Luke 11:2 - De Beebaa Dabu

² Iesu ne hai ange gi gilaadeu, “De masavaa naa huu oodou e dalodalo ai, gai goodou ga hai ange: ‘Tamana, gi dabu doo ingoo; gi humai doo nohoanga hodooligi.

Luke 11:2 Referans Kwoze

Ecclesiastes 5:2

Aude hagamoolau gi daalaa hanu muna i doo ngudu, aude hagamoolau gi daalaa hanu ngadi muna i oo lodo i mada luu mada o de Maadua. Go hiidinga de Maadua e noho i de langi, gai koe i henua i lalo, deelaa ai, haia gi dee lagolago au muna e tala.

2 Chronicles 20:6

ga dalodalo ga hai ange, “Tagi Maolunga, de Maadua o omaadeu dubuna madagidagi. E aha, e dee go koe de Maadua o de langi? Go koe Tagi o nohoanga hodooligi alodahi o denga huaahenua. Ssauaa ma de mmahi ni mee niiau, gai e deai donu se dangada e maua i de hai baasi adu gi de goe.

Revelation 15:4

Tagi Maolunga, goai e dee madagu ma tee hagamahamaha ina doo ingoo? Go koe donu huu e dabu. Denga huaahenua alodahi e loomai naa ga daumaha adu gi de goe, go hiidinga koe gu hagaago mai au hagamodu heohi.”

Psalm 11:4

Tagi Maolunga e noho i lo tono temple dabu; Tagi Maolunga e noho i honga dono nohoanga i de langi. Luoono mada e daumada; luoono mada e hagatale dagodo hegau a dangada.

Revelation 20:4

Gai au gu gidee hanu nohoanga hodooligi, gai gu gaavange ssauaa gi gilaadeu e nnoho i honga nohoanga laa e hagamodu ai muna. Au ne gidee hogi denga hagasaalunga o dangada ne duuduudia laa olaadeu ua, i hiidinga delaadeu tala hagadonu dagodo o Iesu ma muna a de Maadua, aagai gilaadeu tee daumaha ange gi de manu alasala laa aabe go dono diinonga, gai tee kave hogi dono maaga i honga olaadeu lae aabe go honga olaadeu lima. Gilaadeu alodahi gu mouli age ga hodooligi madali Klisdo i e mano ngadau.

1 Thessalonians 1:3

Gimaadeu e manadua goodou i talodalo i mada luu mada o taadeu Maadua ma Tamana i oodou hegau e hai i de gai ma oodou hegau i de aloha, ma doodou llodo mmahi i de tali hagalodolodo i lodo o taadeu Dagi Maolunga go Iesu Klisdo.

Philippians 4:20

Gidaadeu ga hagamahamaha de Maadua taadeu Damana ga hano ai e dee ngado mai. Amen.

Philippians 1:2

De abodonu ma de baba mai i daho de Maadua taadeu Damana aama Iesu Klisdo Tagi Maolunga gi dagodo i oodou daha.

Ephesians 1:2

De abodonu ma de baba mai i daho de Maadua taadeu Damana, aama Tagi Maolunga go Iesu Klisdo gi dagodo i oodou daha.

2 Corinthians 1:2

De abodonu ma de baba mai i daho de Maadua taadeu Damana, aama mai i daho Tagi Maolunga go Iesu Klisdo gi dagodo i oodou daha.

1 Corinthians 1:3

De abodonu ma de baba mai i daho de Maadua taadeu Damana, aama Tagi Maolunga go Iesu Klisdo gi dagodo i oodou daha.

Isaiah 63:16

Aagai go koe demaadeu Damana, e dee galemu donu Abraham e dee iloo gimaadeu, gai Israel e dee madea gimaadeu. Tagi Maolunga, go koe donu demaadeu Damana, gai go koe demaadeu Ia Hagaola mai loo madagidagi.

