Luke 10:2 - De Beebaa Dabu

² Gai ia ne hai ange gi gilaadeu, “Gu laumalie mmao tau gai, gai gu sogoisi de gau hai hegau. Deenei ai, goodou dangidangi ange gi de Ia Aamua o tau gai, ia gi haia gi hulo de gau hai hegau gi dana dau gai.

Luke 10:2 Referans Kwoze

1 Thessalonians 5:12

Denga daina, gimaadeu e dangidangi adu goodou gi hagadubulia gilaadeu e hagaduu ngae ma e hai hegau i oodou magavaa, ma de dagi goodou i lodo o Tagi Maolunga aama de agoago adu goodou.

Mark 16:15

Gai ia ga hai ange gi gilaadeu, “Goodou hulo gi henua i lalo alodahi ga agoago ange ai de longo danuaa gi dangada alodahi.

2 Timothy 4:5

Aagai koe gi dagitilo i masavaa alodahi, ma de hagaduu ngae i de lodo mmahi i doo hagaduasala ina, ma de hai hegau a tangada e hagadele ina de longo danuaa, ma de hagasula hegau alodahi o dau duuhanga hegau.

2 Thessalonians 3:1

Denga daina, aanei agu muna hagaodi: goodou dalodalo gi moolau de hagadele muna a Tagi Maolunga ma de hagadubu i daho dangada, bei doodou hai ne hagadubu ai naa hogi.

Mark 13:34

Gai e bei tangada gu baba ange laa e sailago: ia ne hano gee i dono hale, gai ga dugu ange gi ono dangada hai hegau gi diiloo ange. Gai ia ga gaavange gi dahi ma dahi ana hegau e hai, ga tala ange gi tangada hagaloosi ia gi noho gi dagitilo.

1 Timothy 4:10

Gai deenei taadeu mee e hai hegau ange ma de hagammahi ange aagena, go hiidinga taadeu tali hagalodolodo go daho de Maadua e mouli laa iai, go de Ia Hagamouli o dangada alodahi, gai ange donu gi gilaadeu e hagadonusia.

Acts 22:21

Aagai ia ne hai mai gi de au, ‘Hannoo, au e hai goe gi hano gi daho denga Gentile i de mommee mmao.’ ”

Acts 20:28

Goodou diiloo iho goodou aama de hagabuulingaa ssiibi alodahi, go gilaadeu a de Hagasaalunga Dabu gu dugu adu goodou gi dagina, gai goodou ga hagaloosi ange ai de nohoanga dabu o de Maadua, aana ne hagao laa i ono dodo donu.

Acts 13:4

Gai de Hagasaalunga Dabu ne hai gilaau gi hulo gi Seleucia, gai gilaau ne dele mai i kilaa ga hulo gi Cyprus.

Acts 13:2

Gai de masavaa olaadeu ne daumaha ange ai gi Tagi Maolunga, ma de hagahiikai, aagai de Hagasaalunga Dabu ga hai ange, “Goodou vaaea gee Barnabas ma Saul, ange gi de hegau aagu gu dai hagahi ange gilaau aagena.”

Acts 11:19

Gai dangada ne mavaevae saele laa i hiidinga de vaivai haia o dangada ne daamada laa i Stephen, ne hulo loo ga tae gi Phoenicia, ma Cyprus, aama Antioch. Gai gilaadeu tee agoago ange muna a de Maadua gi hanu dangada gee, go de gau Ssuu donu huu.

Acts 8:4

Gai dangada ne mavaevae saele laa ne hulo ga agoago muna a de Maadua.

Luke 9:1

Iesu ne hagahi ga hagabuni mai ana dangada agoago ga gaavange gi gilaadeu de mmahi ma ssauaa e hai ai gi hulo gee denga hagasaalunga baubau alodahi, ma de hagaieiangi ai denga magi,

Mark 16:20

Gai ana dangada agoago ne hulo ga agoago i mommee alodahi. Aagai Tagi Maolunga ne hai hegau madali gilaadeu aama de hagadonu alaadeu muna i denga hagailonga alaadeu e hai.]

Matthew 20:1

“Gai de nohoanga hodooligi o de langi e bei dagodo o dahi dangada aamua e oho laa e hano e ssala dangada gi hulo gi hai hegau i dana veelengaa grape.

Zechariah 11:17

E vakaa naa tangada hagaloosi deai ono haigamaiana, go de ia ne dilia de hagabuulingaa ssiibi! De gadilaasa gi duudia dono lima ma dono ganomada madau! Dono lima masui gi magau, dono ganomada madau gi dee gide!”

Jeremiah 3:15

Gai au e gaavadu naa gi goodou de gau hagaloosi e haia ogu lodo, gai gilaadeu ga dagi ai goodou i de iloo mee ma de tonu ange.

