Luke 18:1 - De Beebaa Dabu

¹ Iesu ne tala ange hogi dahi mee hagasengasenga gi ana dangada agoago, e hagammahi ange ai gilaadeu gi dalodalo i masavaa alodahi gai gi dee baageaa olaadeu lodo.

Luke 18:1 Referans Kwoze

Colossians 4:2

Goodou hagaduu ngae i talodalo, ma de dagitilo ga hagaahe ange de abodonu.

Romans 12:12

Goodou gi malangilangi i de tali hagalodolodo, ma de golomagi oodou lodo i doodou hagaduasala ina, gai dalodalo i masavaa alodahi.

1 Thessalonians 5:17

gai gi dee helui doodou dalodalo,

Philippians 4:6

Goodou gi dee manavasaa i dahi mee daudahi, aagai goodou dalodalo i mee alodahi ma de dangidangi i mee oodou e duasala ai, ma de hagaahe ange de abodonu, ga hai gi iloo e de Maadua oodou mee e duasala ai.

Ephesians 6:18

Goodou dalodalo ma de dangidangi i ssauaa o de Hagasaalunga i masavaa alodahi. Gai goodou dagitilo i masavaa alodahi, ma de dalodalo i dangada alodahi o de Maadua.

Jeremiah 29:12

Gai goodou e hagahi mai naa au ma de dalodalo mai gi de au, gai au ga hagallongo oodou dalodalo.

Luke 21:36

Aagai goodou dagitilo ma de dalodalo i masavaa alodahi gi mmahi ai goodou i de saavini e hulo gee i mee alodahi e loomai, ma de tuu i mada luu mada o Tama a Tangada.”

Galatians 6:9

Gidaadeu gi dee llodo baageaa i de hai tanuaa: go hiidinga gidaadeu e hagihagi naa donu hua o adaadeu hegau i de masavaa heohi, noo e dee duugia odaadeu lodo.

Psalm 86:3

Dogu Ia Aamua, abodonu mai gi de au, i hiidinga au e dangi adu i taiao ga boo ai.

Psalm 102:17

Ia e basa ange naa gi dalodalo a de gau hagaau aloha, gai ia e dee hagangadi mee alaadeu dangidangi.

2 Corinthians 4:1

Deenei ai, gimaadeu e dee baageaa omaadeu lodo, i demaadeu hai tuuhanga hegau nei i de abodonu o de Maadua.

Colossians 4:12

Epaphras se dangada mai i oodou daha, gai se dangada hai hegau niio Klisdo Iesu, e gaavadu hogi dana hagaboo. Ia e kona de hagammahi ma e dalodalo i goodou, gi maua e goodou i de tuu gi makaga, ma de maatua abodonu i lodo hagatau a de Maadua.

Jonah 2:7

Dogu masavaa ne dai magau ai, gai au gu manadua goe, Tagi Maolunga. Au ne dalodalo adu gi de goe i doo temple dabu.

Psalm 65:2

Koe, de ia e hagalaangona amaadeu dalodalo, dangada alodahi gi loomai gi de goe.

Psalm 27:13

Au e hagadonusia bolo au e gidee naa donu de abodonu o Tagi Maolunga i dogu mouli i henua i lalo nei!

Isaiah 40:31

aagai gilaadeu e haia Tagi Maolunga go delaadeu tali hagalodolodo e mahi loa. Gilaadeu e hagamaalanga age naa i bakau bei dagodo o denga igele; gilaadeu e saavini gai e dee daalea, gilaadeu e seesee gai e dee baageaa.

Isaiah 62:7

gai gi dee dugua ange ia gi hagamabu ga dae ai gi dana hagaahe age Jerusalem, ma de hai gi se mommee e tuhi hagadanuaa i henua i lalo.

1 Samuel 1:12

Gai de masavaa o Hannah e noho ai ma de dalodalo i mada luu mada o Tagi Maolunga, gai Eli e haaina adu dono ngudu.

Luke 11:10

Gai tangada e dangidangi e maua naa ana mee, tangada e saalaa e gidee ana mee, gai tangada e dugidugi e hhuge ange donu gi de ia.