Luke 11:9 - De Beebaa Dabu

⁹ Gai au e hai adu gi goodou: dangidangi gai e gaavadu naa donu gi goodou; saalaa gai goodou ga gidee; dugidugi gai e hhuge adu naa donu gi goodou.

Luke 11:9 Referans Kwoze

Mark 11:24

Deenei ai, au e hai adu gi goodou, be se aha naa huu oodou e dangidangi ai i talodalo, ga hagadonu bolo e maua donu, aagai e gaavadu donu gi goodou.

Matthew 21:22

Gai be se aha naa huu oodou e dangidangi ai i talodalo, gai e gaavadu donu gi goodou, noo goodou e hagadonusia.”

John 15:16

E dee go goodou ne hilia nei au, aagai go au ne hilia goodou ga hagadabu, ga hai goodou gi hulo gi haia gi lagolago oodou hua, gai oodou hua gi daakodo ga hano ai. Gai be se aha naa huu oodou e dangidangi ange ai gi Tamana i dogu ingoo, gai ia e gaavadu donu gi goodou.

John 15:7

Noo goodou e nnoho i ogu lodo, gai agu muna e daakodo i oodou lodo, gai be se aha naa huu oodou e dangidangi mai ai, gai e gaavadu donu gi goodou.

John 14:13

Gai be se aha naa huu oodou e dangidangi ai i dogu ingoo, gai au e hai naa donu gi bei, gai Tama ga hagamahamaha ai Tamana.

1 John 3:22

gai e maua mee alodahi odaadeu e dangidangi ai, go hiidinga gidaadeu e daohi ana muna, ma de hai ono mee e malangilangi ai.

James 1:5

Gai noo dahi goodou e deai sono heiangi, gai ia gi dangidangi ange gi de Maadua, de ia e abodonu ange laa gi dangada i mee alodahi, gai ia e dee hagasee donu ia, gai e gaavadu naa donu gi de goe.

Psalm 118:5

Au ne hagahi Tagi Maolunga i dogu duasala, gai ia ne basa mai gi dagu dalodalo, ga hai gi ilaage au.

Jeremiah 29:12

Gai goodou e hagahi mai naa au ma de dalodalo mai gi de au, gai au ga hagallongo oodou dalodalo.

Hebrews 11:6

Noo e deai se gai, aagai e dee maua donu i de hagamalangilangi de Maadua, go hiidinga tangada e humai gi de Maadua, gi hagadonusia bolo e dahi donu Maadua, gai ia e hagao ange gilaadeu e hagaduu ngae e saalaa ia.

James 5:15

Gai talodalo e hai i de gai e hagaieiangi donu tangada magi; gai Tagi Maolunga e hagaieiangi donu ia. Gai noo ia gu haisala, aagai ono haisala gu maatala.

Jeremiah 33:3

Dangidangi mai gi de au gai au ga basa adu, ma de tala adu gi de goe dagodo o mee e hagammuni gai e dee iloo.

Psalm 34:10

Denga laiono mmahi e duasala ma de hiikai; aagai gilaadeu e saalaa Tagi Maolunga e dee duasala donu i dahi mee daudahi.

Hebrews 4:16

Deenei ai, gidaadeu gi lo taane i de loomai e hagapaa ange gi de nohoanga o de abodonu laa, gi maua ai e gidaadeu i de kave de abodonu ma tegi e bale mai ai gidaadeu i de masavaa odaadeu e duasala ai.

Psalm 50:15

ma de hagahi mai au i de masavaa o de hai ngadaa gai au ga hagaola ai goe, gai koe ga hagamahamaha ai au.” Selah

Psalm 34:4

Au ne ssala Tagi Maolunga, gai ia ne basa mai gi de au; ia ne hagaola mai au i mee alodahi oogu e madagu ai.

John 4:10

Iesu ne hai ange gi de ia, “Noo koe e iloo de mee ngadi gaavange a de Maadua, gai goai e hai adu nei gi de goe, ‘Au e unu,’ gai koe e maua i de dangidangi ange gi de ia, gai ia e maua i de gaavadu gi de goe vai o de mouli.”

Psalm 27:8

Koe gu hai mai, “Saalaa gi gidee e goodou luoogu mada!” Ogu lodo e hai adu gi de goe, “Tagi Maolunga, au e ssala donu gi gidee e au luoo mada!”

Matthew 6:29

gai au e hai adu gi goodou, Solomon ma dono mahamaha alodahi tee gahu hagadanuaa donu bei denga manu nei.

2 Corinthians 6:2

Gai ia e hagadaba, “Au ne hagallongo dau dangidangi i de masavaa heohi, gai au ne bale adu goe i de laangi o de hagamouli.” Tilo, de masavaa heohi go iainei; tilo, go iainei donu de laangi hagamouli.

Mark 13:37

Agu muna gu tala adu gi goodou e tala ange hogi gi dangada alodahi: goodou dagitilo!”

Romans 2:7

gilaadeu ne duudagi de hai mee danuaa gi maua ai e gilaadeu de tuhi, ma de hagadubu, aama de angaanga e dee magau laa, gai ia ga gaavange ai gi gilaadeu de mouli e dee ngado mai.

Psalm 27:4

E dahi mee aagu e dangidangi ange ai gi Tagi Maolunga, gai deenei dagu mee e ssala: go dogu noho i lo te hale o Tagi Maolunga i taulooloa dogu mouli, e daumada ai de mahamaha o Tagi Maolunga ma de ssili i ono daha i lo tono temple.

Daniel 9:3

Gai au ne hagammahi ga dalodalo ange gi de Ia Aamua go de Maadua; au ne dangidangi ma de dalodalo, ga hagahiigai ma de gahu i malo daladala aama de hulu i lehu.

Matthew 21:31

Goai de gilaau ne haia lodo o dono damana?” Gilaadeu ne hai ange, “Go tama madua.” Iesu ne hai ange gi gilaadeu, “Ni muna abodonu aagu e hai adu nei gi goodou, de gau hagabudu taagisese ma denga haahine hai be ni manu, e ulu i de nohoanga hodooligi o de langi i oodou mada i mua.

Isaiah 45:19

Au tee tala hagammuni mee nei aabe ne tala i lo te gohu; au tee hai ange gi hagadiilinga o Jacob, ‘Saalaa au i dahi ngadi mommee.’ Go au Iahweh, au e tala de muna abodonu; au e tala de mee heohi.

Revelation 2:24

Aagai au e hai adu gi goodou dangada o Thyatira ange laa, go goodou tee daohia laa agoago nei, gai tee agoago i mee a hanu e hagabinga laa bolo go aagonga i lalo a Satan: e deai ange donu agu mee e hagauda adu e hagadaemaha ai goodou;

Song of Songs 5:6

Au ne hhuge ange de abaaba gi dogu dau soa, aagai ia gu huli ma gu hano. Gu deai ogu mahi i dagu langona dono leo. Au ne ssala ia, aagai au tee gidee ia; au ne hagaagahi ia, aagai ia tee basa mai.

Luke 11:10

Gai tangada e dangidangi e maua naa ana mee, tangada e saalaa e gidee ana mee, gai tangada e dugidugi e hhuge ange donu gi de ia.