Luke 10:7 - De Beebaa Dabu

⁷ Gai goodou ga nnoho i de hale e abodonu adu gi goodou, ga gaimee i kilaa ma de unu i mee alaadeu e gaavadu gi goodou; go hiidinga e heohi donu de kave a tangada hai hegau ono mee e gaimee ai. Gai goodou e dee hulo gi hagadaga saele i denga hale.

Luke 10:7 Referans Kwoze

2 Timothy 2:6

Gai go tangada hai hegau hagammahi i de veelenga, e heohi de kave dono duuhanga mai i denga huamanu i taamada.

Galatians 6:6

Gai tangada e agoagona muna a de Maadua i daho dahi dangada, gi balea ange hogi tangada laa i ana mee danuaa alodahi e hanu.

Luke 9:4

Gai dee hee naa huu doodou hale e hulo ga nnoho ai, gai goodou nnoho donu huu i kilaa ga dae ai gi doodou hulo gee mai i de aduhale laa.

Mark 6:10

Iesu ne hai ange hogi gi gilaadeu, “Dee hee naa huu de hale oodou e hulo ga nnoho ai, gai goodou nnoho donu huu i kilaa ga dae ai, gi doodou hulo gee mai i de aduhale laa.

1 Timothy 5:13

E dahi ange mee, gilaadeu gu ngadi nnoho, ma de hagadaga saele i hale o dangada ga hai samu ai ma de baatai, aama de tala mee e dee heohi delaadeu tala.

Acts 16:34

Ia ne kave hogi gilaau gi dono hale, ga haangai gilaau. Aagai ia ma dangada alodahi i dono hale gu malangilangi, go hiidinga gilaadeu gu hagadonusia de Maadua.

Acts 16:15

Aagai dua huu dono babudaisi madali dangada alodahi i dono hale, gai ia ne dangidangi mai gimaadeu, ga hai mai, “Noo goodou e hagataba bolo au gu hagadonusia abodonu Tagi Maolunga, gai goodou loomai nnoho i dogu hale.” Gai ia ne usuusu mai gimaadeu ga dae ai gi demaadeu uaa ange.

Deuteronomy 12:12

Gai goodou ga malangilangi ai i mada luu mada o Tagi Maolunga doodou Maadua, madali oodou dama daane ma oodou damaa hine, ma oodou daane ma haahine hai hegau, ma dangada de aamuli o Levi i oodou aduhale, teai laa se mommee ne vvae ange gi gilaadeu madali goodou.

Acts 16:40

Gai gilaau ga ssao mai i de hale pono ga hulo gi de hale o Lydia, ga hedae ange ai gi denga daina ga hagammahi ange olaadeu lodo. Gai gilaau ga hulo gee mai i kilaa.

Luke 10:6

Gai noo e hanu dangada e heohi i de kave de baba i kilaa, gai de baba i oodou daha gi dagodo hogi i ono daha; aagai noo e deai, gai de baba i oodou daha gi ahe adu gi goodou.

Numbers 18:31

Gai gu dee hilihili donu de mommee oodou ma oodou huaabodu e gai ai mee nei; go hiidinga deenei de hagaoanga o oodou hegau i de hale malo hagabuni.

Deuteronomy 18:8

Gai ia e kave hogi tuuhanga o denga gai a de gau haimeedabu, madali de sseene mai i de hagaoanga o de gelegele o dono huaabodu.