Luke 11:4 - De Beebaa Dabu

⁴ Gai daalaa omaadeu haisala, bei demaadeu tala haisala olaadeu e haisala mai gi gimaadeu. Gai gi dee dagina ange gimaadeu gi de hagatale.’ ”

Luke 11:4 Referans Kwoze

Matthew 26:41

Goodou dagitilo ma de dalodalo, gi dee tuu ange ai goodou gi de hagatale; de hagasaalunga e lodo mmao, aagai de angaanga gu baageaa.”

Colossians 3:13

Goodou gi hagadau golomagi ina oodou lodo, ma de hagadau degi ange gi haisala o dahi ma dahi, bei de hai a Tagi Maolunga ne degi adu ai laa gi oodou haisala.

Matthew 18:35

Aanei hogi hegau a dogu Damana i de langi e hai adu gi goodou, noo goodou e dee degi ange gi haisala o oodou daina i oodou lodo.”

James 2:13

Go hiidinga de Maadua e dee degi ange donu gi tangada e dee degi ange laa gi dangada i de masavaa hagamodu muna; aagai tegi e kii i de hagamodu muna.

2 Timothy 4:18

Gai Tagi Maolunga e hagaola naa donu au mai i denga hegau baubau alodahi, ma de hagaola au ga kave gi dono nohoanga hodooligi i de langi. Gai hagamahamaha ina ia ga hano ai e dee ngado mai. Amen.

2 Thessalonians 3:3

Aagai Tagi Maolunga e hai hegau i de mee abodonu, gai ia ga hagammahi adu ai goodou ma de buibui goodou i de ia baubau laa.

1 Corinthians 10:13

E deai donu se hagatale daudahi gu hai adu gi goodou tigi hai ange hogi gi dangada alodahi. Gai de Maadua e hai hegau i de mee abodonu; ia e dee hagatale goodou gi kii ange i oodou mee e mau i de hagauda. Gai de masavaa naa huu oodou e tuu ange ai gi de hagatale, gai ia e hai hogi dahi haiava e hagaola ai goodou, gi maua ai e goodou i de hagauda i de lodo mmahi.

John 17:15

Au e dee dangidangi adu koe gi gaavee gee gilaadeu i henua i lalo, aagai gi buibuia gilaadeu mai i de ia baubau laa.

Luke 22:46

Aagai ia ga hai ange gi gilaadeu, “Gu aha gu sseni ai naa goodou? Goodou hiihidi age dalodalo gi dee too ange ai goodou gi lo te hagatale.”

Luke 8:13

Aagai golee ne too ange laa gi de mommee haduhadua, go dangada e malangilangi laa i de kave muna a de Maadua, i de masavaa alaadeu ne langona ai, aagai e deai olaadeu aga. Gilaadeu ne hagadonusia i dahi damaa masavaa, aagai de masavaa huu o denga hagatale, gai gilaadeu gu aahe dua.

Hosea 14:2

Goodou gaavee muna nei madali goodou gai aahe mai gi Tagi Maolunga, ga hai ange gi de ia: “Degi mai gi omaadeu baubau alodahi, ma de abodonu mai gi gimaadeu i doo lodo aloha, gai gimaadeu ga tuhi goe i omaadeu ngudu bei demaadeu hai gu hagatoo donu ai.

Daniel 9:19

De Ia Aamua, hagalaangona! De Ia Aamua, degi mai gi gimaadeu! De Ia Aamua, hagalaangona mage hagasula ina de hegau! Dogu Maadua, aude hagammule, i hiidinga o doo aduhale, ma oo dangada e hagaingoo laa i doo ingoo.”

Psalm 25:18

Anga mai diiloo dogu duasala ma dogu hai ngadaa, gai degi mai gi ogu haisala alodahi.

Revelation 3:10

Koe ne daohi agu muna i doo hagaduu ngae ga golomagi oo lodo, deelaa ai, au e doange naa hogi goe i de masavaa o de hagaduasala e dae mai ai gi henua i lalo alodahi, e hagatale ai dangada e nnoho i henua i lalo.

Revelation 2:10

Aude madagu i mee oou gu dai hagaduasala ina ai. Tilo, de ia hagabaubau laa gu dai hai naa gi dilia ange hanu goodou gi lo te hale pono e hagatale ai goodou, gai goodou e vaivai haia naa i e madaangahulu laangi. Gai goodou tuu gi makaga ga dae ai gi doodou maakau, gai au ga gaavadu gi de goe de hau o de mouli.

Psalm 121:7

Tagi Maolunga e hagaloosi naa goe mai i mee baubau alodahi; ia e hagaloosi naa doo mouli.

Psalm 25:11

Tagi Maolunga, go hiidinga doo ingoo, degi mai gi ogu baubau, gai e lagolago mmao.

1 Kings 8:36

gai koe hagalaangona alaadeu dalodalo mai i de langi, ga degi ange gi haisala o oo dangada hai hegau go de gau Israel. Gai koe ga agoago ange gilaadeu i de haiava danuaa olaadeu e seesee ai, gai koe ga hai gi pala iho de langi gi honga doo henua, aau gu gaavange laa e henua ai oo dangada.

1 Kings 8:34

gai koe hagalaangona alaadeu dalodalo mai i de langi, ga degi ange gi haisala o oo dangada go de gau Israel, ga hagaahe mai gilaadeu gi de henua aau gu gaavange laa gi olaadeu dubuna madagidagi.

Genesis 48:16

go tangada de langi ne hagaola ina mai au i denga hai ngadaa alodahi — gi hagamanuuia ina hogi luu gauligi daane nei. Gai gilaau gi gaavee dogu ingoo ma ingoo o luoogu damana go Abraham ma Isaac gai gilaau gi hagadili gi soa i henua i lalo.”

Luke 11:5

Gai ia ga hai ange gi gilaadeu, “Noo dahi goodou e dahi ono soa, gai dono soa ga hano gi ono daha i lo te boo, ga hai ange, ‘Dogu soa, gaamai e dolu duudangaa pelaoaa maagu,

Luke 13:4

Gai dangada e tinoangahulu ma dogovalu ne baguu iho laa de hale maolunga i Siloam ga daa gu maakau, goodou e maanadu bolo gilaadeu e baubau ange i dangada alodahi nogo nnoho laa i Jerusalem?