degi adu naa hogi gi oodou haisala. [

Luke 22:41

Aagai Iesu ga hano gee mai i olaadeu daha, agu made dono mmao e bei de mmao o de hadu a dahi e maga laa, aagai ia ga duuduli ga dalodalo,

Exodus 33:10

Gai de masavaa naa huu a dangada e gidee ai tuludulu hagausinga laa gu duu i ma te haitoga o de hale malo, gai gilaadeu alodahi ga hiihidi mai ga duuduli ga daumaha i gaogao haitoga o olaadeu hale malo.