Luke 1:29 - De Beebaa Dabu

²⁹ Aagai Mary gu madagu mmao i hiidinga o ana muna, gai ia ne hagasaele be se hagaboo bee hee deelaa.

Luke 1:29 Referans Kwoze

Acts 10:17

Gai de masavaa a Peter e hagasaele ai be dee hee de hagadoonunga o dana midi ne gide laa, gai denga daane a Cornelius ne hai laa gi loomai gu tuu i de haitoga o de buibui, i dua delaadeu ssili be dee hee de hale o Simon.

Acts 10:4

Gai ia ga haaina ia i dono madagu, ga ssili ange gi de ia, “Tagi Maolunga, se aha e hai?” Tangada de langi laa ne hai ange gi de ia, “Au dalodalo alodahi ma doo abodonu ange gi de gau hagaau aloha gu tae age, ma de hagamaanadu ai goe i mada luu mada o de Maadua.

Luke 1:12

Gai Zechariah gu manavasaa ono lodo aama de madagu mmao i de masavaa aana ne gide ai tangada de langi laa.

Luke 2:51

Gai Iesu ga hano madali gilaau gi Nazareth ga hagallongo ange gi gilaau. Aagai dono dinana ne daohi ma de hagasaele mee laa alodahi i ono lodo.

Luke 2:19

Aagai Mary ne daohi ma de hagasaele mee nei alodahi i ono lodo.

Luke 1:66

Gai dangada alodahi ne langona mee laa ne maanadu dagodo o mee laa, ga hagataba, “Aahee naa dagodo o tamaa gauligi nei i muli mai?” Gai Tagi Maolunga ne noho i daho John.

Matthew 16:7

Gai gilaadeu ne pasa i olaadeu magavaa ga hagataba, “Go hiidinga gidaadeu ne ngalo i de gaamai hanu pelaoaa.”

Luke 1:28

Gai tangada de langi laa ne humai gi Mary, ga hai ange, “De baba gi dagodo i oo daha. Tagi Maolunga e madali goe, ma de abodonu adu gi de goe!”