Philippians 2:25

Au e maanadu bolo e danuaa dagu hai gi ahe adu taadeu daina go Epaphroditus, ia se daane hai hegau madali au ma de hebagi madali au, go tangada oodou ne hai gi humai gi balea mai au i de masavaa oogu ne duasala ai.

Philippians 2:21

De gau ange laa alodahi e ssala donu huu olaadeu mee e llodo ai, e dee go mee o Iesu Klisdo e lodo ai laa.

1 Corinthians 12:28

Gai de Maadua gu lava i de hili denga duuhanga i lo te nohoanga dabu, tahi go de gau tala, de lua go denga pelaabisi, tolu go de gau agoago, ma de gau e haia mee hagalele mouli, ga lava go gilaadeu e hagaieiangi ina magi, ma gilaadeu e balea ange dangada, ma de gau hagaseesee, aama gilaadeu e pasa i denga hagadaagangaa muna.

Numbers 11:17

Gai au e hano iho naa ga basa adu gi de goe i kilaa; gai au e kave naa hanu mahi mai i daho de Hagasaalunga i oo daha naa ga gaavange gi gilaadeu; gai gilaadeu ga bale adu ai goe ga hagauda daemaha o dangada, gi dee go koe ai donu huu e hagauda ina taemaha naa.

Colossians 1:29

Gai au e hagaduu ngae e hai mee nei alodahi i ssauaa mahi o de Maadua gu hagahai hegau laa i ogu daha.

Philippians 2:30

go hiidinga ia ne dai magau donu i dana hai hegau a Klisdo; ia ne hagangadi mee dono mouli gi maua ai e ia i de hagalava mee alodahi oodou tee maua i de hai e bale mai ai au.

Hebrews 3:6

Aagai Klisdo ne hai hegau i de muna abodonu i de tilo ange de hale o de Maadua bei dagodo o tama donu. Gai gidaadeu go dono hale donu, noo gidaadeu e daohi taadeu lo taane ma de malangilangi i taadeu tali hagalodolodo.

1 Thessalonians 2:9

Denga daina, goodou manadua demaadeu hagaduu ngae ga hai hegau i oodou magavaa! Gai gimaadeu ne hai hegau i de boo ma de laangi gi dee hagadaemaha ina ai e gimaadeu dahi goodou i de masavaa amaadeu e tala adu ai de longo danuaa a de Maadua gi goodou.

Colossians 4:12

Epaphras se dangada mai i oodou daha, gai se dangada hai hegau niio Klisdo Iesu, e gaavadu hogi dana hagaboo. Ia e kona de hagammahi ma e dalodalo i goodou, gi maua e goodou i de tuu gi makaga, ma de maatua abodonu i lodo hagatau a de Maadua.

2 Corinthians 6:1

Gimaadeu ni dangada e hai hegau hagabuni madali de Maadua, deenei ai, gimaadeu e dangidangi adu goodou gi dee hagangadi mee ina, de abodonu o de Maadua oodou gu kave naa.

1 Corinthians 15:10

Aagai de abodonu o de Maadua gu hai au gi bei ogu dagodo iainei, gai dono abodonu mai gi de au tee se ngadi mee donu. Gai au e kii ange donu dogu hai hegau hagammahi i de gau tala ange laa — aagai e dee go ogu mahi, gai go de abodonu o de Maadua mai gi de au.

Zechariah 11:5

Dangada e hagao ina gilaadeu e daa gilaadeu ga maakau, gai gilaadeu tee hagaduasala. Dangada e hagao ina gi daha denga ssiibi e hagataba, ‘Duuhia Tagi Maolunga, au gu se dangada lava.’ Olaadeu dangada hagaloosi e dee lodo aaloha ange donu gi gilaadeu.

1 Kings 18:22

Gai Elijah ga hai ange gi gilaadeu, “Go au donu huu e doe i denga pelaabisi o Tagi Maolunga, aagai Baal se 450 ono pelaabisi.

Numbers 11:29

Gai Moses ga hai ange gi de ia, “Koe gu magiaa ange naa gi gilaau i ogu hiidinga? Mee naa dangada alodahi o Tagi Maolunga gi ni pelaabisi gai Tagi Maolunga gi haia gi humai dono Hagasaalunga gi olaadeu elunga!”

Philemon 1:1

Mai i daho Paul, taane gu hhao laa gi lo te hale pono, i hiidinga o Klisdo Iesu, aama mai i daho Timothy taadeu daina. Ange gi Philemon, demaau soa hai hegau hagamogomogo,

Psalm 68:11

De Ia Aamua e hagailoo ana muna, gai e soa haahine ne hagadele ina muna nei:

Revelation 2:1

“Siia ange muna nei gi tangada de langi o de nohoanga dabu i Ephesus: Aanei muna mai i daho de ia e daohia laa denga heduu e hidu i dono lima madau, ma de seesee i magavaa o denga mee dugu laama goolo e hidu laa.