Luke 11:49 - De Beebaa Dabu

⁴⁹ Deenei ai, de Maadua e hagadaba i dono heiangi, ‘Au e hai naa gi hulo gi olaadeu daha denga pelaabisi ma gau tala, gai gilaadeu e daa naa hanu ga maakau gai ga vaivai hai hanu.’

Luke 11:49 Referans Kwoze

1 Corinthians 1:30

Go ia oodou e mouli ai i lodo o Klisdo Iesu, go ia taadeu heiangi mai i daho de Maadua, go ia taadeu hagaheohi, go ia taadeu hagadabu, gai go ia taadeu hagaola.

Colossians 2:3

Gai go ono daha adaadeu e gide ai de heiangi aama de iloo mee alodahi.

Ephesians 4:11

Gai ia ne hai hanu gi ni dangada tala, hanu ni pelaabisi, hanu ni dangada e hagadele ina de longo danuaa, hanu ni dangada agoago taumaha, gai hanu ni dangada agoago,

1 Corinthians 1:24

Gai ange gi de gau Ssuu ma de gau Greek a de Maadua gu hagahi laa, Klisdo go ssauaa ma de heiangi donu o de Maadua.

Acts 22:20

Gai de masavaa a doo dangada tala hagadonu go Stephen ne daia ai ga magau, gai au ne duu hogi i kilaa ma de buni ange gi de hegau laa, gai go au ne diiloo ange malo o dangada ne daia ia ga magau.’

Acts 8:3

Gai a Saul ne daamada de oha de nohoanga dabu. Ia ne hagadaga i hale alodahi ga dada mai denga daane ma haahine ga tili ange gi lo te hale pono.

Acts 7:57

Aagai dangada ga hevaalogi ma de pono olaadeu dalinga ga saavini mai ga poo ia.

Acts 1:8

Aagai goodou e kave naa ssauaa i dua de hano iho o de Hagasaalunga Dabu gi oodou elunga; gai goodou e hai naa ga ni dangada e daalaa hagadonu ogu dagodo i Jerusalem, ma Judea alodahi, aama Samaria, ga dae ai loo gi de bido laa o henua i lalo.”

John 16:2

Dangada e hai naa goodou gi dee ulu i olaadeu synagogue, gai e dae mai naa donu de masavaa a tangada e daia goodou ga maakau, e maanadu ai bolo ia e hai lodo o de Maadua.

Luke 24:47

gai de dahuli o de lodo ma de degi ange gi haisala, e agoago ange naa gi denga huaahenua alodahi i dono ingoo, gai e daamada mai i Jerusalem.

Matthew 22:6

gai gilaadeu ange laa ne booboo ono dangada hai hegau ga vaivai hai, ma de daa gilaadeu ga maakau.

Jeremiah 7:25

Mai i de masavaa o oodou dubuna madagidagi ne ssao mai ai i Egypt ga dae mai ai gi anailaa nei, gai tee modu dagu hai gi loomai ogu dangada hai hegau go denga pelaabisi gi olaadeu daha.

Luke 11:48

Gai goodou e tala hagadonu ma de hagabuni ange gi hegau a oodou dubuna madagidagi ne hai; gilaadeu ne daa ga maakau denga pelaabisi, gai goodou ne hagatuu olaadeu daanunga.

Acts 11:27

Laangi laa gai hanu pelaabisi ne loomai i Jerusalem gi Antioch.

Revelation 16:6

Go hiidinga dangada gu daa oo dangada dabu aama denga pelaabisi, gai koe gu hai gilaadeu gi unumia dodo, gai e heohi donu delaadeu hagaduasala i mee nei.”

Revelation 18:20

De langi, ma goodou dangada o de Maadua, ma de gau tala, aama denga pelaabisi, goodou malangilangi i dagodo o de aduhale laa! Go hiidinga de Maadua gu hagaduasala de aduhale laa i dana hagaduasala goodou!