Psalm 57:11

De Maadua, doo hagaamua e maolunga ange i de langi, gai doo mahamaha gi dagodo i henua i lalo alodahi!

Revelation 19:6

Gai au ne langona dahi mee bei de hevaalogi o dahi hagabuulingaa dangada soa, ma de haganngolo o denga vai lagolago aama de babaa o denga hatuli nnui, e hagataba, “Hallelujah! Tagi Maolunga taadeu Maadua de Ia Mmahi Mmao laa gu hodooligi.

Revelation 11:15

Gai togohidu dangada de langi ne ili dana trumpet, gai gu langona adu hanu leo i de langi e hagataba, “De nohoanga hodooligi o henua i lalo gu gaavange gi taadeu Dagi Maolunga ma dana Klisdo, gai ia e hodooligi ai naa ga hano ai e dee ngado mai.”

1 Thessalonians 1:1

Mai i daho Paul, ma Silvanus aama Timothy. Ange gi de nohoanga dabu o de gau Thessalonica, e seesee laa i lodo o de Maadua Tamana aama Tagi Maolunga go Iesu Klisdo. De abodonu ma de baba gi dagodo i oodou daha.

2 Thessalonians 2:16

Gai taadeu Dagi Maolunga go Iesu Klisdo aama de Maadua taadeu Damana e aloha laa i gidaadeu, ma de hagaaneane odaadeu lodo ga hano ai, aama de tali hagalodolodo i dono abodonu,

Colossians 1:2

Ange gi dangada o de Maadua i Colossae, go denga daina e hai hegau i de mee abodonu i lodo o Klisdo. De abodonu ma de baba mai i daho de Maadua taadeu Damana gi dagodo i oodou daha.

Romans 8:15

Goodou tee kave de hagasaalunga e haia laa goodou ga ni dangada hai hegau, gai goodou ga aahe ange ai ga maatagu, aagai goodou ne kave de Hagasaalunga e haia goodou ga ni dama daohi. Gai go ono hiidinga odaadeu e maua i de hagataba, “Abba! Tamana!”

Matthew 10:32

“Be goai e daalaa bolo ia se dangada niiogu i madamada o dangada, gai au e tala naa hogi bolo ia se dangada niiogu i mada luu mada o dogu Damana i de langi.

Matthew 5:16

Goodou haia gi gidee e dangada de maalama i oodou daha naa, gai gi gidee ai e gilaadeu oodou hegau danuaa, gai gilaadeu ga tuhi ai doodou Damana i de langi laa.

Matthew 3:2

ga hai ange, “Goodou daahuli oodou lodo, gu baa mai de nohoanga hodooligi o de langi!”

Habakkuk 2:14

Go hiidinga henua i lalo e hhao naa ga honu i de iloo mee o de mahamaha o Tagi Maolunga, bei de hagahonu o tai i denga lausedi.

Hosea 14:2

Goodou gaavee muna nei madali goodou gai aahe mai gi Tagi Maolunga, ga hai ange gi de ia: “Degi mai gi omaadeu baubau alodahi, ma de abodonu mai gi gimaadeu i doo lodo aloha, gai gimaadeu ga tuhi goe i omaadeu ngudu bei demaadeu hai gu hagatoo donu ai.

Daniel 7:27

Gai ssauaa e dagi ai, ma de mmahi aama de mahamaha o denga nohoanga hodooligi i lalo de langi alodahi, e gaavange naa gi de gau dabu, go dangada o de Ia Maolunga Mmao laa. Gai dono nohoanga hodooligi e dagodo naa donu huu ga hano ai, gai dagi alodahi e daumaha ange naa gi de ia ma de hagallongo ange gi de ia.’

Daniel 7:18

Aagai de gau dabu o de Ia Maolunga Mmao laa e kave naa de nohoanga hodooligi ga hodooligi ai, ga hano ai e dee ngado mai.’

