Luke 12:17 - De Beebaa Dabu

¹⁷ Gai taane laa ne hagadaba i ono lodo, ‘Ni aha aagu ga hai, go hiidinga gu deai donu se mommee e doange ai agu huamanu?’

Luke 12:17 Referans Kwoze

Matthew 5:42

Gai koe gaavange gi tangada e dangidangi adu gi de goe i dahi mee, aude daohia au mee i tangada e lodo laa e hai hegau ai.

Isaiah 58:7

E aha, e dee go dau duha ange au gai gi gilaadeu e hiikai, ma de gaavange dahi mommee moo tangada e deai sono hale — ma de hakahu tangada e deai ono malo, i de masavaa aau e gidee ai dono gilisau, gai koe e dee hano e mmuni e dee bale ange doo dangada donu?

1 John 3:16

Gai deenei taadeu hai e iloo ai dagodo o de aloha abodonu: Iesu Klisdo ne gaavange dono mouli i odaadeu hiidinga. Gai gidaadeu gi gaavange hogi odaadeu mouli i hiidinga odaadeu daina.

Romans 12:13

Goodou bale ange dangada o de Maadua gu duasala laa; goodou abodonu ange gi dangada.

Acts 16:30

gai ia ga hagassao mai gilaau gi duaahaho, ga ssili ange, “Luu daane nei, se aha aagu e hai gi hagamouli ai au?”

Luke 19:17

Ia ne hai ange gi de ia, ‘E danuaa, koe se dangada hai hegau danuaa. Go hiidinga koe e kana ange gi de mee damaa mee, au e hai goe gi dagina e madaangahulu aduhale.’

Luke 18:22

Gai ga langona huu e Iesu ana muna, gai ia ga hai ange gi de ia, “E dahi donu huu mee tigi dohu i oo daha: hannoo hagao ina gi daha oo goloa alodahi gaavange sseene gi de gau hagaau aloha, gi hanu ai au mee i de langi. Gai koe ga humai ga daudali mai i de au.”

Luke 16:9

Au e hai adu gi goodou, hagahai hegau ina de lava o henua i lalo gi hanu oodou soa. Gai de masavaa naa huu e odi ai mee nei, gai gilaadeu ga abodonu adu gi de goe i de mouli e humai nei.

1 Timothy 6:17

Aagai koe daalaa ange gi de gau lava o henua i lalo, gilaadeu gi dee llodo maolunga aabe gi tali hagalodolodo ange gi de lava e dee maua laa gi dagodo daulooloa, aagai gi haia go de Maadua delaadeu tali hagalodolodo, go de ia e gaamai mee alodahi odaadeu e mouli ai ma de malangilangi ai.

Acts 2:37

De masavaa a dangada ne langona ai muna nei, gai gu velosia olaadeu lodo, gai gilaadeu ga hai ange gi Peter ma de gau tala ange laa, “Denga daina, ni aha ai amaadeu e hai?”

Luke 16:3

Gai tangada hai hegau laa ne maanadu i ono lodo, ‘Dogu dangada aamua ga kave gee nei dagu hegau. Au e dee maua i de geli, gai au e dogaa i de dangidangi i de bale! Aagai ni aha ai naa aagu e hai?

Luke 12:33

Hagao ina oodou goloa gi daha, ga gaavange sseene gi de gau hagaau aloha. Haia gi hanu oodou mee hhao sseene e dee maua laa gi pobo, go goloa hagamogomogo i de langi e dee maua laa gi odi, go de mommee a tangada gaiaa e dee humai aagena gai de goa e dee maua i de oohaa.

Luke 12:29

Gai goodou gi dee saalaa donu oodou mee e gai ma de unu, aabe gi manavasaa oodou lodo i mee nei.

Luke 12:22

Iesu ne hai ange gi ana dangada agoago, “Deenei ai, au e hai adu gi goodou, goodou aude manavasaa i oodou mouli, ma oodou mee e gai, aabe gi manavasaa i oodou angaanga, i mee oodou e kahu ai.

Luke 11:41

Aagai goodou ngadi gaavange mee i lodo oodou ubu gi de gau hagaau aloha, gai tilo, mee alodahi e odi naa i de gilimalali adu gi goodou.

Luke 10:25

Dahi dangada agoago o de hainga ne duu age hogi ga hagatale Iesu ga ssili ange, “Tangada Agoago, se aha aagu e hai gi maua ai e au de mouli e dee ngado mai?”

Luke 3:11

John ne hai ange gi gilaadeu, “Be goai e lua ono malo gahu gai ia gi gaavange dahi gi tangada e deai sono malo. Gai be goai e hanu ana gai, gai ia gi gaavange hogi hanu gi tangada e deai ana gai.”

Ecclesiastes 11:2

Duuhaa ange gai gi e dogohidu aabe e dogovalu dangada, go hiidinga koe e dee iloo be se hai ngadaa bee hee e humai gi honga de henua.

Matthew 16:7

Gai gilaadeu ne pasa i olaadeu magavaa ga hagataba, “Go hiidinga gidaadeu ne ngalo i de gaamai hanu pelaoaa.”

Luke 12:16

Iesu ne tala ange hogi gi dangada dahi mee hagasengasenga, ga hai ange, “De alahenua o dahi daane lava ne lagolago mmao huamanu ne hagihagi ai.

Luke 12:18

Gai ia ga hagadaba, ‘Deenei dagu mee e hai: au e oha naa ogu hale doange gai, gai au ga hagatuu age hanu gi kii ange de nnui, gai au ga doange ai agu huamanu aama agu mee alodahi.