Luke 17:6 - De Beebaa Dabu

⁶ Gai Tagi Maolunga ne hai ange, “Gai ga vaaligiligi naa donu oodou kai bei de golee o de mustard, gai goodou e maua i de hai ange gi de manu somo go de mulberry, ‘Ngalue gee mai i doo duulanga ga tili gi de moana,’ gai e hai naa donu ga bei oodou muna.

Luke 17:6 Referans Kwoze

Matthew 17:20

Ia ne hai ange gi gilaadeu, “Go hiidinga de kona de vaaligiligi oodou kai. Ni muna abodonu aagu e hai adu nei gi goodou, noo oodou kai e vaaligiligi bei de golee o de mustard, gai goodou e maua i de hai ange gi de mounga nei, ‘Ngalue gee mai i kinei hannoo gi kilaa!’, gai e ngalue donu. E deai donu se mee daudahi oodou e dee maua i de hai! [

Matthew 21:21

Iesu ne hai ange gi gilaadeu, “Ni muna abodonu aagu e hai adu nei gi goodou, noo goodou e hagadonusia, e dee llodo lagolago, gai goodou e maua donu i de hai hegau ne hai ange nei gi de fig, aagai noo goodou e hai ange hogi gi de mounga nei, ‘Malanga age dilia ange goe gi lo te moana,’ gai e hai naa donu ga bei oodou muna.

Mark 9:23

Iesu ne hai ange gi de ia, “ ‘Noo koe e maua,’ — mee alodahi e maua donu i de hai ange gi tangada e hagadonusia.”

Luke 13:19

E bei dagodo o de golee o de mustard a dahi dangada ne kave laa ga doo i dana veelenga. Gai de manu laa gu somo ga laumalie, aagai denga manu llele ga loomai ga hai olaadeu hoohanga i honga ono laa.”

1 Corinthians 13:2

Gai noo au e maua i de basa pelaabisi, ma de donu ange gi mee alodahi e dee iloo laa, ma de kave de iloo mee alodahi, gai noo e dahi ogu gai e hagangaalue ai denga mounga, aagai e deai se aloha i ogu daha, gai au se ngadi mee donu.

Luke 19:4

Gai ia ne savini ga hano i mua ga gage i dahi sycamore e tilo ai Iesu, i hiidinga ia e humai laa kilaa.

Mark 4:31

E bei dagodo o de golee o de mustard e doo ange laa gi lo te gelegele, gai e damaa mee ange i denga golee i honga de gelegele.

Luke 7:13

Gai de masavaa huu a Tagi Maolunga ne gidee ai de hine laa, gai ia gu lodo aloha i de ia, gai ia ga hai ange gi de ia, “Aude dangi.”

Luke 7:19

ga hai gilaau gi hulo gi siilia ange gi Iesu, gi hai ange, “Go koe de ia gu tala laa bolo e humai, aabe gimaadeu e tali ange dahi dangada gee?”

Luke 17:7

“Goai de goodou e dahi laa ono dangada hai hegau e hai hegau i dana veelenga, aabe e hagaloosia ange au ssiibi, gai koe e hai ange gi de ia i de masavaa oona e ahe mai ai i de veelenga, ‘Humai noho gaimee i mua’?

Matthew 14:29

Iesu ne hai ange, “Humai!” Gai Peter ga iho mai i de boose ga seesee i honga de vai e hano gi daho Iesu.