Luke 15:31 - De Beebaa Dabu

³¹ Gai dono damana ga hai ange gi de ia, ‘Dagu dama, koe e noho i ogu daha i masavaa alodahi, gai agu mee alodahi niiau.

Luke 15:31 Referans Kwoze

Romans 9:4

Gilaadeu go dangada o Israel, gai go gilaadeu donu denga dama daohi a de Maadua, go gilaadeu ne gaavange aagena de mahamaha, ma de hagatoo donu hagaheloongoi, ma de hainga a Moses, ma de hai daumaha heohi, aama denga hagatoo donu.

Romans 11:1

Gai au e ssili adu hogi: de Maadua gu tili laa donu ono dangada? E dee maua donu! Go hiidinga au donu se dangada Israel, go dahi hagadiilinga o Abraham, mai i de aamuli o Benjamin.

Romans 11:35

Gai goai ne gaavange dahi mee gi de Maadua, gai ia ga hagao ange ai ia?”

Luke 15:30

Gai ga humai donu huu dau dama daane ne gaavee naa au mee ga hai moumou i daho denga haahine hai be se manu, gai koe ga daa ange gi de ia de kaau gauligi gu haangai laa ma gu bedi!’

Luke 15:32

Gai e danuaa taadeu gaimee ga lodo danuaa ma de malangilangi, go hiidinga doo daina daane gu magau, aagai gu mouli age ange hogi; ia gu dee maleva, gai gu gidee ange hogi.’ ”

John 8:35

Tangada hai hegau e dee ilaage e dee se dangada donu de huaabodu, gai tama se dangada donu de huaabodu ga hano ai.