Daniel 2:44

Gai laangi naa huu o denga hodooligi laa, gai de Maadua o de langi e hagaduu age naa dahi nohoanga hodooligi e dee maua laa i de oha, aabe e gaavange gi hanu dangada gee. Gai de nohoanga hodooligi laa e oha naa ma de hagallilo denga nohoanga hodooligi ange laa, aagai e dagodo naa donu huu ga hano ai.

Daniel 2:28

aagai e dahi Maadua i de langi e maua i de hagaago mai mee e dee iloo laa. Ia gu hagaago ange gi de hodooligi go Nebuchadnezzar mee e hai i muli mai. Deenei de midi ma midi hagaago ange aau ne gidee i de masavaa oou e dagodo ai i honga doo moenga:

Ezekiel 36:23

Au e hagaago ange naa gi denga huaahenua de dabu o dogu ingoo maolunga, go de ingoo oodou ne hagangadi mee. Gai gi iloo ai e denga huaahenua bolo go au donu go Iahweh, go de Ia Aamua go Iahweh e hagadaba, i de masavaa aagu e hagaago ange ai gi gilaadeu bolo au e dabu i oodou daha i oodou hiidinga.

Psalm 108:5

De Maadua, doo hagaamua e maolunga ange i de langi, gai doo mahamaha gi dae gi henua i lalo alodahi.

Psalm 103:20

Duuhia Tagi Maolunga, goodou ono dangada de langi, go goodou de gau mmahi e haia ono lodo, ma de daudali i ana muna.

2 Kings 19:19

Gai Tagi Maolunga, demaadeu Maadua, au e dangidangi adu, koe gi hagaola ina gimaadeu mai i de hodooligi o Assyria, gi iloo ai e denga nohoanga hodooligi alodahi o henua i lalo bolo go koe donu huu, Iahweh, de Maadua abodonu.”

1 Kings 8:43

gai koe hagalaangona dana dalodalo mai i de langi, go doo mommee e noho ai, ga hai gi bei mee alodahi a tangada henua gee laa e dangidangi adu ai, gai gi iloo ai e denga huaadangada alodahi o henua i lalo doo ingoo, ma de maatagu i de goe, bei dagodo o oo dangada go de gau Israel, gai gi iloo ai e gilaadeu bolo de hale aagu gu hagaduu nei gu hagadabu ange gi doo ingoo.

Leviticus 22:23

Gai de kaau be se ssiibi e looloa laa dahi ono vae aabe bodobodo, goodou e maua i de ngadi gaavange e hai ai ssigidaumaha; aagai noo se hai e hagasula ai dau hagatoo donu, gai sigidaumaha laa e dee hagamalangilangi Tagi Maolunga.

Leviticus 10:3

Gai Moses ne hai ange gi Aaron, “Aanei muna a Tagi Maolunga gu tala ma gu hagadaba: ‘Au e hagaago ange gi gilaadeu e loomai e hagapaa mai gi de au bolo au e dabu; gai dangada alodahi gi hagamahamaha ina au i olaadeu daha.’ ” Gai Aaron gu dee muu.

Galatians 1:4

Iesu Klisdo ne gaavange dono mouli i hiidinga odaadeu haisala, gai ia ga hagaola ai gidaadeu mai i de masavaa o de baubau go iainei, bei dagodo lodo o taadeu Maadua ma Tamana.

Romans 1:7

Ange gi dangada alodahi i Rome o de Maadua e aloha ai laa, gai gu hagahi e hai ai dangada o de Maadua: De abodonu ma de baba mai daho de Maadua taadeu Damana, aama mai i daho Tagi Maolunga go Iesu Klisdo gi dagodo i oodou daha.

Luke 11:1

Dahi laangi gai Iesu e dalodalo i dahi mommee, gai ga lava huu ono dalodalo, gai dahi ana dangada agoago ne hai ange gi de ia, “Tagi Maolunga, agoagona mai gimaadeu i de hai omaadeu e dalodalo ai, bei de hai a John gu agoago ange ai laa hogi ana dangada agoago.”