Luke 12:18 - De Beebaa Dabu

¹⁸ Gai ia ga hagadaba, ‘Deenei dagu mee e hai: au e oha naa ogu hale doange gai, gai au ga hagatuu age hanu gi kii ange de nnui, gai au ga doange ai agu huamanu aama agu mee alodahi.

Luke 12:18 Referans Kwoze

James 3:15

De iloo mee nei e dee se mee ne hano iho i de langi, aagai se mee mai i henua i lalo, ma mai i daho dangada aama i daho Satan.

James 4:15

Aagai goodou hagataba, “Noo e heohi mai i daho Tagi Maolunga, gai gimaadeu e mouli naa ga hai dahi mee ma dahi mee.”

Luke 18:6

Gai Tagi Maolunga ga hai ange, “Goodou hagalaangona muna a tangada hagamodu muna baubau laa.

Luke 12:21

E bei ai hogi dagodo o tangada e hagabudu ina laa ga doange goloa lagolago, gai e dee lava i mee o de Maadua.”

Luke 18:4

Gai ia tee bale ange de hine laa i dahi masavaa daulooloa, aagai muli mai huu gai ia ga hagadaba, ‘Au e dee madagu i de Maadua aabe e hagadubu dahi dangada daudahi,

Psalm 17:14

Tagi Maolunga, hagaola ina ngau mai i de gau bee nei, ma mai i dangada o henua i lalo nei, go gilaadeu e kave olaadeu hagaoanga i de mouli nei. Gai koe gaavange gi gilaadeu de hagaduasala aau gu hagadabena ange gi gilaadeu; alaadeu dama e duadonu, gai gilaadeu e dugu ange olaadeu goloa lagolago gi alaadeu dama.

Matthew 6:26

Goodou kalo ange diiloo denga manu llele: gilaadeu e dee doo, be hagihagi, aabe hagabudu alaadeu gai i mommee doange; aagai doodou Damana i de langi laa e haangai ange gilaadeu. Gai goodou e kii ange donu i de hagamogomogo i denga manu nei.

Luke 12:17

Gai taane laa ne hagadaba i ono lodo, ‘Ni aha aagu ga hai, go hiidinga gu deai donu se mommee e doange ai agu huamanu?’

Luke 12:19

Gai au ga basa iho donu huu gi de au, ga hai mai, “Gu lagolago mee ne doange e mouli ai goe i ngadau lagolago e loomai; koe gi noho baba, gaimee ma de unu ma de malangilangi.” ’

Luke 12:24

Goodou kalo ange diiloo denga raven: gilaadeu e dee doo, be hagihagi; e deai hogi olaadeu hale doange aabe ni mommee doange gai; gai de Maadua e haangai ange gilaadeu. Gai goodou e hagamogomogo ange i denga raven!

James 4:13

Nnoho mai hagalaangona agu muna, goodou e hagataba laa, “Ailaa nei aabe go daiao gai gimaadeu e hulo naa gi dahi aduhale ga nnoho ai i e dahi ngadau, ga hagao mee ai gi maua ai mee lagolago.”