Luke 12:23 - De Beebaa Dabu

²³ De mouli o tangada e hagamogomogo ange i denga gai, gai de angaanga e hagamogomogo ange i mee e kahu ai.

Luke 12:23 Referans Kwoze

De Beebaa go Job 2:6

Gai Tagi Maolunga ga hai ange gi Satan, “Tilo, au gu dugu adu ia gi lalo doo sauaa, aagai koe aude gaavee dono mouli.”

Proverbs 13:8

De lava o dahi dangada e maua i de hagaola dono mouli, aagai e deai donu dangada e hagamadagu ina tangada hagaau aloha.

De Beebaa go Job 2:4

Satan ne hai ange gi Tagi Maolunga, “De gili e sui ai de gili! Tangada e gaavange ana mee alodahi e hagao ai dono mouli.

De Beebaa go Job 1:12

Gai Tagi Maolunga ga hai ange gi Satan, “Au e gaavadu gi de goe ssauaa e hai ai be ni aha aau e lodo e hai ange gi ana mee alodahi. Gai koe e dee maua i de poo ange gi dono angaanga.” Gai Satan ga hano gee ai loo i mada luu mada o Tagi Maolunga.

Genesis 19:17

Gai ga lava huu i delaau kave gilaadeu gi tua de aduhale, gai dahi gilaau ga hai ange, “Goodou saavini hulo gee gi ola ai goodou! Gai goodou e dee kalo dua donu aabe e nnoho i de mommee e soe! Gai saavini hulo gi denga mounga kana maakau goodou.”

Acts 27:38

Gai ga boobosu huu gilaadeu, gai gilaadeu ga tili denga grain gi honga tai e hagamaamaane ai de vaga.

Luke 12:22

Iesu ne hai ange gi ana dangada agoago, “Deenei ai, au e hai adu gi goodou, goodou aude manavasaa i oodou mouli, ma oodou mee e gai, aabe gi manavasaa i oodou angaanga, i mee oodou e kahu ai.

Luke 12:24

Goodou kalo ange diiloo denga raven: gilaadeu e dee doo, be hagihagi; e deai hogi olaadeu hale doange aabe ni mommee doange gai; gai de Maadua e haangai ange gilaadeu. Gai goodou e hagamogomogo ange i denga raven!