Luke 17:26 - De Beebaa Dabu

²⁶ Gai laangi o Tama a Tangada e bei naa dagodo o de masavaa o Noah.

Luke 17:26 Referans Kwoze

2 Peter 2:5

gai noo ia tee hagaola henua i lalo madagidagi, i de masavaa aana ne gaamai ai tolona gi honga o dangada tee haia lodo o de Maadua, aagai ne hagaola donu huu Noah, de ia ne agoagona dagodo o de heohi, madali e dogohidu ange dangada;

Luke 17:24

Tama a Tangada e humai naa i de laangi laa, bei dagodo o de uila e laba mai laa i dahi luu bido o de langi, ga hano ga dae gi de bido ange laa.

Hebrews 11:7

De gai o Noah, i de masavaa a Maadua ne hagakana ange ai ia, i dagodo o mee tigi gidee, ne hai ga maua e ia i de hagaduu dahi vaga hale ga hagamouli ai dono huaabodu, i hiidinga dono madagu. Dono gai ne hagabaubau henua i lalo, gai ia gu hagabinga hogi bolo se daane heohi i dono gai.

Luke 17:22

Gai ia ne hai ange gi ana dangada agoago, “E tae mai naa laangi oodou e llodo ai gi gidee e goodou dahi laangi o Tama a Tangada, gai goodou e dee maua gi gidee.

2 Peter 3:6

Gai go vai nei hogi ne oha ai henua i lalo i de masavaa laa.

Genesis 6:5

Gai Tagi Maolunga gu gidee bolo gu kona mmao de baubau o dangada i henua i lalo, gai alaadeu dahulinga ma maanadu i olaadeu lodo i masavaa alodahi go de baubau donu huu.

Genesis 6:7

Gai Tagi Maolunga ga hagadaba, “Au e hai naa gi odi i de maakau dangada aagu ne hai laa i de gelegele; go dangada alodahi ma manu dolodolo, ma manu e tolo i honga de gelegele, aama denga manu llele i lo te moana i lunga, i hiidinga au gu sivi i dagu hai gilaadeu.”

Luke 18:8

Au e hai adu gi goodou, e deai, ia e hagamoolau naa donu ga bale ange gilaadeu. Gai e aha, e maua naa e Tama a Tangada i de gidee hanu e kai i henua i lalo, i dono masavaa e ahe mai ai?”

Genesis 6:8

Aagai Tagi Maolunga ne malangilangi i Noah.

Isaiah 22:13

Aagai tilo, goodou e daonga i de malangilangi ma de hagalongaa, goodou e daa naa denga kaau ma ssiibi ga gai ma de unu uvaini. Goodou e hagataba, “Gidaadeu ga gaimee ma de unu uvaini, go hiidinga daiao gai gidaadeu e maakau!”

Luke 17:7

“Goai de goodou e dahi laa ono dangada hai hegau e hai hegau i dana veelenga, aabe e hagaloosia ange au ssiibi, gai koe e hai ange gi de ia i de masavaa oona e ahe mai ai i de veelenga, ‘Humai noho gaimee i mua’?

Luke 17:27

Dangada ne gaimee ma de unu, gai gilaadeu ne hai bodu aama de gaavange gi hai bodu, ga dae ai gi de laangi o Noah ne ulu ai i de vaga hale, gai tolona ga humai ga daa gilaadeu alodahi gu maakau.