Luke 1:35 - De Beebaa Dabu

³⁵ Tangada de langi laa ne hai ange gi de ia, “De Hagasaalunga Dabu e humai naa gi oo elunga, gai ssauaa o de Ia Maolunga Mmao laa e haoli naa goe. Deelaa ai, Tama e haanau mai i oo daha e hagabinga naa bolo e dabu, go Tama Daane a de Maadua.

Luke 1:35 Referans Kwoze

Matthew 1:18

Gai deenei tagodo de haanau o Iesu Klisdo: dono dinana go Mary ne hagababa ange gi Joseph, gai i mua delaau hagahebaa, gai gu gidee mai bolo Mary gu hai dama i daho de Hagasaalunga Dabu.

John 1:49

Gai Nathanael ga hai ange gi de ia, “Tangada Agoago, go koe donu Tama Daane a de Maadua! Gai go koe de hodooligi o Israel!”

John 1:34

Gai au ne gidee de hai mee nei, ma de tala hagadonu bolo go ia donu Tama Daane a de Maadua.”

Romans 1:4

gai gu hagaago mai bolo ia go Tama Daane a de Maadua i ssauaa o de Hagasaalunga Dabu, i hiidinga dono mouli age mai i de magau: deenei, go Iesu Klisdo taadeu Dagi Maolunga.

Matthew 1:20

Aagai dana masavaa ne maanadu ai de hai de mee nei, gai tangada de langi o Tagi Maolunga ne hakide ange gi de ia i de midi, ga hai ange, “Joseph, de mogobuna o David, aude madagu i de hai bodu ange gi Mary, go hiidinga tama i ono lodo naa ne hagadili i daho de Hagasaalunga Dabu.

Mark 1:24

“Ni aha oou e lodo ai i omaadeu daha, Iesu tangada Nazareth? Koe e humai naa e daa gimaadeu gi maakau? Au e iloo be go koe goai: koe go de Ia Dabu a de Maadua!”

Matthew 27:54

De masavaa o tagi o de lau ma denga daane hebagi madali ia, e hagaloosia ange laa Iesu ne gidee ai de ngalungalue o de henua ma mee alodahi gu hai laa, gai gilaadeu gu maatagu mmao, ga hagataba, “Ni muna abodonu, taane nei go Tama Daane donu a de Maadua!”

Hebrews 4:15

Go hiidinga taadeu dangada haimeedabu maolunga e lodo aloha mai gi odaadeu mee e baageaa ai, i hiidinga ia gu lava i de hagatale i mee alodahi bei odaadeu dagodo, aagai ia tee haisala donu.

Luke 1:27

gi daho dahi bua moe gu hagababa ange laa gi taane dono ingoo laa go Joseph, se hagadiilinga niio David. De ingoo o de bua moe laa go Mary.

Galatians 2:20

Au gu lava i de daudau i de laagau lui madali Klisdo. Gai e dee go au ai loo e mouli iainei, gai go Klisdo e mouli i ogu lodo. Gai dogu masavaa e mouli ai i de angaanga nei, gai au e mouli i de gai ange gi Tama a de Maadua, go de ia ne aloha laa i de au ga gaavange dono mouli i ogu hiidinga.

Acts 8:36

Gai ga hulo huu gilaau ga tae gi gaogao dahi vai, gai de eunuch ga hai ange, “Tilo, deenei dahi vai! Gai se aha e buibuia dogu babudaisi?” [

De Beebaa go Job 25:4

E maua e dahi dangada gi heohi i mada luu mada o de Maadua? E maua e tangada ne haanau i daho de hine gi gilimalali?

John 20:31

Aagai mee nei ne sisi gi hagadonusia ai e goodou, bolo Iesu go de Klisdo donu, go Tama Daane a de Maadua, gai gi maua ai e goodou de mouli i doodou hagadonusia ia.

Mark 1:1

Deenei taamada de longo danuaa o Iesu Klisdo, Tama Daane a de Maadua.

Psalm 2:7

Au e hagailoo hainga a Tagi Maolunga gu hagasauaa; ia ne hai mai gi de au, “Go koe dagu Dama Daane, anailaa nei gai go au doo Damana.

De Beebaa go Job 14:4

Goai e maua i de hai de mee gilimalali i de mee e dee gilimalali? E deai donu se dangada e maua!

Ephesians 2:3

Gidaadeu alodahi ne mouli bei olaadeu dagodo i masavaa gu hulo, i taadeu hai lodo haisala alodahi o de angaanga, ma de daudali i lodo ma maanadu o de angaanga. Gai gidaadeu gu paba ange donu e hagaduasala i de lili ⌊o de Maadua⌋, bei dagodo o de gau ange laa.

Matthew 14:33

Gai gilaadeu i lo te boose laa ne ino gi lalo ga daumaha ange gi Iesu, ga hai ange, “Ni muna abodonu, go koe donu Tama Daane a de Maadua.”

Matthew 4:3

Gai de ia hagatale ne humai ga hai ange gi de ia, “Noo go koe donu Tama Daane a de Maadua, gai koe haia hadu nei gi ni duudangaa pelaoaa.”

Psalm 51:5

Ni muna abodonu, au se dangada baubau mai i dogu haanau, gai au ne haisala mai donu i de masavaa oogu ne hagadili ai i daho dogu dinana.

De Beebaa go Job 15:16

gai tangada hakino gee ma de haisala e kii mai ange donu, ia se dangada e unumia tee heohi bei denga vai!

Luke 1:34

Gai Mary ne ssili ange gi tangada de langi laa, “Au se bua moe, gai dee hee de hai e maua ai i de hai mee nei i ogu daha?”

Luke 1:36

Gai tilo, doo dangada go Elizabeth gu hai dama hogi i dahi dama daane i dono masavaa gu madumadua ai nei, gai deenei de ono malama o de hine e hagabinga laa bolo se hine dee hua.