Luke 11:39 - De Beebaa Dabu

³⁹ Aagai Tagi Maolunga ga hai ange gi de ia, “Goodou denga Pharisee e hagagilimalali laa daha o de ubu ma de gumedi, gai oodou lodo e hoohonu i de nnoo hagamau mee ma de baubau.

Luke 11:39 Referans Kwoze

James 4:8

Goodou hagapaa ange gi de Maadua, gai ia ga hagabaa adu gi goodou. Goodou de gau haisala, hagagilimalali ina oodou lima! Goodou de gau llodo lagolago, hagagilimalali ina oodou lodo!

Titus 1:15

Gai mee alodahi e gilimalali ange gi tangada e gilimalali ana dahulinga, aagai ange gi tangada e hakino gee ana dahulinga gai e dee hagadonusia, e deai donu se mee daudahi e gilimalali, go hiidinga alaadeu maanadu aama olaadeu lodo e dee gilimalali.

Acts 5:3

Aagai Peter ga hai ange, “Ananias, gu aha gu dugu ange ai naa goe Satan gi usuusu ina adu goe gi hadu muna ange gi de Hagasaalunga Dabu, gai koe ga dugu ai naa dahi luu baasi de hagaoanga o de alahenua naa?

Matthew 15:19

Gai aanei mee e loomai i lodo o tangada: go maanadu baubau, ma de daa tangada gi magau, ma de gaiaa de bodu o dahi, ma de hai be se manu, ma de gaiaa, ma de hadu muna i de tala hagadonu, aama de tala hagabaubau dahi.

Matthew 7:15

“Goodou kana ange dagidiiloo denga pelaabisi hadu muna, gilaadeu e kahu naa bei denga ssiibi e loomai ai gi oodou daha, aagai olaadeu lodo e bei denga wolf.

Proverbs 30:12

Hanu dangada e maanadu bolo gilaadeu e gilimalali, gai tigi hagagilimalali donu denga mee hakino gee i olaadeu lodo.

Genesis 6:5

Gai Tagi Maolunga gu gidee bolo gu kona mmao de baubau o dangada i henua i lalo, gai alaadeu dahulinga ma maanadu i olaadeu lodo i masavaa alodahi go de baubau donu huu.

Galatians 1:14

Gai au ne kii ange donu dogu hagammahi i denga hai daumaha a de gau Ssuu i ogu soa ange laa, ma de daudali i tahulinga a odaadeu damana madagidagi.

John 12:6

Ia tee tala muna laa i hiidinga ia e aloha i de gau hagaau aloha, gai go hiidinga ia se dangada gaiaa, go ia e doange de beagi sseene. Gai e dee modu donu dana gaiaa denga sseene i lo te beagi laa.

Luke 16:15

Gai ia ga hai ange gi gilaadeu, “Goodou e tala hagadanuaa goodou i madamada o dangada, aagai de Maadua e iloo dagodo o oodou lodo. Gai mee e hagadubu i daho dangada ni mee hakino gee i daho de Maadua.

Luke 7:13

Gai de masavaa huu a Tagi Maolunga ne gidee ai de hine laa, gai ia gu lodo aloha i de ia, gai ia ga hai ange gi de ia, “Aude dangi.”

Zephaniah 3:3

Denga dangada aamua e bei denga laiono e hagangolo laa, ono dagi e bei denga wolf i de ahiahi, gilaadeu e dee dugu hanu mee gi doe gi taiao age.

Ezekiel 22:27

Ono dangada aamua e bei denga wolf e hangahanga ina laa alaadeu manu gu mau. Gilaadeu gu hagassali dodo o dangada ma de daa gilaadeu ga maakau gi maua ai olaadeu goloa i hegau dee heohi.

Ezekiel 22:25

Ono pelaabisi gu heloongoi i dahi mee, gilaadeu e bei de laiono e haganngolo laa i dana masavaa e gai ai de manu aana gu mau; gilaadeu e daa dangada gi maakau, gilaadeu e kave goloa ma mee hagamogomogo ma de hai gi soa haahine gu maakau olaadeu bodu i kilaa.

Jeremiah 4:14

Jerusalem, huuia gi deai baubau i oo lodo gi ola ai goe. Dee hee maa taulooloa dau daohi denga maanadu baubau i oo lodo?

Proverbs 26:25

Ga basa hagamalangilangi naa donu ia, gai koe aude hagadonusia ana muna, i hiidinga ono lodo e honu i maanadu hakino gee.

Psalm 22:13

gilaadeu e hhanga mai olaadeu ngudu gi de au, bei denga laiono alasala e hagangolo laa.

2 Chronicles 25:2

Gai ia ne hai hegau i de heohi i mada luu mada o Tagi Maolunga, gai tee hai hegau i de heohi i ono lodo alodahi.

2 Timothy 3:5

gilaadeu e hagaago donu huu de hai lodo o de Maadua, aagai gilaadeu e hagangadi mee donu ssauaa o de Maadua. Gai koe gi dee hagabuni ange gi gilaadeu e haia mee nei.

John 13:2

Gai de masavaa huu o de gaimee i de ahiahi, gai de ia hagabaubau laa gu lava i de gaavange gi lodo o Judas Iscariot, tama daane a Simon, de lodo e gaavange Iesu.

Proverbs 26:23

De hagasegesege ange tangada i au muna gai oo lodo e dee se muna abodonu, e bei de gumedi ne hai laa i gelegele, ma gu hagamalamalama laa daha.

Luke 7:19

ga hai gilaau gi hulo gi siilia ange gi Iesu, gi hai ange, “Go koe de ia gu tala laa bolo e humai, aabe gimaadeu e tali ange dahi dangada gee?”