Luke 11:26 - De Beebaa Dabu

²⁶ Gai ia ga hano ga ssala mai ange e dogohidu hagasaalunga e baubau ange i de ia, gai gilaadeu ga ulu i kilaa ga nnoho ai. Gai dagodo o tangada laa i muli mai gu kii ange de baubau i taamada age.”

Luke 11:26 Referans Kwoze

John 5:14

Muli mai gai Iesu ne hedae ange gi taane laa i de temple, ga hai ange gi de ia, “Tilo, koe gu ahe ange ma gu ieiangi! Koe gi dee haisala kana kii ange de baubau mee e hai adu gi de goe.”

Matthew 12:45

Gai ia ga hano ga ssala ange e dogohidu hagasaalunga e kii ange laa de baubau i de ia, gai gilaadeu ga ulu ga nnoho i kilaa. Gai dagodo o tangada laa gu kii ange de baubau i muli mai. Gai aanei naa hogi dagodo o de atangada baubau nei.”

1 John 5:16

Noo koe e gidee doo daina gu haisala i de mee oona e dee magau ai, gai koe gi dangidangi ai, gai de Maadua ga hagamouli ai tangada bee nei — go de ia gu haisala i mee oona e dee maakau ai. E dahi donu haisala e magau ai tangada. Gai au e dee hai adu koe gi dalodalo i de mee nei.

Zephaniah 1:6

ma gilaadeu e daahuli gee gu dee daudali ange i Tagi Maolunga, aagai e dee ssala hogi Tagi Maolunga, aabe e dangidangi ange gi de ia i de bale.

Matthew 23:15

E vakaa naa goodou, de gau sisi ma denga Pharisee! Goodou ni dangada e daahangadia dangada! Goodou e hulo gi mommee mmao i henua i lalo e hai ai dahi dangada gi daudali adu i goodou, gai goodou ga hai ia gi kii ange se dangada e baba ange gi de ahi i goodou.

Luke 11:25

Gai de masavaa huu oona ne ahe mai ai, gai ia gu gidee bolo de mommee laa gu lava i de hagagilimalali ma gu hagadanuaa.

Luke 11:27

De masavaa a Iesu ne tala ai mee laa, gai dahi hahine i magavaa o dangada ne hagaleo laumalie ga hai ange gi de ia, “E manuuia de hine ne hanaua goe ma de hakaa unuunu goe!”