Luke 1:78 - De Beebaa Dabu

⁷⁸ ma hiidinga de lodo aloha o taadeu Maadua, e haia laa ga humai de maalama o de langi gi odaadeu daha,

Luke 1:78 Referans Kwoze

2 Peter 1:19

Gai gu kii ange donu hagadonu muna a denga pelaabisi, gai e heohi hogi doodou kana ange ga hagallongo, bei doodou hai e daumada ai de laama e maalama laa i de mommee gohu, ga dae ai gi de ao de mee, gai de heduu o taiao gu sobo age i oodou lodo.

Malachi 4:2

Aagai dagodo o oodou dangada e hagadubu ina laa dogu ingoo: de laa o de heohi e sobo age naa ma ono gavegave e hagaieiangi ina laa dangada. Gai goodou e ssao naa ga hulo i de malangilangi, bei denga kaau gauligi gu hagassao mai laa i lo te buibui.

Colossians 3:12

Deenei ai, goodou dangada a de Maadua gu hili e hai ai ono dangada, goodou e dabu ma de hagamogomogo, goodou gi hai hegau i de lodo aloha, ma de abodonu, ma de lodo maolalo, ma de daudonu, ma de golomagi lodo.

Philippians 2:1

Deenei ai, noo e dahi oodou llodo mmahi i daho Klisdo, be se hagaaneane i de aloha, be go de buni i lodo o de Hagasaalunga ⌊Dabu⌋, aabe go de lodo aloha ma de abodonu ange gi dangada,

Ephesians 5:14

go hiidinga mee alodahi gu hagaago mai i de maalama gu gidee. Deenei ai, gu tala e hai ange, “Tangada goi seni, alahage, gai mouli age mai i de magau, gai Klisdo ga hagamaalama goe.”

Numbers 24:17

Au e gidee ia, gai e dee go iainei; au e daumada ia, aagai ia tigi baa mai. Dahi heduu e sobo age naa i daho Jacob, dahi laagau hodooligi e sula age naa i Israel; ga dagahi gi bala de biho o Moab, ma de ngadi biho o hagadiilinga o Sheth.

Revelation 22:16

“Au go Iesu, au ne hai dogu dangada de langi gi hanadu gi daalaa hagadonu ina ange muna nei gi denga nohoanga dabu. Go au de laa ma de hagadiilinga o David, ma de heduu maalama o taiao.”

1 John 3:17

Noo tangada e hanu ono goloa, gai ia e gidee dahi ono daina e duasala, aagai ia e dee abodonu ange gi de ia, gai dee hee dana hai e tala ai bolo de aloha o de Maadua e dagodo i ono daha?

Zechariah 6:12

Gai koe ga hai ange gi de ia: ‘Tagi o denga hagabuulinga hebagi e hagadaba: Tilo, e dahi daane dono ingoo go de Uli Manu; ia e somo age naa i dono mommee, gai ia ga hagaduu age de temple o Tagi Maolunga.

Zechariah 3:8

Nnoho mai hagalaangona, Joshua, tangada haimeedabu maolunga, ma oo soa e nnoho madali goe, go hiidinga gilaadeu ni hagailonga niio mee e loomai: tilo, au e hai naa gi humai dogu dangada hai hegau go de Uli o David.

Isaiah 11:1

Dahi uli e matili age naa i tahido o Jesse; gai dahi laa e somo age naa i dono dahido ga hua.

Philippians 1:8

Gai go de Maadua dogu dangada tala hagadonu, i dagu tala adu bolo au e buliaamou mmao i goodou alodahi bei de aloha o Klisdo Iesu.

John 3:16

“Gai de Maadua ne aloha mmao i henua i lalo, deelaa ai aana ne gaamai ai laa dana Dama Daane dagidahi, gai be goai e hagadonusia gai ia e dee magau donu, aagai e maua de mouli e dee ngado mai.

Isaiah 63:15

Koe gi galo iho i de langi ma gi diiloo, ma mai i doo nohoanga maolunga, i de dabu ma de mahamaha. I hee iai doo lodo mmahi ma doo sauaa? Koe gu daohi doo abodonu ma doo lodo aloha i gimaadeu.

Isaiah 63:7

Au e tala dagodo de abodonu o Tagi Maolunga, ma hegau e heohi laa de tuhi ai ia, i hiidinga hegau alodahi a Tagi Maolunga ne hai mai gi gidaadeu, ma mee danuaa aana ne hai ange gi de gau Israel, bei dagodo o dono lodo aloha ma dono abodonu laumalie.

Psalm 25:6

Tagi Maolunga, manadua doo degi ma doo abodonu, go hiidinga mee nei gu hai mai loo madagidagi.

Isaiah 42:16

Au e dagi naa gilaadeu e dee kide i dahi haiava alaadeu tigi iloo, ma de dagi gilaadeu i denga dao haiava olaadeu tigi hulo ai; au e sui naa de gohu gi se maalama i olaadeu mada i mua, ma de hai denga mommee haduhadua gi ssoe. Aanei agu mee e hai ange gi gilaadeu, gai e dee tili naa donu gilaadeu.